ഇൻഫോസിസ് കുതിപ്പിൽ ഓഹരി വിപണിയിൽ ഇന്ന് നേട്ടം

ഇന്ത്യയിൽ കൊറോണ വൈറസ് കേസുകൾ 10 ലക്ഷത്തിനടുത്ത് എത്തിയപ്പോഴും ഓഹരി വിപണി ഇന്ന് നേട്ടം നിലനിർത്തി. ഇൻഫോസിസിന്റെ മികച്ച വരുമാനം ഐടി ഓഹരികൾ ഉയർത്തിയതോടെ ഇന്ത്യൻ ഓഹരി വിപണി ഇന്ന് മികച്ച നേട്ടം കൈവരിച്ചു. ഫിനാൻസ്, ഓട്ടോ ഓഹരികളിലെ നേട്ടവും വിപണി വികാരം ഉയർത്തി. സെൻസെക്സ് 420 പോയിന്റ് ഉയർന്ന് 36,471 ലും നിഫ്റ്റി 122 പോയിന്റ് ഉയർന്ന് 10,740 ലുമാണ് ക്ലോസ് ചെയ്തത്.

സോഫ്റ്റ്‌വെയർ കമ്പനിയായ ഇൻഫോസിസ് പ്രതീക്ഷിച്ചതിലും മികച്ച ജൂൺ പാദ ലാഭം റിപ്പോർട്ട് ചെയ്തതിനെ തുടർന്ന് ഇൻഫോസിസ് ഓഹരികൾ 15 ശതമാനം ഉയർന്ന് 955.50 രൂപയിലെത്തി. ഓഹരി വില 9.5 ശതമാനം ഉയർന്നു. ഇതിനെ തുടർന്ന് നിഫ്റ്റി ഐടി സൂചിക ഏകദേശം 3 ശതമാനം ഉയർന്നു. എൽ ആന്റ് ടി ഇൻഫോടെക്, എംഫാസിസ്, മൈൻട്രീ, എച്ച്സിഎൽ ടെക് എന്നിവയുടെ ഓഹരികളും 3-5 ശതമാനം വരെ ഉയർന്നു.

ഇൻഫോസിസ് കുതിപ്പിൽ ഓഹരി വിപണിയിൽ ഇന്ന് നേട്ടം

ഐടി സൂചിക കൂടാതെ നിഫ്റ്റി ഫാർമ 1.5 ശതമാനം ഉയർന്നപ്പോൾ നിഫ്റ്റി ഫിനാൻസ്, നിഫ്റ്റി ഓട്ടോ എന്നിവ ഒരു ശതമാനം വീതം ഉയർന്നു. നിഫ്റ്റി 50 സൂചികയിൽ ഇൻഫോസിസ്, ബിപിസിഎൽ, സിപ്ല, എം ആൻഡ് എം, ബ്രിട്ടാനിയ എന്നിവയാണ് മുൻനിര നേട്ടക്കാർ. ഭാരതി ഇൻഫ്രാറ്റെൽ, ഐടിസി, ടെക് മഹീന്ദ്ര, സീ, ഐഒസി എന്നിവയ്ക്കാണ് ഇന്ന് നഷ്ടം നേരിട്ടത്.

ഫോളോ-ഓൺ പബ്ലിക് ഓഫർ (എഫ്പി‌ഒ) വഴി പുതിയ ഇക്വിറ്റി ഷെയറുകൾ ഇഷ്യു ചെയ്ത് ഫണ്ട് സ്വരൂപിക്കാനുള്ള തീരുമാനം കമ്പനി പ്രഖ്യാപിച്ചിട്ടും വ്യക്തിഗത ഓഹരികളിൽ യെസ് ബാങ്ക് തുടർച്ചയായ ആറാം സെഷനിലും 6 ശതമാനം ഇടിവ് രേഖപ്പെടുത്തി. കഴിഞ്ഞ 6 ട്രേഡിംഗ് സെഷനുകളിൽ ഓഹരികൾ 32 ശതമാനം ഇടിവ് രേഖപ്പെടുത്തിയിരുന്നു.