ഇന്നലത്തെ തക‍ർച്ചയ്ക്ക് ശേഷം ഓഹരി വിപണിയിൽ ഇന്ന് നേട്ടത്തിൽ തുടക്കം

യുകെയിലെ പുതിയ കൊറോണ വൈറസിനെക്കുറിച്ചുള്ള ആശങ്കകൾക്കിടയിലും ഇന്ത്യൻ സൂചികകൾ ഡിസംബർ 22 ന് നേട്ടത്തിൽ വ്യാപാരം ആരംഭിച്ചു. ഇന്നലത്തെ തക‍ർച്ചയ്ക്ക് ശേഷം ഇന്ന് നിഫ്റ്റി 13400 ന് മുകളിലേയ്ക്ക് ഉയർന്നു. രാവിലെ 09:16ന് സെൻസെക്സ് 166.03 പോയിൻറ് അഥവാ 0.36 ശതമാനം ഉയർന്ന് 45719.99 ൽ എത്തി.

നിഫ്റ്റി 51.10 പോയിൻറ് അഥവാ 0.38 ശതമാനം ഉയർന്ന് 13379.50 ൽ എത്തി. ഏകദേശം 855 ഓഹരികൾ ഇന്ന് മുന്നേറി, 638 ഓഹരികൾ ഇടിഞ്ഞു, 65 ഓഹരികൾ മാറ്റമില്ലാതെ തുടർന്നു.

ഇന്നലത്തെ തക‍ർച്ചയ്ക്ക് ശേഷം ഓഹരി വിപണിയിൽ ഇന്ന് നേട്ടത്തിൽ തുടക്കം

ഏഷ്യൻ പെയിന്റ്, എച്ച്ഡിഎഫ്സി, എച്ച്ഡിഎഫ്സി ബാങ്ക്, എം ആൻഡ് എം എന്നിവയാണ് സെൻസെക്സിൽ ഏറ്റവും കൂടുതൽ നഷ്ടം രേഖപ്പെടുത്തുന്ന ഓഹരികൾ. എച്ച്സിഎൽ ടെക്, ടെക് മഹീന്ദ്ര, എൻടിപിസി, പവ‍ർ​ഗ്രിഡ്, ഇൻഫോസിസ്, ഭാരതി എയ‍ർടെൽ എന്നിവയാണ് സെൻസെക്സിൽ ഏറ്റവും കൂടുതൽ നേട്ടമുണ്ടാക്കിയ ഓഹരികൾ.

യുഎസ് ഡോളറിനെതിരെ ഇന്ത്യൻ രൂപ ഇന്ന് ഇടിവ് രേഖപ്പെടുത്തി. ഡോളർ സൂചിക ഏകദേശം 1% ഉയർന്നു, സെപ്റ്റംബർ 21 ന് ശേഷമുള്ള ഏറ്റവും വലിയ നേട്ടമാണിത്.