എക്‌സ്പയറിയില്‍ സൂചികകള്‍ 'ഫ്‌ലാറ്റ്'; കനത്ത നഷ്ടത്തോടെ ജൂണിന് വിട

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഡെറിവേറ്റീവ് വിഭാഗത്തിലെ മാസ കോണ്‍ട്രാക്ടുകളുടെ എക്‌സ്പയറി ദിനത്തില്‍ നേരിട്ട ചാഞ്ചാട്ടങ്ങള്‍ക്കൊടുവില്‍ പ്രധാന സൂചികകള്‍ കാര്യമായ മാറ്റങ്ങളില്ലാതെ വ്യാപാരം പൂര്‍ത്തിയാക്കി. നിഫ്റ്റി 19 പോയിന്റ് നഷ്ടത്തോടെ 15,780-ലും സെന്‍സെക്‌സ് 8 പോയിന്റ് മാത്രം താഴ്ന്ന് 53,019-ലും ക്ലോസ് ചെയ്തു.

 

നേരിയ നഷ്ടത്തോടെ വ്യാപാരം ആരംഭിച്ച സൂചികകള്‍ പിന്നീട് നേട്ടത്തിന്റെ പാതിയിലേക്ക് മാറിയിരുന്നെങ്കിലും ഉച്ചയോടെ ആഗോള വിപണികള്‍ ചുവപ്പണിഞ്ഞതിന്റെ ചുവടു പിടിച്ച് സൂചികകള്‍ വീണ്ടും താഴേക്കിറങ്ങുകയായിരുന്നു. ഡോളറിനെതിരായ വിനിമയത്തില്‍ രൂപ ഇന്നും പുതിയ താഴ്ന്ന നിലവാരം (78.97) രേഖപ്പെടുത്തി.

വിപണി ജൂണില്‍

വിപണി ജൂണില്‍

  • 2020 മാര്‍ച്ച് മാസത്തിനു ശേഷം ഏറ്റവും തിരിച്ചടി നേരിട്ട മാസം.
  • 80 ശതമാനം നിഫ്റ്റി സൂചികയിലെ ഓഹരികളും തിരുത്തല്‍ നേരിട്ടു.
  • നിഫ്റ്റി സൂചികയിലെ ഓഹരികളില്‍ മഹീന്ദ്ര & മഹീന്ദ്ര, മാരുതി എന്നീ ഓഹരികള്‍ 6 ശതമാനത്തോളം ഉയര്‍ന്ന് നേട്ടക്കണക്കില്‍ മുന്നിലെത്തി.
  • 2021 നവംബറിനു ശേഷം ബാങ്ക് നിഫ്റ്റി സൂചികയില്‍ നേരിട്ട കനത്ത തിരിച്ചടി. 6 ശതമാനത്തോളം നഷ്ടം നേരിട്ടു.
  • ഓട്ടോ സൂചിക ഒഴികെ ബാക്കിയെല്ലാ ഓഹരി വിഭാഗം സൂചികകളും ജൂണില്‍ നഷ്ടം കുറിച്ചു.
  • നിഫ്റ്റി ഓട്ടോ സൂചിക തുടര്‍ച്ചയായ മൂന്നാം മാസവും നേട്ടത്തില്‍ ക്ലോസ് ചെയ്തു.
  • നിഫ്റ്റി മെറ്റല്‍ സൂചികയാണ് ഏറ്റവും നഷ്ടം നേരിട്ടത്. ഈമാസം 12 ശതമാനമാണ് ഇടിഞ്ഞത്.
മാര്‍ക്കറ്റ് റിപ്പോര്‍ട്ട്

മാര്‍ക്കറ്റ് റിപ്പോര്‍ട്ട്

നാഷണല്‍ സ്റ്റോക്ക് എക്‌സ്‌ചേഞ്ചില്‍ (എന്‍എസ്ഇ) വ്യാഴാഴ്ച ട്രേഡ് ചെയ്യപ്പെട്ട ആകെ 2,127 ഓഹരികളില്‍ 763 എണ്ണം മാത്രമാണ് നേട്ടത്തോടെ ക്ലോസ് ചെയ്തത്. ബാക്കി 1,295 ഓഹരികളും നഷ്ടത്തില്‍ വ്യാപാരം അവസാനിപ്പിച്ചു. ഇതോടെ ഓഹരികളുടെ നേട്ടവും നഷ്ടവും തമ്മിലുള്ള അനുപാതമായ എഡി റേഷ്യോ 0.59-ലേക്ക് താഴ്ന്നു. കഴിഞ്ഞ ദിവസം എഡി റേഷ്യോ 0.67 നിരക്കിലായിരുന്നു.

വിപണിയില്‍ 'ബുള്ളു'കള്‍ക്കെതിരെ 'ബെയറു'കള്‍ ആധിപത്യം നേടുന്നുവെന്നാണ് എഡി റേഷ്യോ തുടര്‍ച്ചയായി താഴ്ന്നു നില്‍ക്കുന്നതിലൂടെ പ്രകടമാകുന്നത്. അതേസമയം വിപണിയിലെ ചാഞ്ചാട്ടത്തിന്റെ തോത് വെളിവാക്കുന്ന വിക്‌സ് നിരക്കുകളിൽ ഇന്നു കാര്യമായ മാറ്റമൊന്നും രേഖപ്പെടുത്താതെ 21.84 നിലവാരത്തില്‍ ക്ലോസ് ചെയ്തു.

സൂചിക

നാഷണല്‍ സ്റ്റോക്ക് എക്സ്ചേഞ്ചിലെ 15 ഓഹരി വിഭാഗം സൂചികകളില്‍ 4 എണ്ണം വര്‍ധന രേഖപ്പെടുത്തിയും ബാക്കിയുള്ള 11 സൂചികകള്‍ നഷ്ടത്തിലും വ്യാപാരം അവസാനിപ്പിച്ചു. നിഫ്റ്റി ബാങ്ക്, നിഫ്റ്റി ഫിനാന്‍ഷ്യല്‍ സര്‍വീസസ്, ഫിനാന്‍ഷ്യല്‍ സര്‍വീസസ് 25/50, പ്രൈവറ്റ് ബാങ്ക് ഓഹരി വിഭാഗം സൂചികകളാണ് നേട്ടത്തില്‍ ക്ലോസ് ചെയ്തത്. അതേസമയം നിഫ്റ്റി ഓട്ടോ, ഐടി, മെറ്റല്‍, പിഎസ്‌യു ബാങ്ക്, റിയാല്‍റ്റി സൂചികകള്‍ 1- 1.99 ശതമാനം നഷ്ടം നേരിട്ടു.

Also Read: ബാങ്ക് പലിശയേക്കാളും ഉയര്‍ന്ന ഡിവിഡന്റ് നല്‍കുന്ന 10 ഓഹരികള്‍; ബെയര്‍ മാര്‍ക്കറ്റിലെ തിളക്കം!

മിഡ് കാപ്

അതുപോലെ നാഷണല്‍ സ്‌റ്റോക്ക് എക്‌സ്‌ചേഞ്ചിന്റെ മിഡ് കാപ്-100 സൂചികയും സ്‌മോള്‍ കാപ്-100 സൂചികയും യഥാക്രമം -0.82 %, -0.46 % വീതവും നഷ്ടത്തോടെ വ്യാപാരം പൂര്‍ത്തിയാക്കി. ഇന്ന് എന്‍എസ്ഇയില്‍ വ്യാപാരം ചെയ്യപ്പെട്ട 81 ഓഹരികള്‍ അപ്പര്‍ സര്‍ക്യൂട്ടിലും 50 ഓഹരികള്‍ ലോവര്‍ സര്‍ക്യൂട്ട് നിലവാരത്തിലുമാണ് വ്യാപാരം പൂര്‍ത്തിയാക്കിയത്. ഇതിനിടെ 19 ഓഹരികള്‍ 52 ആഴ്ച കാലയളവിലെ ഉയര്‍ന്ന നിലവാരത്തിലേക്ക് മുന്നേറിയപ്പോള്‍ 34 ഓഹരികള്‍ ഇതേ കാലയളവിലെ താഴ്ന്ന വിലനിലവാരത്തിലേക്കും പതിച്ചു.

നേട്ടം

നിഫ്റ്റി-50 സൂചികയിലെ 13 ഓഹരികള്‍ നേട്ടത്തിലും 36 ഓഹരികള്‍ നഷ്ടത്തിലും ക്ലോസ് ചെയ്തു.

  • നേട്ടം:- ആക്‌സിസ് ബാങ്ക് -1.49 %, എസ്ബിഐ 1.42 %, ഡിവീസ് ലാബ് 1.30 %, ബ്രിട്ടാണിയ ഇന്‍ഡസ്ട്രീസ് 1.08 %, എച്ച്ഡിഎഫ്‌സി ലൈഫ് 1.06 %, കൊട്ടക് മഹീന്ദ്ര ബാങ്ക് 1.06 % വീതം മുന്നേറ്റം രേഖപ്പെടുത്തി.
  • നഷ്ടം:- സിപ്ല -3.55 %, ഐഷര്‍ മോട്ടോര്‍ -3.55 %, ബിപിസിഎല്‍ -2.78 %, ജെഎസ്ഡബ്ല്യൂ സ്റ്റീല്‍ -2.58 %, ശ്രീ സിമന്റ് -2.50 %, കോള്‍ ഇന്ത്യ -2.41 % വീതവും നഷ്ടം കുറിച്ചു.

Read more about: stock market share market
English summary

Stock Market Today: Amid Volatility In Derivative Expiry Indices Ends Flat Metal Worst Hit In June Series

Stock Market Today: Amid Volatility In Derivative Expiry Indices Ends Flat Metal Worst Hit In June Series
Story first published: Thursday, June 30, 2022, 16:38 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X