വിപണി വീണ്ടും നഷ്ടത്തില്‍; എസ്ബിഐ, ഐസിഐസിഐ ബാങ്ക്, ഓഎന്‍ജിസി ഓഹരികളില്‍ തകര്‍ച്ച

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: ബുധനാഴ്ച്ച വിപണി വീണ്ടും നഷ്ടത്തില്‍ ഇടപാടുകള്‍ക്ക് തുടക്കമിട്ടു. രാവിലെ ബിഎസ്ഇ സെന്‍സെക്‌സ് സൂചിക 337 പോയിന്റ് ഇടിഞ്ഞ് 49,714 നില രേഖപ്പെടുത്തി (0.65 ശതമാനം നഷ്ടം). എന്‍എസ്ഇ നിഫ്റ്റി ഫിഫ്റ്റി സൂചിക 102 പോയിന്റ് ഇടറി 14,172 നിലയിലും വ്യാപാരം ആരംഭിച്ചു (0.69 ശതമാനം നഷ്ടം). ഐസിഐസിഐ ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ആക്‌സിസ് ബാങ്ക്, അള്‍ട്രാടെക്ക് സിമന്റ്, ഇന്‍ഫോസിസ്, റിലയന്‍സ് ഇന്‍ഡസ്ട്രീസ്, എച്ച്ഡിഎഫ്‌സി, മാരുതി സുസുക്കി, ടിസിഎസ് (ടാറ്റ കണ്‍സള്‍ട്ടന്‍സി സര്‍വീസസ്) ഓഹരികളില്‍ ഇന്ന് കാര്യമായ നഷ്ടം കാണാം. മറുഭാഗത്ത് ഏഷ്യന്‍ പെയിന്റ്‌സ്, പവര്‍ ഗ്രിഡ് കോര്‍പ്പറേഷന്‍ ഓഫ് ഇന്ത്യ, ഭാരതി എയര്‍ടെല്‍, ഹിന്ദുസ്താന്‍ യുണിലെവര്‍ ലിമിറ്റഡ്, എന്‍ടിപിസി ഓഹരികള്‍ നേട്ടത്തില്‍ ചുവടുവെയ്ക്കുന്നുണ്ട്.

 
വിപണി വീണ്ടും നഷ്ടത്തില്‍; എസ്ബിഐ, ഐസിഐസിഐ ബാങ്ക്, ഓഎന്‍ജിസി ഓഹരികളില്‍ തകര്‍ച്ച

ചൊവാഴ്ച്ച ചാഞ്ചാട്ടങ്ങള്‍ക്കൊടുവില്‍ വിപണി നേട്ടത്തിലാണ് വ്യാപാരം പൂര്‍ത്തിയാക്കിയത്. ഒരു ഘട്ടത്തില്‍ 49,662 പോയിന്റ് വരെ വീണ സെന്‍സെക്സ് സൂചിക 600 പോയിന്റിലേറെ തിരിച്ചുപിടിച്ച് 50,265 നില വരെയ്ക്കും ചാടിക്കടന്നു. നിഫ്റ്റി ഫിഫ്റ്റി സൂചികയും മോശമാക്കിയില്ല. 14,707 പോയിന്റിലേക്ക് അധഃപതിച്ച നിഫ്റ്റി 14,868 നില വരെയും ഉയരുകയുണ്ടായി. അള്‍ട്രാടെക്ക് സിമന്റാണ് ഇന്നലെ കാര്യമായ മുന്നേറ്റം കയ്യടക്കിയത് (2.6 ശതമാനം നേട്ടം). ഇന്‍ഡസ്ഇന്‍ഡ് ബാങ്ക്, ടൈറ്റന്‍, റിലയന്‍സ് ഇന്‍ഡസ്ട്രീസ്, ആക്സിസ് ബാങ്ക്, എസ്ബിഐ, എച്ച്ഡിഎഫ്സി ബാങ്ക് ഓഹരികളും ഭേദപ്പെട്ട പ്രകടനം നടത്തിയിരുന്നു.

 

നിഫ്റ്റിയില്‍ ശ്രീ സിമന്റ്, അദാനി പോര്‍ട്സ്, ഡിവിസ് ലാബ്സ്, ടാറ്റ മോട്ടോര്‍സ്, മാരുതി സുസുക്കി ഓഹരികള്‍ നേട്ടക്കാരുടെ പട്ടികയില്‍ കയറിക്കൂടി. മേല്‍പ്പറഞ്ഞ ഓഹരികളെല്ലാം 1 ശതമാനം മുതല്‍ 3 ശതമാനം വരെ മുന്നേറ്റം കാഴ്ച്ചവെച്ചിരുന്നു. മറുഭാഗത്ത് ഓഎന്‍ജിസി, ഹിന്‍ഡാല്‍കോ, പവര്‍ ഗ്രിഡ്, ഐടിസി, എന്‍ടിപിസി, എച്ച്ഡിഎഫ്സി, ബിപിസിഎല്‍ ഓഹരികളാണ് കാര്യമായ നഷ്ടം നേരിട്ടത്. ബാങ്ക് ഓഫ് ഇന്ത്യ, അദാനി ഗ്രൂപ്പ്, യൂണിയന്‍ ബാങ്ക് ഓഫ് ഇന്ത്യ, ഐഡിബിഐ ബാങ്ക്, പേജ് ഇന്‍ഡസ്ട്രീസ്, ഐഡിഎഫ്സി ഫസ്റ്റ് ബാങ്ക്, എസിസി സ്റ്റോക്കുകളുടെ പിന്‍ബലത്തില്‍ ബിഎസ്ഇ മിഡ്ക്യാപ് സൂചിക 0.95 ശതമാനവും സ്മോള്‍ക്യാപ് സൂചിക 0.75 ശതമാനവും മുന്നേറുന്നതിന് വിപണി സാക്ഷിയായിരുന്നു.

English summary

Stock Market Open: Sensex, Nifty Start In Red; SBI, ONGC, ICICI Bank Shares Fall

Stock Market Open: Sensex, Nifty Start In Red; SBI, ONGC, ICICI Bank Shares Fall. Read in Malayalam.
Story first published: Wednesday, March 24, 2021, 10:20 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X