ഓഹരി വിപണിയിൽ ഇന്ന് മികച്ച നേട്ടത്തിൽ തുടക്കം, നിഫ്റ്റി 12000ന് മുകളിൽ, എസ്‌ബി‌ഐക്ക് 5% നേട്ടം

ഇന്ത്യൻ സൂചികകൾ നവംബർ 5 ന് ഉയർന്ന നേട്ടത്തിൽ വ്യാപാരം ആരംഭിച്ചു. നിഫ്റ്റി 12,000 ന് മുകളിൽ. ആഗോള സൂചകങ്ങൾ ഇന്ന് ആഭ്യന്തര വിപണിയ്ക്ക് ഗുണം ചെയ്തു. രാവിലെ 09:16ന് സെൻസെക്സ് 499.51 പോയിൻറ് അഥവാ 1.23 ശതമാനം ഉയർന്ന് 41115.65ൽ എത്തി, നിഫ്റ്റി 143.80 പോയിൻറ് അഥവാ 1.21 ശതമാനം ഉയർന്ന് 12052.30ൽ എത്തി. ഏകദേശം 729 ഓഹരികൾ ഇന്ന് മുന്നേറി, 182 ഓഹരികൾ ഇടിവ് രേഖപ്പെടുത്തി. 42 ഓഹരികൾ മാറ്റമില്ലാതെ തുടർന്നു.

ഓഹരി വിപണിയിൽ ഇന്ന് മികച്ച നേട്ടത്തിൽ തുടക്കം, നിഫ്റ്റി 12000ന് മുകളിൽ, എസ്‌ബി‌ഐക്ക് 5% നേട്ടം

ഏഷ്യൻ ഓഹരികളും ഇന്ന് നേട്ടത്തിലാണ്. സൺഫാർമ, ടൈറ്റാൻ എന്നീ ഓഹരികളാണ് ഇന്ന് ബിഎസ്ഇ സെൻസെക്സിൽ നഷ്ടം രേഖപ്പെടുത്തുന്നത്. എസ്ബിഐ, എച്ച്സിഎൽ ടെക്, ടെക് മഹീന്ദ്ര, ഇൻഫോസിസ്, ടിസിഎസ്, റിലയൻസ് എന്നിവയാണ് ഇന്ന് വിപണിയിൽ ഏറ്റവും കൂടുതൽ നേട്ടമുണ്ടാക്കുന്ന ഓഹരികൾ. എസ്ബിഐ ഇന്ന് 5 ശതമാനത്തിലധികം നേട്ടമാണ് കൈവരിച്ചിരിക്കുന്നത്. 

രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യയുടെ (എസ്‌ബി‌ഐ) വരുമാനം 55.41 ശതമാനം വർധിച്ച് 5,245.88 കോടി ഡോളറിലെത്തി. കഴിഞ്ഞ സാമ്പത്തിക വർഷം ജൂലൈ-സെപ്റ്റംബർ പാദത്തിൽ ബാങ്കിന്റെ അറ്റാദായം 3,375.40 കോടി രൂപയായിരുന്നു.

റിലയൻസ് ഇൻഡസ്ട്രീസ്, ഐടി ഓഹരികൾ എന്നിവയും ഇന്ന് മികച്ച നേട്ടമാണ് കൈവരിക്കുന്നത്. നിഫ്റ്റി ഐടി സൂചിക ഇന്ന് 1.3 ശതമാനം ഉയർന്നു, എച്ച്സി‌എൽ ടെക്നോളജീസിന്റെ 2.3 ശതമാനം നേട്ടവും ഇൻ‌ഫോസിസിന്റെ 1.5 ശതമാനം വർധനയും ഐടി സൂചികയ്ക്ക് കരുത്ത് പകർന്നു.