Click it and Unblock the Notifications
തുടർച്ചയായ രണ്ടാം ദിവസവും ബെഞ്ച്മാർക്ക് സൂചികകൾ ഉയർന്നു. നിഫ്റ്റി 11850 പോയിന്റിന് മുകളിലെത്തി. ഫിനാൻഷ്യൽ, മെറ്റൽ, എഫ്എംസിജി ഓഹരികളാണ് ഇന്ന് മികച്ച പ്രകടനം കാഴ്ച്ച വച്ചത്. സെൻസെക്സ് 448.62 പോയിൻറ് അഥവാ 1.12 ശതമാനം ഉയർന്ന് 40431.60 ൽ എത്തി. നിഫ്റ്റി 110.50 പോയിൻറ് അഥവാ 0.94 ശതമാനം ഉയർന്ന് 11873 ൽ എത്തി. 1470 ഓളം ഓഹരികൾ ഇന്ന് മുന്നേറിയപ്പോൾ, 1150 ഓഹരികൾ ഇടിഞ്ഞു, 148 ഓഹരികൾ മാറ്റമില്ലാതെ തുടർന്നു.
ഐസിഐസിഐ ബാങ്ക്, ആക്സിസ് ബാങ്ക്, നെസ്ലെ, എസ്ബിഐ, ഗെയിൽ എന്നിവയാണ് ഇന്ന് നിഫ്റ്റിയിൽ മികച്ച നേട്ടം കൈവരിച്ച ഓഹരികൾ.
ഡിവിസ് ലാബ്സ്, ഐഷർ മോട്ടോഴ്സ്, ഹീറോ മോട്ടോകോർപ്പ്, സിപ്ല, ബജാജ് ഓട്ടോ എന്നിവയാണ് ഏറ്റവും കൂടുതൽ നഷ്ടം രേഖപ്പെടുത്തിയത്. ഫാർമ, ഐടി, ഓട്ടോ എന്നിവ ഒഴികെയുള്ള മറ്റെല്ലാ മേഖല സൂചികകളും ഇന്ന് നേട്ടത്തിലാണ് വ്യാപാരം അവസാനിപ്പിച്ചത്. ബിഎസ്ഇ മിഡ്കാപ്പ്, സ്മോൾകാപ്പ് സൂചികകൾ 0.5 ശതമാനം വീതം നേട്ടം കൈവരിച്ചു. സ്വകാര്യ ബാങ്കായ കൊട്ടക് മഹീന്ദ്ര ബാങ്കിന്റെ ഓഹരി വില മൂന്ന് ശതമാനം ഉയർന്നു.
Sign in with Google