Click it and Unblock the Notifications
ഇന്ത്യൻ സൂചികകൾ ഇന്ന് നഷ്ടത്തിൽ വ്യാപാരം ആരംഭിച്ചു. ബാങ്കുകൾ, ഫിനാൻഷ്യൽസ്, ഐടി തുടങ്ങിയ ഓഹരികളാണ് ഇന്നത്തെ നഷ്ടത്തിന്റെ ആക്കം കൂട്ടുന്നത്. രാവിലെ 9:18 ന് സെൻസെക്സ് 152 പോയിൻറ് കുറഞ്ഞ് 46,101 എന്ന നിലയിലാണ് വ്യാപാരം ആരംഭിച്ചത്. നിഫ്റ്റി 51 പോയിൻറ് കുറഞ്ഞ് 13,507 ലെത്തി. മിഡ്കാപ്പ്, സ്മോൾക്യാപ്പ് സൂചികകളും ഇന്ന് നഷ്ടത്തിലാണ് വ്യാപാരം നടത്തുന്നത്.
ഏകദേശം 947 ഓഹരികൾ ഇന്ന് മുന്നേറിയപ്പോൾ, 1321 ഓഹരികൾ ഇടിഞ്ഞു. 101 ഓഹരികൾ മാറ്റമില്ലാതെ തുടർന്നു. നിഫ്റ്റി 50 സൂചികയിൽ ഐഷർ മോട്ടോഴ്സ്, എൻടിപിസി, എച്ച്ഡിഎഫ്സി ലൈഫ്, ഡോ. റെഡ്ഡീസ്, ഡിവിസ് ലാബ്സ് എന്നിവയാണ് മികച്ച നേട്ടം കൈവരിച്ച ഓഹരികൾ. ആക്സിസ് ബാങ്ക്, ഒഎൻജിസി, ഏഷ്യൻ പെയിന്റ്സ്, എം ആൻഡ് എം, ഐസിഐസിഐ ബാങ്ക് എന്നിവ നഷ്ടത്തിലാണ് വ്യാപാരം നടത്തുന്നത്.
നിഫ്റ്റി പിഎസ്യു ബാങ്ക് സൂചിക രണ്ട് ശതമാനം ഇടിഞ്ഞു. കാനറ ബാങ്ക്, ഇന്ത്യൻ ബാങ്ക്, ഐഒബി തുടങ്ങിയ ബാങ്കുകളാണ് പിഎസ്യു ബാങ്ക് സൂചികകളുടെ നഷ്ടത്തിന് കാരണം. ഊർജ്ജം, എഫ്എംസിജി, മെറ്റൽ സൂചികകൾ ഇന്ന് ഒരു ശതമാനം വീതം ഇടിഞ്ഞു.
Sign in with Google