വിപണിക്ക് മങ്ങിയ തുടക്കം; വന്‍ നഷ്ടത്തില്‍ റിലയന്‍സ്, എച്ച്ഡിഎഫ്‌സി ഓഹരികള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വ്യാഴാഴ്ച്ച ഓഹരി വിപണിക്ക് മങ്ങിയ തുടക്കം. ആഗോള വിപണിയിലെ ചലനങ്ങള്‍ കണക്കിലെടുത്ത് 1.5 ശതമാനത്തിലേറെ തകര്‍ച്ചയിലാണ് സെന്‍സെക്‌സും നിഫ്റ്റിയും രാവിലെ വ്യാപാരം ആരംഭിച്ചത്. വിപണിയുടെ ചാഞ്ചാട്ടം അളക്കുന്ന ഇന്ത്യാ വിഐക്‌സ് സൂചിക ഇന്ന് 5 ശതമാനത്തിലേറെ ഉയര്‍ന്ന് 23.2 നിലയിലെത്തി. രാവിലെ ബിഎസ്ഇ സെന്‍സെക്‌സ് സൂചിക 800 പോയിന്റ് നഷ്ടത്തില്‍ ഇടപാടുകള്‍ക്ക് തുടക്കമിട്ടു. എന്‍എസ്ഇ നിഫ്റ്റി ഫിഫ്റ്റി സൂചിക ഇന്നലെ കുറിച്ച 15,000 നിലയിലേക്ക് തിരിച്ചെത്താനുള്ള പെടാപാടിലാണ്.

 

Most Read: ഇൻഷുറൻസ് പോളിസി ഉടമകള്‍ക്ക് സന്തോഷ വാര്‍ത്ത; ഓംബുഡ്‌സ്മാൻ ചട്ടങ്ങൾ ഭേദഗതി ചെയ്തു, ഒട്ടേറെ നേട്ടംMost Read: ഇൻഷുറൻസ് പോളിസി ഉടമകള്‍ക്ക് സന്തോഷ വാര്‍ത്ത; ഓംബുഡ്‌സ്മാൻ ചട്ടങ്ങൾ ഭേദഗതി ചെയ്തു, ഒട്ടേറെ നേട്ടം

എച്ച്ഡിഎഫ്‌സി, എച്ച്ഡിഎഫ്‌സി ബാങ്ക് ഓഹരികളാണ് പ്രധാനമായും വലിയ തകര്‍ച്ച നേരിടുന്നത്. ഇരു കമ്പനികളുടെ ഓഹരികളും 2 ശതമാനത്തിലേറെ താഴോട്ടു പോയി. കൊട്ടാക്ക് മഹീന്ദ്ര ബാങ്ക്, ആക്‌സിസ് ബാങ്ക്, ബജാജ് ഫിന്‍സെര്‍വ് ഓഹരികളും 2 ശതമാനം ഇടിവ് രേഖപ്പെടുത്തുന്നുണ്ട്.

 
വിപണിക്ക് മങ്ങിയ തുടക്കം; വന്‍ നഷ്ടത്തില്‍ റിലയന്‍സ്, എച്ച്ഡിഎഫ്‌സി ഓഹരികള്‍

സെന്‍സെക്‌സില്‍ അഞ്ച് ഓഹരികളാണ് നേട്ടത്തില്‍ കാലുറപ്പിക്കുന്നത്. ഓഎന്‍ജിസി, ഇന്‍ഫോസിസ്, ടെക്ക് മഹീന്ദ്ര, സണ്‍ ഫാര്‍മ, ടാറ്റ കണ്‍സള്‍ട്ടന്‍സി സര്‍വീസസ് കമ്പനികള്‍ നേട്ടത്തില്‍ വ്യാപാരം തുടരുന്നു. വ്യവസായങ്ങളുടെ വില സൂചിക പരിശോധിച്ചാല്‍ നിഫ്റ്റി ഐടി, നിഫ്റ്റി മീഡിയ, നിഫ്റ്റി പൊതുമേഖലാ ബാങ്ക് സൂചികകള്‍ ഒഴികെ മറ്റെല്ലാം 2 ശതമാനം വരെ നഷ്ടത്തിലാണ് ഇടപാടുകള്‍ നടത്തുന്നത്.

ഏഷ്യന്‍ വിപണികളിലും തകര്‍ച്ച ദൃശ്യമാണ്. ജപ്പാന്റെ നിക്കെയ് സൂചിക 1.88 ശതമാനവും ഹോങ്കോങ്ങിന്റെ ഹാങ് സെങ് സൂചിക 2.26 ശതമാനവും ദക്ഷിണ കൊറിയയുടെ കോസ്പി സൂചിക 1.46 ശതമാനവും വീഴ്ച്ച നേരിടുന്നു. ബുധനാഴ്ച്ച അമേരിക്കന്‍ ബോണ്ട് വരുമാനം കാര്യമായ ഉയര്‍ന്നതാണ് വിപണികളുടെ തകര്‍ച്ചയ്ക്കുള്ള പ്രധാന കാരണം.

ഇന്നലെ 10 വര്‍ഷം കാലാവധിയുള്ള യുഎസ് ബോണ്ടുകള്‍ 1.48 ശതമാനം നേട്ടം രേഖപ്പെടുത്തുകയുണ്ടായി. ഇതോടെ ഓഹരി വിട്ട് നഷ്ടസാധ്യതയില്ലാത്ത ബോണ്ടുകളിലേക്കായി നിക്ഷേപകരുടെ താത്പര്യം മുഴുവന്‍.

ഇന്നലെ വാള്‍ സ്ട്രീറ്റില്‍ ഭീമന്‍ ടെക്ക് കമ്പനികളുള്ള നാസ്ദാക്ക് കോമ്പോസൈറ്റ് സൂചിക 2.7 ശതമാനം താഴ്ന്ന് 12,997.75 എന്ന നിലയിലേക്കെത്തി. എസ് ആന്‍ഡ് പി 500 സൂചിക 1.31 ശതമാനവും ഡൗ ജോണ്‍സ് വ്യവസായിക ശരാശരി സൂചിക 1 ശതമാനത്തിലേറെയും വീഴ്ച്ച രേഖപ്പെടുത്തി.

 

Read more about: stock market share market
English summary

Stock Market Open: Sensex Hovers Around 50,000 Level, Nifty Gives Up 15,000 Level

Stock Market Open: Sensex Hovers Around 50,000 Level, Nifty Gives Up 15,000 Level. Read in Malayalam.
Story first published: Thursday, March 4, 2021, 10:08 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X