Click it and Unblock the Notifications
മുംബൈ: തുടര്ച്ചയായ നാലു ദിവസത്തെ നേട്ടങ്ങള്ക്ക് വിരാമം. വെള്ളിയാഴ്ച്ച നഷ്ടത്തിലാണ് ഇന്ത്യന് വിപണി വ്യാപാരം ആരംഭിച്ചത്. ആഗോള വിപണിയിലെ പ്രതികൂലമായ സാഹചര്യം, രാജ്യത്ത് രൂക്ഷമായിക്കൊണ്ടിരിക്കുന്ന കോവിഡ് വ്യാപനം, കൂട്ട വാക്സിനേഷന് നടപടികളിലുണ്ടാവുന്ന കാലതാമസം എന്നീ കാരണങ്ങള് ഇന്ത്യന് സൂചികയുടെ ഇന്നത്തെ താഴ്ച്ചയ്ക്ക് ആധാരമാവുന്നു.
1 ശതമാനം വരെ ഗ്യാപ്-ഡൗണ് കുറിച്ചാണ് സെന്സെക്സും നിഫ്റ്റിയും ഇടപാടുകള്ക്ക് തുടക്കമിട്ടത്. രാവിലെ സെന്സെക്സ് 517 പോയിന്റ് ചോര്ന്ന് 49,249 എന്ന നില രേഖപ്പെടുത്തി. എന്എസ്ഇ നിഫ്റ്റി ഫിഫ്റ്റി സൂചിക 137 പോയിന്റ് ഇടറി 14,750 മാര്ക്കില് തുടരുകയാണ്.
നിഫ്റ്റിയില് വിപ്രോയാണ് ഇന്ന് കാര്യമായ മുന്നേറ്റം കാഴ്ച്ചവെക്കുന്നത്. ഏപ്രില് - ജൂണ് പാദത്തിലുള്ള പ്രതീക്ഷിത വരുമാനം 2,324 മില്യണ് ഡോളറില് നിന്നും 2,367 മില്യണ് ഡോളറായി കമ്പനി പുനഃപരിശോധിച്ച സാഹചര്യം വിപ്രോ ഓഹരികള്ക്ക് പുത്തനുണര്വ് സമ്മാനിച്ചു. 4 ശതമാനത്തോളം നേട്ടം വിപ്രോ ഓഹരികളില് രാവിലെ കാണാം. ബജാജ് ഓട്ടോ, ഓഎന്ജിസി, ഡിവിസിസ് ലാബ്സ്, ഡോക്ടര് റെഡ്ഢീസ് ലബോറട്ടറീസ്, സണ് ഫാര്മ ഓഹരികളും നിഫ്റ്റിയില് ഭേദപ്പെട്ട മുന്നേറ്റം കയ്യടക്കുന്നു. മറുഭാഗത്ത് എച്ച്ഡിഎഫ്സി ബാങ്ക് 3 ശതമാനത്തോളം തകര്ച്ച നേരിടുകയാണ്. എച്ച്ഡിഎഫ്സി, ഐസിഐസിഐ ബാങ്ക്, ടൈറ്റന്, സ്റ്റേറ്റ് ബാങ്ക് ഓഫ് ഇന്ത്യ ഓഹരികളിലും കാര്യമായ തകര്ച്ച കാണാം.
വിശാല വിപണികളില് സമ്മിശ്ര പ്രതികരണം ദൃശ്യമാണ്. ബിഎസ്ഇ മിഡ്ക്യാപ് സൂചിക 0.24 ശതമാനം ഇടിവ് രേഖപ്പെടുത്തുമ്പോള് ബിഎസ്ഇ സ്മോള്ക്യാപ് സൂചിക 0.06 ശതമാനം നേട്ടത്തില് മുന്നേറുന്നു. വ്യവസായങ്ങള് അടിസ്ഥാനപ്പെടുത്തിയുള്ള വില സൂചികകളില് നിഫ്റ്റി ഐടി 1 ശതമാനം നേട്ടവുമായി പട്ടികയില് മുന്നിലെത്തുന്നു. നിഫ്റ്റി ബാങ്ക് സൂചിക 2.11 ശതമാനം തകര്ച്ച രാവിലെത്തന്നെ നേരിടുന്നുണ്ട്. ഇന്ന് റിലയന്സ് ഇന്ഡസ്ട്രീസ്, ഇന്ഡസ്ഇന്ഡ് ബാങ്ക്, യെസ് ബാങ്ക്, മാരികോ, കാന് ഫിന് ഹോംസ് ഉള്പ്പെടെ 27 കമ്പനികള് മാര്ച്ച് പാദത്തിലെ സാമ്പത്തിക ഫലം പുറത്തുവിടും.
ബിറ്റ്കോയിന്
വന്വീഴ്ച്ചയ്ക്ക് ശേഷം ഇന്റര്നെറ്റ് ലോകത്ത് ബിറ്റ്കോയിന് പതിയെ ഉണരുകയാണ്. ഏപ്രില് 13 -ന് 63,500 ഡോളര് നിലവാരം തൊട്ട ക്രിപ്റ്റോകറന്സി ബിറ്റ്കോയിന് 10 ദിവസങ്ങള്ക്കിപ്പുറം 49,000 ഡോളറിലേക്ക് കൂപ്പുകുത്തിയിരുന്നു. എന്തായാലും ബിറ്റ്കോയിന്റെ ക്ഷീണം പതിയെ വിട്ടുമാറുന്നു. ബിറ്റ്കോയിന് യൂണിറ്റൊന്നിന് 54,148 ഡോളറാണ് ഇന്ന് നിരക്ക്; ഇന്നലെ രാവിലത്തെ നിരക്ക് 54,207 ഡോളര്. ഇന്ത്യന് രൂപയില് ബിറ്റ്കോയിന് വാങ്ങണമെങ്കില് യൂണിറ്റൊന്നിന് 40.11 ലക്ഷം രൂപ മുടക്കണം.
More From GoodReturns
യുഎസ്-ഇസ്രായേല്-ഇറാന് യുദ്ധം: ഇന്ധനവില ആളിക്കത്തുന്നു, നിങ്ങളുടെ പോക്കറ്റ് കാലിയാകുമോ? -അറിയാം
പൊന്നേ, പൊന്നമ്പിളി..! കണക്ക് കൂട്ടലുകൾ തെറ്റിച്ച് സ്വർണം, പവന്റെ വില ഇന്നും താഴേക്ക് വീണു
കോടികളുടെ കരാർ പെട്ടിയിൽ, കൊച്ചിൻ ഷിപ്പ്യാർഡ് ഓഹരി കുതിക്കുമോ..? ബ്രോക്കറേജ് വിലയിരുത്തൽ അറിയാം
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു യാത്ര വളരെ എളുപ്പം, ട്രെയിൻ ടിക്കറ്റ് വില 230 രൂപ മാത്രം, സന്തോഷം നൽകുന്ന വാർത്ത അറിയാം
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
പഠനം മികച്ച സ്കോളർഷിപ്പോടെ, അപേക്ഷിക്കേണ്ടത് എങ്ങനെ എന്നറിയാം, കിട്ടിയാൽ പഠനം അടിപൊളി
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
Sign in with Google