ഓഹരി വിപണിയിൽ അഞ്ചാം ദിവസവും നേട്ടം; ആർ‌ഐ‌എൽ, ടി‌സി‌എസ് ഓഹരി വില ഉയർന്നു

റിലയൻസ് ഇൻഡസ്ട്രീസിന്റെ നേട്ടത്തിൽ ഇന്ത്യൻ സൂചികകൾ തുടർച്ചയായ അഞ്ചാം ദിവസവും നേട്ടത്തിൽ വ്യാപാരം അവസാനിച്ചു. 5,512.50 കോടി രൂപ റിലയൻസ് റീട്ടെയിൽ വെഞ്ച്വർസിൽ നിക്ഷേപിക്കുമെന്ന് അബുദാബി ഇൻവെസ്റ്റ്‌മെന്റ് അതോറിറ്റി അറിയിച്ചതിനെ തുടർന്നാണ് റിലയൻസിന്റെ ഓഹരി വില കുതിച്ചുയർന്നത്. ടൈറ്റൻ, എച്ച് യുഎൽ, മാരുതി, എം ആൻഡ് എം എന്നിവയും ഇന്ന് മികച്ച പ്രകടനം കാഴ്ച്ച വച്ചു. ഇന്നത്തെ ഏറ്റവും മികച്ച പ്രകടനം കാഴ്ചവെച്ച സൂചികയാണ് നിഫ്റ്റി ഓട്ടോ ആണ്.

ഓഹരി വിപണിയിൽ അഞ്ചാം ദിവസവും നേട്ടം; ആർ‌ഐ‌എൽ, ടി‌സി‌എസ് ഓഹരി വില ഉയർന്നു

നിഫ്റ്റി ഓട്ടോ ഒരു ശതമാനത്തിലധികം ഉയർന്നപ്പോൾ നിഫ്റ്റി മീഡിയ ഇന്ന് രണ്ട് ശതമാനം താഴ്ന്നു. ഫെബ്രുവരി 25 ന് ശേഷം ആദ്യമായാണ് ഇന്ന് നിഫ്റ്റി 11,700 ന് മുകളിൽ എത്തുന്നത്. മിഡ്‌ക്യാപ്‌ സൂചിക ഇന്ന് നഷ്ടത്തിലായിരുന്നു. സെൻസെക്സ് 304 പോയിന്റ് ഉയർന്ന് 39,879 ലും നിഫ്റ്റി 76 പോയിന്റ് നേടി 11,739 ലുമാണ് ക്ലോസ് ചെയ്തത്. രണ്ട് ദിവസത്തെ ഇടിവിന് ശേഷം ഇന്ത്യൻ രൂപ ഇന്ന് നേട്ടത്തിൽ അവസാനിച്ചു. യുഎസ് ഡോളറിനെതിരെ രൂപ 73.33 എന്ന നിലയിലാണ് ഇന്ന് ക്ലോസ് ചെയ്തത്.

നിഫ്റ്റി ബാങ്ക് 111 പോയിന്റ് ഉയർന്ന് 22,965 ലും മിഡ്‌കാപ്പ് 88 പോയിൻറ് കുറഞ്ഞ് 17,128 ലും എത്തി. റിലയൻസ്, എച്ച്ഡിഎഫ്സി ബാങ്ക്, ഇൻഫോസിസ്, എച്ച്ഡിഎഫ്സി എന്നിവയാണ് നിഫ്റ്റിയിൽ മികച്ച സംഭാവന നൽകിയ ഓഹരികൾ. റിലയൻസ് ഇന്ന് 2 ശതമാനം നേട്ടം കൈവരിച്ചു. രണ്ടാം പാദത്തിലെ ഏറ്റവും കുറഞ്ഞ എ‌യു‌എം വളർച്ച റിപ്പോർട്ട് ചെയ്തതിന് ശേഷം ബജാജ് ഫിനാൻ‌സ് ഓഹരികൾ നിഫ്റ്റിയിൽ കുത്തനെ ഇടിഞ്ഞു.