Just In
-
-
-
-
Don't Miss
-
IPL 2024: ഇനി ആറു മല്സരം, പ്ലേഓഫ് കളിക്കാന് മുംബൈ എന്തു ചെയ്യണം? -
'ശോഭാ സുരേന്ദ്രൻ 10 ലക്ഷം വാങ്ങി, അനിൽ ആന്റണി 25 ലക്ഷം വാങ്ങി തിരിച്ചുതന്നു'; ആരോപണവുമായി ദല്ലാൾ നന്ദകുമാർ -
ഇത്ര നല്ല പിന്ഭാഗം അവര് കണ്ടിട്ടുണ്ടാകില്ല! പാപ്പരാസികളുടെ സൂമിംഗിനെക്കുറിച്ച് നോറ ഫത്തേഹി -
ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത് -
ജീവിതത്തില് സന്തോഷവും ഐശ്വര്യവും, വാസ്തുദോഷങ്ങള് നീക്കും വെള്ളി മയില് വീട്ടില് ഈ ദിശയില് -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഒരു ദിവസത്തെ ഇടവേളയ്ക്കു ശേഷം വിപണി വീണ്ടും നേട്ടത്തിന്റെ പാതയിലേക്ക് മടങ്ങിയെത്തി. ക്രൂഡ് ഓയില്‍ വിലയിലെ ഇടിവും മണ്‍സൂണ്‍ മഴയില്‍ പുരോഗതിയുണ്ടെന്ന റിപ്പോര്‍ട്ടും തിരുത്തല്‍ നേരിട്ട ഓഹരികളിലെ നിക്ഷേപ താത്പര്യവും ആഗോള വിപണികള്‍ നേട്ടത്തില്‍ നിന്നതും തുണച്ചപ്പോള്‍ സൂചികകളും മുന്നേറുകയായിരുന്നു.
വ്യാഴാഴ്ചത്തെ വ്യാപാരത്തിനൊടുവില്‍ പ്രധാന സൂചികകളായ നിഫ്റ്റി 143 പോയിന്റ് ഉയര്‍ന്ന് 15,556-ലും സെന്‍സെക്‌സ് 443 പോയിന്റ് വര്‍ധിച്ച് 52,266-ലും ക്ലോസ് ചെയ്തു. ഓട്ടോ വിഭാഗം ഓഹരികള്‍ 7 ശതമാനം വരെ മുന്നേറി. ഐടി ഓഹരികളും ശക്തമായ പ്രകടനം കാഴ്ചവെച്ചു. മിഡ് കാപ്, സ്‌മോള്‍ കാപ് സൂചികകളും ഒരു ശതമാനത്തിലേറെ മുന്നേറി. അതേസമയം, 90 ഓഹരികള്‍ അപ്പര്‍ സര്‍ക്യൂട്ടിലും 62 ഓഹരികള്‍ ലോവര്‍ സര്‍ക്യൂട്ടിലും ക്ലോസ് ചെയ്തു.
വിപണിയിലെ ചാഞ്ചാട്ടത്തിന്റെ തോത് വെളിവാക്കുന്ന വിക്‌സ് നിരക്കുകള്‍ ഇന്നും 2 ശതമാനത്തോളം ഇടിഞ്ഞ് 20.88-ലേക്ക് താഴ്ന്നു. അതേസമയം നിഫ്റ്റിയുടെ 15,670- 15,700 നിലവാരങ്ങളില്‍ പ്രതിരോധം ശക്തമാണ്. ഇന്ന് രാവിലെ 15,670 മേഖലയിലേക്ക് നിഫ്റ്റി വന്നപ്പോള്‍ ശക്തമായ വില്‍പന സമ്മര്‍ദം നേരിട്ട് ചുവപ്പിന്റെ പാതയിലേക്ക് വീണെങ്കിലും വൈകാതെ കരകയറാന്‍ സാധിച്ചത് നേട്ടമായി.
എന്‍എസ്ഇയുടെ 15 ഓഹരി വിഭാഗം സൂചികകളില്‍ ഒരെണ്ണം ഒഴികെ ബാക്കിയുള്ളവ നേട്ടത്തിലാണ് ക്ലോസ് ചെയ്തത്. 0.43 ശതമാനം താഴ്ന്ന ഓയില്‍ & ഗ്യാസ് വിഭാഗം സൂചിക മാത്രമാണ് ഇന്ന് നഷ്ടത്തിലായത്. അതേസമയം ഓട്ടോ വിഭാഗം ഓഹരികളില്‍ ശക്തമായ മുന്നേറ്റം പ്രകടമായി. 4 ശതമാനത്തിലേറെയാണ് ഓട്ടോ വിഭാഗം സൂചിക ഉയര്‍ന്നത്. ഐടി സൂചിക 2 ശതമാനത്തോളം ഉയര്‍ന്നു. മീഡിയ, ഫാര്‍മ, റിയാല്‍റ്റി, ഹെല്‍ത്ത്‌കെയര്‍ വിഭാഗം സൂചികകള്‍ 1.5 ശതമാനത്തിലേറെയും നേട്ടം കരസ്ഥമാക്കി.
എന്‍സ്ഇയില്‍ വ്യാഴാഴ്ച വ്യാപാരം ചെയ്യപ്പെട്ട 2,135 ഓഹരികളില്‍ 1,426 എണ്ണവും നേട്ടത്തില്‍ വ്യാപാരം പൂര്‍ത്തിയാക്കി. 629 ഓഹരികള്‍ നഷ്ടത്തോടെയും 80 ഓഹരികള്‍ക്ക് മാറ്റമൊന്നും രേഖപ്പെടുത്താനാകാതെയും വ്യാപാരം അവസാനിപ്പിച്ചു. ഇതോടെ ഓഹരികളുടെ എഡി അനുപാതം 2.27 നിരക്കിലേക്ക് ഇന്നു ഉയര്‍ന്നു. ഇതിനിടെ 6 ഓഹരികള്‍ ഒരു വര്‍ഷ കാലയളവിലെ ഉയര്‍ന്ന നിലയിലേക്ക് എത്തിയപ്പോള്‍ 84 ഓഹരികള്‍ ഇതേ കാലയളവിലെ താഴ്ന്ന നിലവാരത്തിലേക്കും പതിച്ചു.
- നേട്ടം:- നിഫ്റ്റി-50 ഓഹരികളില്‍ മാരുതി 6.65 %, ഹീറോ മോട്ടോ കോര്‍പ് 6.08 %, ഐഷര്‍ മോട്ടോര്‍സ് 5.87 %, മഹീന്ദ്ര & മഹീന്ദ്ര 4.49 %, ബജാജ് ഓട്ടോ 3.97 %, ടാറ്റ മോട്ടോര്‍സ് 3.57 %, ഏഷ്യന്‍ പെയിന്റ്‌സ് 3.36 % വീതവും നേട്ടം കുറിച്ചു.
- നഷ്ടം:- നിഫ്റ്റി ഓഹരികളില്‍ റിലയന്‍സ് -1.46 %, പവര്‍ ഗ്രിഡ് കോര്‍പറേഷന്‍ -1.19 %, കോള്‍ ഇന്ത്യ -1.12 %, എന്‍ടിപിസി -1.05 %, ഗ്രാസിം ഇന്‍ഡസ്ട്രീസ് -0.53 % വീതവും നഷ്ടം രേഖപ്പെടുത്തി.
