ഇന്ത്യൻ സൂചികകൾക്ക് ഇന്ന് ദുർബലമായ തുടക്കം

ഇന്ത്യൻ ഓഹരി വിപണിയിൽ ഇന്ന് ദു‍ർബലമായ തുടക്കം. രാവിലെ 09:17ന് സെൻസെക്സ് 174.31 പോയിൻറ് അഥവാ 0.37% ഇടിഞ്ഞ് 46786.38 എന്ന നിലയിലെത്തി. നിഫ്റ്റി 56.20 പോയിന്റ് അഥവാ 0.41% താഴ്ന്ന് 13704.30 ആയി കുറഞ്ഞു. ഏകദേശം 648 ഓഹരികൾ ഇന്ന് മുന്നേറി. 837 ഓഹരികൾ ഇടിഞ്ഞു. 79 ഓഹരികൾ മാറ്റമില്ലാതെ തുടർന്നു.

എൽടി, റിലയൻസ്, ഹിന്ദുസ്ഥാൻ യുണീലിവ‍ർ, സൺ ഫാർമ എന്നിവയാണ് സെൻസെക്സിൽ ഇന്ന് നേട്ടം കൈവരിക്കുന്ന ഓഹരികൾ. ആക്സിസ് ബാങ്ക്, ഐസിഐസിഐ ബാങ്ക്, ഒൻജിസി, ഇൻഡസിൻസ് ബാങ്ക്, എസ്ബിഐ, എം ആൻഡ് എം എന്നിവയാണ് ഏറ്റവും കൂടുതൽ ഇടിവ് രേഖപ്പെടുത്തുന്ന ഓഹരികൾ.

ഇന്ത്യൻ സൂചികകൾക്ക് ഇന്ന് ദുർബലമായ തുടക്കം

ഏഷ്യൻ വിപണി മൊത്തത്തിൽ തിങ്കളാഴ്ച നഷ്ടത്തിലാണ് വ്യാപാരം നടത്തുന്നത്. ഷാങ്ഹായ് കോമ്പോസിറ്റ് 0.26 ശതമാനവും ഹാംഗ് സെംഗ് 0.67 ശതമാനവും ഇന്ന് ഇടിഞ്ഞു. ആന്റണി വേസ്റ്റ് ഹാൻഡ്‌ലിംഗിന്റെ പ്രാരംഭ പബ്ലിക് ഓഫറിംഗ് (ഐ‌പി‌ഒ) ഇന്ന് സബ്‌സ്‌ക്രിപ്‌ഷനായി തുറക്കും.

മിഡ്ക്യാപ്പ്, സ്മോൾക്യാപ്പ് എന്നിവ അര ശതമാനം വീതം കുറഞ്ഞു. നിഫ്റ്റി ഫാർമ ഒഴികെയുള്ള എല്ലാ മേഖലകളും ഇന്ന് നഷ്ടത്തിലാണ്. ബാങ്ക്, ഫിൻ സർവീസുകൾ, മെറ്റൽ മേഖലകൾ എന്നിവ ഒരു ശതമാനം വീതം ഇടിഞ്ഞു. അതേസമയം, ഓട്ടോ സൂചിക 0.9 ശതമാനവും ഐടി ഓഹരികൾ 0.5 ശതമാനവും ഇടിഞ്ഞു.