ഓഹരി വിപണിയിൽ നേരിയ നഷ്ടത്തിൽ വ്യാപാരത്തിന് തുടക്കം

ദുർബലമായ ആഗോള വിപണികൾക്കിടയിൽ ഒക്ടോബർ 28 ന് ഇന്ത്യൻ സൂചികകൾ നേരിയ നഷ്ടത്തോടെ വ്യാപാരം ആരംഭിച്ചു. രാവിലെ 09:16ന് സെൻസെക്സ് 49.58 പോയിൻറ് അഥവാ 0.12% ഇടിഞ്ഞ് 40472.52 ൽ എത്തി. നിഫ്റ്റി 14.60 പോയിൻറ് അഥവാ 0.12% ഇടിഞ്ഞ് 11874.80 ൽ എത്തി. ഏകദേശം 430 ഓഹരികൾ ഇന്ന് മുന്നേറിയപ്പോൾ, 392 ഓഹരികൾ ഇടിവ് രേഖപ്പെടുത്തി, 57 ഓഹരികൾ മാറ്റമില്ലാതെ തുടർന്നു. കൊട്ടക് ബാങ്ക്, നെസ്ലെ ഇന്ത്യ, ഹിന്ദുസ്ഥാൻ യുണീലിവർ, അൾട്രാ സിമന്റ്, ഐസിഐസിഐ ബാങ്ക്, എച്ച്ഡിഎഫ്സി എന്നിവയാണ് ഇന്ന് സെൻസെക്സിൽ ഏറ്റവും കൂടുതൽ ഇടിവ് രേഖപ്പെടുത്തിയിരിക്കുന്ന ഓഹരികൾ.

ഓഹരി വിപണിയിൽ നേരിയ നഷ്ടത്തിൽ വ്യാപാരത്തിന് തുടക്കം

ഭാരതി എയർടെൽ, എം ആൻഡ് എം, ടിസിഎസ്, എൽടി, ഇൻഫോസിസ്, റിലയൻസ് എന്നിവയാണ് ഏറ്റവും കൂടുതൽ നേട്ടം രേഖപ്പെടുത്തിയിരിക്കുന്നത്. രണ്ടാം പാദ വരുമാനം റിപ്പോർട്ട് ചെയ്തതിന് ശേഷം ഒക്ടോബർ 28 ന് ഭാരതി എയർടെൽ ഓഹരി വില 10 ശതമാനം അപ്പർ സർക്യൂട്ടിൽ എത്തി. സെപ്റ്റംബർ 30 ന് അവസാനിച്ച പാദത്തിൽ 314.5 കോടി രൂപയുടെ നഷ്ടം രേഖപ്പെടുത്തിയതിന് തൊട്ടുപിന്നാലെ ടാറ്റാ മോട്ടോഴ്‌സ് ഓഹരി വില ഇന്ന് മൂന്ന് ശതമാനം ഉയർന്നു. കഴിഞ്ഞ വർഷം ഇതേ പാദത്തിൽ കമ്പനിയുടെ നഷ്ടം 216.56 കോടി രൂപയായിരുന്നു.