ഓഹരി വിപണിയിൽ ഇന്ന് നേട്ടം, സെൻ‌സെക്സ് 44000ന് അടുത്ത്, ടാറ്റ സ്റ്റീലും റിലയൻസും കുതിക്കുന്നു

ഇന്ത്യൻ സൂചികകൾ നവംബർ 17 ന് നേട്ടത്തിൽ വ്യാപാരം ആരംഭിച്ചു. നിഫ്റ്റി 12,850 ലെവലിനു മുകളിലാണ് തുറന്നത്. രാവിലെ 09:16ന് സെൻസെക്സ് 319.77 പോയിൻറ് അഥവാ 0.73 ശതമാനം ഉയർന്ന് 43957.75 ൽ എത്തി. നിഫ്റ്റി 82.20 പോയിൻറ് അഥവാ 0.64 ശതമാനം ഉയർന്ന് 12862.50 ൽ എത്തി. ഏകദേശം 866 ഓഹരികൾ ഇന്ന് മുന്നേറിയപ്പോൾ, 330 ഓഹരികൾ ഇടിഞ്ഞു, 99 ഓഹരികൾ മാറ്റമില്ലാതെ തുടർന്നു.

ഓഹരി വിപണിയിൽ ഇന്ന് നേട്ടം, സെൻ‌സെക്സ് 44000ന് അടുത്ത്, ടാറ്റ സ്റ്റീലും റിലയൻസും കുതിക്കുന്നു

ടാറ്റാ സ്റ്റീൽ, എച്ച്ഡിഎഫ്സി ബാങ്ക്, ഭാരതി എയർടെൽ, എസ്ബിഐ, എം ആൻഡ് എം, റിലയൻസ് തുടങ്ങിയ ഓഹരികളാണ് രാവിലെ മികച്ച മുന്നേറ്റം നടത്തുന്നത്. എച്ച്സിഎൽ ടെക്, ഐടിസി, ബജാജ് ഓട്ടോ, ഇൻഫോസിസ്, ടിസിഎസ്, ആക്സിസ് ബാങ്ക് എന്നിവ സെൻസെക്സിൽ ഏറ്റവും കൂടുതൽ ഇടിവ് രേഖപ്പെടുത്തി.

ടാറ്റാ സ്റ്റീൽ ഓഹരി വില 52 ആഴ്ചയിലെ ഏറ്റവും ഉയർന്ന നിരക്കായ 511 രൂപയിലെത്തി. നാല് ശതമാനം വർദ്ധനവാണ് ഇന്ന് രേഖപ്പെടുത്തിയിരിക്കുന്നത്. നവംബർ 13 ന് കമ്പനി ലാഭത്തിൽ 59.6 ശതമാനം ഇടിവ് രേഖപ്പെടുത്തിയിരുന്നു. ഈ വർഷത്തെ വരുമാനം 1,635.4 കോടി രൂപയാണ്. കഴിഞ്ഞ വർഷം ഇതേ കാലയളവിൽ ഇത് 4,043.5 കോടി രൂപയായിരുന്നു.

യുഎസ് വിപണികൾ മികച്ച നേട്ടത്തിൽ ക്ലോസ് ചെയ്തതിനെ തുടർന്ന് ഏഷ്യൻ വിപണികളിലും ഇന്ന് നേട്ടം പ്രകടമാണ്.