ഓഹരി വിപണി: സെൻസെക്സ് 148 പോയിന്റ് ഉയർന്നു, നിഫ്റ്റി 11,480 ന് മുകളിൽ

ആഗോള വിപണികളിലുടനീളമുള്ള പോസിറ്റീവ് വികാരത്തിന്റെ ഫലമായി ചൊവ്വാഴ്ച ഇന്ത്യൻ വിപണിയും നേരിയ നേട്ടത്തിൽ വ്യാപാരം ആരംഭിച്ചു. സെൻസെക്സ് 148 പോയിന്റ് ഉയർന്ന് 38,904.7 ലെത്തി. നിഫ്റ്റി 50 സൂചിക 47 പോയിൻറ് ഉയർന്ന് 11,487.20 ൽ തുറന്നു. നിഫ്റ്റി മിഡ്‌ക്യാപ് 100 സൂചിക 100 പോയിൻറും നിഫ്റ്റി സ്‌മോൾകാപ്പ് 100 സൂചിക 90 പോയിന്റും ഉയർന്നു. സ്വകാര്യ ബാങ്കുകൾ ഒഴികെ, മറ്റെല്ലാ മേഖലാ സൂചികകളും ഇന്ന് നേട്ടത്തിലാണ് വ്യാപാരം ആരംഭിച്ചിരിക്കുന്നത്.

ഓഹരി വിപണി: സെൻസെക്സ് 148 പോയിന്റ് ഉയർന്നു, നിഫ്റ്റി 11,480 ന് മുകളിൽ

നിഫ്റ്റി ഫാർമ ഏറ്റവും കൂടുതൽ നേട്ടം രേഖപ്പെടുത്തി. ഗ്രാസിം, ടൈറ്റാൻ എന്നിവരാണ് നിഫ്റ്റി 50 ഏറ്റവും കൂടുതൽ നേട്ടമുണ്ടാക്കിയ ഓഹരികൾ. എൻ‌എസ്‌ഇയിലെ 1,146 ഓഹരികൾ നേട്ടത്തോടെ തുറന്നപ്പോൾ 332 ഓഹരികൾ ഇടിഞ്ഞു. ടൈറ്റാൻ, ബജാജ് ഫിനാൻസ്, സീ എന്റർടൈൻമെന്റ്, ഭാരതി ഇൻഫ്രാറ്റെൽ, ഏഷ്യൻ പെയിന്റ്സ്, റിലയൻസ്, ഐസിഐസിഐ ബാങ്ക്, ഹിന്ദുസ്ഥാൻ യുണീലിവർ എന്നിവയാണ് സെൻസെക്സിലെ മികച്ച നേട്ടത്തിലുള്ള ഓഹരികൾ.

ഭാരതി എയർടെൽ, കൊട്ടക് ബാങ്ക്, ഇൻഡസിൻഡ് ബാങ്ക്, ആക്സിസ് ബാങ്ക്, എച്ചസിഎൽ ടെക്, അൾട്രാ സിമന്റ് എന്നിവയാണ് സെൻസെക്സിൽ നഷ്ടം രേഖപ്പെടുത്തുന്ന ഓഹരികൾ. ഐടി സൂചികയും മിഡ്‌ക്യാപ്, സ്മോൾക്യാപ് സൂചികകളും അര ശതമാനം വീതം നേട്ടമാണ് ഇതുവരെയുണ്ടാക്കിയിരിക്കുന്നത്.