വിപണി: സെന്‍സെക്‌സും നിഫ്റ്റിയും ചാഞ്ചാടുന്നു — റിയല്‍റ്റി ഓഹരികളില്‍ കുതിപ്പ്, ഐടി താഴേക്ക്

മുംബൈ: ബുധനാഴ്ച്ച വിപണി നേട്ടത്തില്‍ വ്യാപാരം തുടങ്ങി. രാവിലെ ബിഎസ്ഇ സെന്‍സെക്‌സ് സൂചിക 110 പോയിന്റ് കൂട്ടിച്ചേര്‍ത്ത് 52,960 എന്ന നിലയില്‍ തുടരുകയാണ്. 15,800 മാര്‍ക്കിന് മുകളില്‍ കടക്കാന്‍ നിഫ്റ്റി ഫിഫ്റ്റിക്കും സാധിച്ചു.

ഏഷ്യന്‍ പെയിന്റ്‌സ് (1.29 ശതമാനം), ടാറ്റ സ്റ്റീല്‍ (0.72 ശതമാനം), കൊട്ടാക്ക് മഹീന്ദ്ര ബാങ്ക് (0.47 ശതമാനം), എച്ച്ഡിഎഫ്‌സി (0.47 ശതമാനം), ബജാജ് ഫിന്‍സെര്‍വ് (0.46 ശതമാനം), പവര്‍ഗ്രിഡ് (0.44 ശതമാനം), ഭാരതി എയര്‍ടെല്‍ (0.25 ശതമാനം) ഓഹരികളാണ് സെന്‍സെക്‌സില്‍ മുന്നേറുന്നത്. ഇന്‍ഡസ്ഇന്‍ഡ് ബാങ്ക് (-1.55 ശതമാനം), മഹീന്ദ്ര ആന്‍ഡ് മഹീന്ദ്ര (-1.38 ശതമാനം), ഹിന്ദുസ്താന്‍ യൂണിലെവര്‍ (-0.84 ശതമാനം), എച്ച്‌സിഎല്‍ ടെക്‌നോളജീസ് (-0.82 ശതമാനം) എന്നിവര്‍ പിന്‍നിരയിലും ചുവടുവെയ്ക്കുന്നു.

നിഫ്റ്റിയില്‍ വ്യവസായ വില സൂചികകള്‍ എല്ലാം നേട്ടത്തിലാണ് വ്യാപാരം നടത്തുന്നത്. കൂട്ടത്തില്‍ നിഫ്റ്റി റിയല്‍റ്റി സൂചിക 1.8 ശതമാനം വരെ ഉയര്‍ന്നിട്ടുണ്ട്. വിശാല വിപണികളില്‍ ബിഎസ്ഇ മിഡ്ക്യാപ് 0.1 ശതമാനവും ബിഎസ്ഇ സ്‌മോള്‍ക്യാപ് 0.2 ശതമാനവും വീതം നേട്ടത്തില്‍ താളം പിടിക്കുകയാണ്.

ക്രിപ്‌റ്റോ വിപണി

കഴിഞ്ഞ 24 മണിക്കൂറിനിടെ ക്രിപ്‌റ്റോ കറന്‍സികളുടെ വിപണി മൂല്യം 0.79 ശതമാനം ഉയര്‍ന്നിട്ടുണ്ട്. 78.15 ബില്യണ്‍ ഡോളറിന്റെ ഇടപാടുകള്‍ക്കാണ് ക്രിപ്‌റ്റോ വിപണി കഴിഞ്ഞ 24 മണിക്കൂറില്‍ സാക്ഷ്യം വഹിച്ചത്. ലോകത്ത് ഏറ്റവും പ്രചാരമുള്ള 10 ക്രിപ്‌റ്റോ കറന്‍സികളുടെ വില നിലവാരം ചുവടെ കാണാം (ജൂലായ് 7, രാവിലെ 10 മണി സമയം).

• ബിറ്റ്‌കോയിന്‍ - 34,580.01 ഡോളര്‍ (0.24 ശതമാനം ഇടിവ്)
• എഥീറിയം - 2,376.85 ഡോളര്‍ (3.42 ശതമാനം നേട്ടം)
• ബൈനാന്‍സ് കോയിന്‍ - 332.25 ഡോളര്‍ (6.50 ശതമാനം നേട്ടം)
• ടെതര്‍ - 1 ഡോളര്‍ (0.03 ശതമാനം നേട്ടം)
• കാര്‍ഡാനോ - 1.4313 ഡോളര്‍ (1.23 ശതമാനം ഇടിവ്)
• ഡോജ്‌കോയിന്‍ - 0.23529 ഡോളര്‍ (1.78 ശതമാനം ഇടിവ്)
• എക്‌സ്ആര്‍പി - 0.6716 ഡോളര്‍ (0.21 ശതമാനം ഇടിവ്)
• പോള്‍ക്കഡോട്ട് - 16.798 ഡോളര്‍ (7.10 ശതമാനം നേട്ടം)
• യുഎസ്ഡി കോയിന്‍ - 0.9997 ഡോളര്‍ (0.00 ശതമാനം നേട്ടം)
• യുണിസ്വാപ്പ് - 22.616 ഡോളര്‍ (2.64 ശതമാനം നേട്ടം)