ഓഹരി വിപണിയിൽ ഇന്ന്; ഇൻഫോസിസ് ഓഹരികൾ കുതിക്കുന്നു

ഇന്ത്യൻ സൂചികകൾ ഇന്ന് നേരിയ നേട്ടത്തിൽ വ്യാപാരം ആരംഭിച്ചു. രാവിലെ 09:17ന് സെൻസെക്സ് 37.04 പോയിൻറ് അഥവാ 0.09% ഉയർന്ന് 40831.78 ൽ എത്തി. നിഫ്റ്റി ബെഞ്ച്മാർക്ക് 47.1 പോയിൻറ് അഥവാ 0.39 ശതമാനം ഇടിഞ്ഞ് 11,923.95 എന്ന നിലയിലേക്ക് താഴ്ന്നു.ഏകദേശം 590 ഓഹരികൾ ഇന്ന് മുന്നേറിയപ്പോൾ 356 ഓഹരികൾ ഇടിവ് രേഖപ്പെടുത്തി. 57 ഓഹരികൾ മാറ്റമില്ലാതെ തുടർന്നു. ഇൻഫോസിസ്, ഒൻജിസി, ടാറ്റാ സ്റ്റീൽസ്, എൻടിപിസി, ഏഷ്യൻ പെയിന്റ്, എച്ച്സിഎൽ ടെക് എന്നിവയാണ് ബിഎസ്ഇ സെൻസെക്സിൽ ഏറ്റവും കൂടുതൽ നേട്ടമുണ്ടാക്കുന്ന ഓഹരികൾ.

ഓഹരി വിപണിയിൽ ഇന്ന്; ഇൻഫോസിസ് ഓഹരികൾ കുതിക്കുന്നു

ഐസിഐസിഐ ബാങ്ക്, ബജാജ് ഫിനാൻസ്, ഐടിസി, എൽടി, എസ്ബിഐ, കൊട്ടക് ബാങ്ക് എന്നിവയാണ് സെൻസെക്സിൽ ഇന്ന് ഏറ്റവും കൂടുതൽ നഷ്ടം രേഖപ്പെടുത്തുന്ന ഓഹരികൾ. വരുമാനത്തിൽ 6.12 ശതമാനം വളർച്ച നേടിതിനെ തുടർന്നാണ് ഇന്ന് ഇൻഫോസിസ് ഓഹരികൾ മികച്ച പ്രകടനം കാഴ്ച്ച വയ്ക്കുന്നത്. പ്രസിഡന്റ് തിരഞ്ഞെടുപ്പിന് മുമ്പുള്ള യുഎസ് ധന ഉത്തേജനത്തിന്റെ പ്രതീക്ഷകൾക്കിടയിലും യൂറോപ്പിന്റെ ചില ഭാഗങ്ങളിൽ പുതിയ കൊറോണ വൈറസ് അണുബാധകൾ റിപ്പോർട്ട് ചെയ്യുന്നതിന് ഇടയിലും മറ്റ് ഏഷ്യൻ വിപണികൾ ഇടിഞ്ഞു.