ആഗോള സൂചകങ്ങൾക്കിടയിൽ ഇന്ത്യൻ സൂചികകൾ നവംബർ 27 ന് നേരിയ ഇടിവിൽ വ്യാപാരം ആരംഭിച്ചു. രാവിലെ 09:16ന് സെൻസെക്സ് 18.30 പോയിൻറ് അഥവാ 0.04% ഇടിഞ്ഞ് 44241.44 എന്ന നിലയിലും നിഫ്റ്റി 2.10 പോയിന്റ് അഥവാ 0.02% കുറഞ്ഞ് 12984.90 എന്ന നിലയിലുമാണ് വ്യാപാരത്തിന് തുടക്കമിട്ടത്.
നിഫ്റ്റി ആദ്യമായി 13000 തൊട്ടു, സെൻസെക്സ് പുതിയ റെക്കോർഡ് ഉയരത്തിൽ
753 ഓഹരികൾ രാവിലെ മുന്നേറിയപ്പോൾ 322 ഓഹരികൾ ഇടിഞ്ഞു. 74 ഓഹരികൾ മാറ്റമില്ലാതെ തുടർന്നു. എൻടിപിസി, ഏഷ്യൻ പെയിന്റ്, എൽ ആൻഡി ടി, മാരുതി, ടെക്ക് മഹീന്ദ്ര, ബജാജ് ഫിനാൻസ് എന്നിവയാണ് ബിഎസ്ഇ സെൻസെക്സിൽ ഇന്ന് ഏറ്റവും കൂടുതൽ നേട്ടത്തിൽ വ്യാപാരം നടത്തുന്ന ഓഹരികൾ.
പവർഗ്രിഡ്, റിലയൻസ്, ടാറ്റാ സ്റ്റീൽ, ടൈറ്റാൻ, ഭാരതി എയർടെൽ, ഐടിസി എന്നിവയാണ് ഏറ്റവും കൂടുതൽ ഇടിവ് നേരിടുന്നത്. ടാറ്റ മോട്ടോഴ്സ്, ബാൽകൃഷ്ണ ഇൻഡസ്ട്രീസ്, അശോക് ലെയ്ലാൻഡ് എന്നീ ഓഹരികളുടെ പിന്തുണയെ തുടർന്ന് നിഫ്റ്റി ഓട്ടോ സൂചിക ഒരു ശതമാനം നേട്ടം കൈവരിച്ചു.
നിഫ്റ്റി ആദ്യമായി 13,050 ന് മുകളിൽ, സെൻസെക്സും റെക്കോർഡ് നേട്ടത്തിൽ ക്ലോസ് ചെയ്തു
ആഭ്യന്തര ഓഹരി വിപണിയിൽ കാര്യമായ നേട്ടങ്ങളില്ലാതെ വ്യാപാരം നടക്കുമ്പോൾ ഇന്ത്യൻ രൂപ ഡോളറിന് എതിരെ 73.79 എന്ന നിലയിലെത്തി. നവംബർ 26 ന് രൂപ ഡോളറിന് എതിരെ 73.88 എന്ന നിലയിൽ ഉയർന്നിരുന്നു. ബുധനാഴ്ച ഇത് 73.91 ആയിരുന്നു.