സെൻസെക്സ് ഇന്ന് പുതിയ ഉയരങ്ങളിൽ, നിക്ഷേപക‍ർ ഉറ്റുനോക്കുന്നത് റിലയൻസിൽ

നവംബർ 23 ന് ഇന്ത്യൻ സൂചികകൾ ശക്തമായ നേട്ടത്തിൽ വ്യാപാരം ആരംഭിച്ചു. സെൻസെക്സ് പുതിയ റെക്കോർഡ് ഉയരത്തിലെത്തി. നിഫ്റ്റി 12950 ന് മുകളിലാണ് വ്യാപാരം ആരംഭിച്ചത്. രാവിലെ 09:17ന് സെൻസെക്സ് 350.09 പോയിൻറ് അഥവാ 0.80% ഉയർന്ന് 44232.34 ൽ എത്തി. നിഫ്റ്റി 95 പോയിൻറ് അഥവാ 0.74% ഉയർന്ന് 12954 ൽ എത്തി.

ബജാജ് ഫിൻസെ‍ർവ്, ഇൻഡസിൻഡ് ബാങ്ക്, റിലയൻസ്, ബജാജ് ഫിനാൻസ്, ടാറ്റാ സ്റ്റീൽ, എൻടിപിസി എന്നിവയാണ് സെൻസെക്സിൽ ഇന്ന് ഏറ്റവും മികച്ച പ്രകടനം കാഴ്ച്ച വയ്ക്കുന്ന ഓഹരികൾ. എച്ച്ഡിഎഫ്സി, ഏഷ്യൻ പെയിന്റ്, ഭാരതി എയ‍ർടെൽ, എം ആൻ‍ഡ് എം, ആക്സിസ് ബാങ്ക്, ഐസിഐസിഐ ബാങ്ക് എന്നിവയാണ് സെൻസെക്സിൽ ഏറ്റവും കൂടുതൽ നഷ്ടം രേഖപ്പെടുത്തുന്ന ഓഹരികൾ. 

സെൻസെക്സ് ഇന്ന് പുതിയ ഉയരങ്ങളിൽ, നിക്ഷേപക‍ർ ഉറ്റുനോക്കുന്നത് റിലയൻസിൽ

നിഫ്റ്റി മിഡ്‌ക്യാപ്, നിഫ്റ്റി സ്‌മോൾകാപ്പ് സൂചികകൾ യഥാക്രമം 1.1 ശതമാനവും 1.6 ശതമാനവും ഉയർന്നു. എല്ലാ മേഖല സൂചികകളും ഇന്ന് നേട്ടത്തിലാണ് വ്യാപാരം നടത്തുന്നത്. നിഫ്റ്റി മെറ്റൽ നിഫ്റ്റി റിയൽറ്റി സൂചികകളാണ് ഏറ്റവും കൂടുതൽ ഉയർന്നത്. 0.9 ശതമാനം വീതം ഇവ ഉയർന്നു.

നിഫ്റ്റി ഓട്ടോയും നിഫ്റ്റി ഐടിയും 0.6 ശതമാനം വീതം വർധിച്ചു. നിഫ്റ്റി ബാങ്ക്, നിഫ്റ്റി ഫിൻ സർവീസസ് എന്നിവയും 0.4 ശതമാനം ഉയർന്നു.