ഓഹരി വിപണിയിൽ ഇന്ന് നേട്ടത്തോടെ തുടക്കും, സെൻസെക്സ് 38000 ലെവൽ വീണ്ടെടുത്തു

സെൻസെക്സ് 38000 ലെവൽ വീണ്ടെടുത്ത് ബെഞ്ച്മാർക്ക് സൂചികകൾ രാവിലെ തന്നെ ശക്തമായ തുടക്കം കൈവരിച്ചു. സെൻസെക്സ് 25.68 പോയിൻറ് അഥവാ 0.07% ഉയ‍ർന്ന് 37956.01 പോയിന്റിൽ എത്തി. നിഫ്റ്റി 7.10 പോയിൻറ് അഥവാ 0.06% ഉയർന്ന് 11169.40 പോയിന്റിൽ എത്തി. 626 ഓഹരികൾ മുന്നേറിയപ്പോൾ 332 ഓഹരികൾ ഇടിവ് രേഖപ്പെടുത്തി. 57 ഓഹരികൾ മാറ്റമില്ലാതെ തുട‍‍ർന്നു.

സാമ്പത്തിക പ്രവർത്തനം ദുർബലമായി തുടരുകയാണെന്നും നടപ്പ് സാമ്പത്തിക വർഷത്തിൽ ഇന്ത്യയുടെ ജിഡിപിയിൽ 6.1 ശതമാനം സങ്കോചമുണ്ടാകുമെന്നും വിദേശ ബ്രോക്കറേജ് നോമുറ ഇന്നലെ റിപ്പോ‍‍ർട്ട് ചെയ്തു. ഓഗസ്റ്റിൽ നടക്കാനിരിക്കുന്ന നയ അവലോകനത്തിൽ റിസർവ് ബാങ്ക് താൽക്കാലികമായി നിർത്തുകയും നിരക്കുകൾ 25 അടിസ്ഥാനത്തിൽ കുറയ്ക്കുകയും ചെയ്യും. കൊവിഡ് മഹാമാരി മൂലം ജിഡിപിയിൽ സങ്കോചമുണ്ടാകുമെന്നാണ് എല്ലാ വിശകലന വിദഗ്ധരും പ്രതീക്ഷിക്കുന്ന‌ത്.

ഓഹരി വിപണിയിൽ ഇന്ന് നേട്ടത്തോടെ തുടക്കും, സെൻസെക്സ് 38000 ലെവൽ വീണ്ടെടുത്തു

ഇന്നലെ സെൻസെക്സ് 511 പോയിന്റ് അഥവാ 1.37 ശതമാനം നേട്ടത്തോടെ 37,930.33 എന്ന നിലയിലും നിഫ്റ്റി 140 പോയിൻറ് അഥവാ 1.27 ശതമാനം ഉയർന്ന് 11,162.25 എന്ന നിലയിലുമാണ് വ്യാപാരം അവസാനിപ്പിച്ചത്. പ്രധാന ഏഷ്യൻ വിപണികളിൽ ജാപ്പനീസ് നിക്കി 225 സൂചിക 0.54 ശതമാനവും ദക്ഷിണ കൊറിയൻ കോസ്പി 0.12 ശതമാനവും ഹോങ്കോങ്ങിന്റെ ഹാംഗ് സെംഗ് 0.13 ശതമാനവും ഷാങ്ഹായ് വിപണി 1.25 ശതമാനവും ഉയർന്നു.

വാൾസ്ട്രീറ്റിൽ തിങ്കളാഴ്ച ഡോവ് ജോൺസ് 0.60 ശതമാനവും നാസ്ഡാക്ക് 0.81 ശതമാനവും എസ് ആന്റ് പി 500 0.17 ശതമാനവും സ്മോൾകാപ്പ് 2000 1.33 ശതമാനവും ഉയർന്നു.