നിഫ്റ്റി 14,150ന് താഴെ, സെൻസെക്സ് 263 പോയിന്റ് ഇടിഞ്ഞു

ഓഹരി വിപണിയിൽ ഇന്ന് കനത്ത ഇടിവ്. സെൻസെക്സ് 263.72 പോയിൻറ് അഥവാ 0.54 ശതമാനം ഇടിഞ്ഞ് 48,174.06 ൽ എത്തി. നിഫ്റ്റി 53.20 പോയിൻറ് അഥവാ 0.37 ശതമാനം ഇടിഞ്ഞ് 14,146.30 ൽ എത്തി. ഏകദേശം 1494 ഓഹരികൾ ഇന്ന് മുന്നേറി. 1543 ഓഹരികൾ ഇടിഞ്ഞു. 128 ഓഹരികളിൽ മാറ്റമില്ല.

ഐടിസി, റിലയൻസ് ഇൻഡസ്ട്രീസ്, ബജാജ് ഫിനാൻസ്, ആക്സിസ് ബാങ്ക്, എച്ച് യു എൽ എന്നിവയ്ക്ക് നിഫ്റ്റിയിൽ വലിയ നഷ്ടം നേരിട്ടു. പവർ ഗ്രിഡ് കോർപ്പ്, ശ്രീ സിമൻറ്സ്, ഗെയിൽ, ഹിൻഡാൽകോ, ഗ്രാസിം ഇൻഡസ്ട്രീസ് എന്നിവയ്ക്കാണ് നേട്ടമുണ്ടായത്. ഓഹരി വിപണിയിലെ വിൽപ്പനയ്ക്കിടയിലാണ് ഇന്ത്യൻ രൂപ ഇന്ന് ഉയർന്നു. ഡോളറിന് എതിരെ 73.11 എന്ന നിരക്കിലാണ് രൂപ ഇന്ന് ക്ലോസ് ചെയ്തത്.

stock market

മേഖല സൂചികകളിൽ നിഫ്റ്റി ഐടി, നിഫ്റ്റി എഫ്എം‌സിജി എന്നിവ ഒരു ശതമാനം വീതം ഇടിഞ്ഞു. നിഫ്റ്റി ഓട്ടോ, നിഫ്റ്റി ഫാർമ, നിഫ്റ്റി പി‌എസ്‌യു ബാങ്ക് എന്നിവയും നഷ്ടത്തിൽ ക്ലോസ് ചെയ്തു. എന്നാൽ നിഫ്റ്റി മെറ്റൽ, നിഫ്റ്റി റിയൽറ്റി, നിഫ്റ്റി ഫിനാൻഷ്യൽ സർവീസസ് എന്നിവ ഇന്ന് മികച്ച നേട്ടത്തിൽ ക്ലോസ് ചെയ്തു.

റിലയൻസ് 2.6 ശതമാനവും ഉപഭോക്തൃ ഭീമനായ ഐടിസി 2.9 ശതമാനവും ഇടിഞ്ഞു.