Just In
-
-
-
-
Don't Miss
-
ശോഭ സുരേന്ദ്രന് വിളിച്ചു എടുത്തില്ല, നമ്പര് ചോദിച്ച് വാങ്ങുകയായിരുന്നുവെന്ന് ഇപിയുടെ മകന് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മുംബൈ: ചൊവാഴ്ച്ച നേട്ടത്തോടെ ഓഹരി വിപണി ഉണര്‍ന്നു. ആഗോള വിപണിയിലെ സംഭവവികാസങ്ങള്‍ മാനിച്ച് ബിഎസ്ഇ സെന്സെക്സ് സൂചിക 200 പോയിന്റിലേറെ വര്‍ധിച്ചാണ് രാവിലെ വ്യാപാരം ആരംഭിച്ചത്. 30 ഓഹരികളടങ്ങിയ സെന്സെക്സ് 244 പോയിന്റ് നേട്ടത്തില്‍ 50,248 നിലയിലേക്ക് ഉയരുന്നത് വിപണി തുടക്കത്തിലെ കണ്ടു (0.49 ശതമാനം നേട്ടം). എന്‍എസ്ഇ നിഫ്റ്റി സൂചിക 79 പോയിന്റ് വര്‍ധിച്ച് 14,840 എന്ന നിലയിലും ചുവടുവെച്ചു (0.53 ശതമാനം നേട്ടം).
ബജാജ് ഫൈനാന്‍സ്, ടെക്ക് മഹീന്ദ്ര, മഹീന്ദ്ര ആന്‍ഡ് മഹീന്ദ്ര, എച്ച്ഡിഎഫ്‌സി ബാങ്ക്, ബജാജ് ഫിന്‍സെര്‍വ്, ടിസിഎസ്, ഇന്‍ഫോസിസ് ഓഹരികളാണ് സെന്‍സെക്‌സില്‍ മുന്നേറുന്നത്. ഓഎന്‍ജിസി, പവര്‍ ഗ്രിഡ് കോര്‍പ്പറേഷന്‍ ഓഫ് ഇന്ത്യ, എച്ച്ഡിഎഫ്‌സി, ബജാജ് ഓട്ടോ, ഐടിസി ഓഹരികള്‍ നഷ്ടം നേരിടുന്നവരുടെ പട്ടികയില്‍ മുന്നിലുണ്ട്. വ്യവസായങ്ങളുടെ വില സൂചികകള്‍ എല്ലാം നേട്ടത്തിലാണ് ഇടപാടുകള്‍ നടത്തുന്നത്. കൂട്ടത്തില്‍ നിഫ്റ്റി ഐടി സൂചിക 1.64 ശതമാനം നേട്ടവുമായി മുന്നില്‍ നില്‍ക്കുന്നു. നിഫ്റ്റി ബാങ്ക്, നിഫ്റ്റി റിയല്‍റ്റി സൂചികകളും ഭേദപ്പെട്ട പ്രകടനം കാഴ്ച്ചവെക്കുന്നുണ്ട്.
ആഗോള കമ്പോളം
തിങ്കളാഴ്ച്ച നേട്ടത്തോടെയാണ് അമേരിക്കന്‍ വിപണി വ്യാപാരം പൂര്‍ത്തിയാക്കിയത്. ഒരു മാസം നീണ്ട കുതിപ്പിന് ശേഷം ബോണ്ട് വിപണികള്‍ സാധാരണ നിലയിലേക്ക് തിരിച്ചെത്തുകയാണ്. ഈ പശ്ചാത്തലത്തില്‍ കഴിഞ്ഞ ജൂണിന് ശേഷമാദ്യമായി എസ് ആന്‍ഡ് പി 500 സൂചിക ഏറ്റവും ഉയര്‍ന്ന ഏകദിന നേട്ടം കയ്യടക്കി.
കോവിഡ് വാക്‌സീന് അമേരിക്ക അനുമതി നല്‍കിയതും 1.9 ലക്ഷം കോടി ഡോളറിന്റെ സാമ്പത്തിക ഉത്തേജന പാക്കേജും വിപണിയുടെ മുന്നേറ്റത്തിന് വഴി തെളിച്ചു. ഇന്നലെ ഡൗ ജോണ്‍സ് വ്യാവസായിക ശരാശരി സൂചിക 1.95 ശതമാനവും എസ് ആന്‍ഡ് പി 500 സൂചിക 2.38 ശതമാനവും നാസ്ദാക്ക് കോമ്പോസൈറ്റ് സൂചിക 3.01 ശതമാനവുമാണ് മുന്നേറിയത്.
അമേരിക്കന്‍ വിപണിയുടെ കുതിപ്പ് ചൊവാഴ്ച്ച ഏഷ്യന്‍ വിപണികള്‍ക്കും പുത്തനുണര്‍വ് നല്‍കിയത് കാണാം. രാവിലെ ദക്ഷിണ കൊറിയയുടെ കോസ്പി സൂചിക 1.82 ശതമാനം നേട്ടത്തില്‍ ചുവടുവെച്ചു. ഹോങ്കോങ്ങിന്റെ ഹാങ് സെങ് സൂചിക 0.28 ശതമാനവും മുന്നേറുന്നു.
സ്വര്‍ണം
ചൊവാഴ്ച്ച അമേരിക്കന്‍ ഡോളര്‍ കരുത്താര്‍ജിച്ച സാഹചര്യത്തില്‍ സ്വര്‍ണത്തിന് തിളക്കം കുറഞ്ഞു. തിങ്കളാഴ്ച്ച കോമക്‌സ് വിപണിയില്‍ 0.3 ശതമാനം തകര്‍ച്ച നേരിട്ട സ്വര്‍ണം ഇന്ന് 0.9 ശതമാനം വിലയിടിവ് നേരിടുകയാണ്. സ്വര്‍ണത്തിന്റെ ഇന്നത്തെ ഔണ്‍സ് നിരക്ക് 1,706 ഡോളര്‍.
ഡോളര്‍ സൂചികയ്ക്ക് പുറമെ അമേരിക്കന്‍ ട്രഷറി വരുമാനവും ഇടിഎഫില്‍ നിന്നുള്ള കുത്തൊഴുക്കും സ്വര്‍ണത്തിന്റെ സമ്മര്‍ദ്ദത്തിലാക്കുന്നുണ്ട്. ഇതേസമയം, അമേരിക്ക പ്രഖ്യാപിച്ചിരിക്കുന്ന സാമ്പത്തിക ഉത്തേജന പാക്കേജും പലിശ നിരക്കും വരാനിരിക്കുന്ന പണപ്പെരുപ്പവും സ്വര്‍ണവില ഉയര്‍ത്തുമെന്ന് വ്യാപകമായി കരുതപ്പെടുന്നു.
