ഓഹരി വിപണി ഇന്ന് നേട്ടത്തിൽ, വൊഡാഫോൺ ഓഹരി വില 10% ഉയർന്നു

സെൻസെക്സ് 81.44 പോയിൻറ് അഥവാ 0.21 ശതമാനം ഉയർന്ന് 38982.24 ലും നിഫ്റ്റി 29.90 പോയിൻറ് അഥവാ 0.26 ശതമാനം ഉയ‍ർന്ന് 11500.20 ലും എത്തി. ഒ‌എൻ‌ജി‌സി, ഭാരതി എയർടെൽ, ടാറ്റ സ്റ്റീൽ എന്നിവയാണ് മികച്ച നേട്ടം കൈവരിക്കുന്ന ഓഹരികൾ. ഭാരതി എയർടെൽ, റിലയൻസ് ഇൻഡസ്ട്രീസ്, ഫ്യൂച്ചർ റീട്ടെയിൽ എന്നിവയാണ് ഏറ്റവും മികച്ച പ്രകടനം കാഴ്ച്ച വയ്ക്കുന്നത്. മേഖല സൂചികകളിൽ മെറ്റൽ സൂചിക ഒരു ശതമാനം നേട്ടമുണ്ടാക്കിയപ്പോൾ മിഡ്‌ക്യാപ്, സ്‌മോൾക്യാപ് സൂചികകൾ അര ശതമാനം വീതം ഉയർന്നു.

ഓഹരി വിപണി ഇന്ന് നേട്ടത്തിൽ, വൊഡാഫോൺ ഓഹരി വില 10% ഉയർന്നു

വൊഡാഫോൺ ഐഡിയയുടെ ഓഹരി വില ഇന്ന് 10 ശതമാനം ഉയർന്നു. സെപ്റ്റംബർ 4 ന് ബോർഡ് യോഗം ചേരുമ്പോൾ ഫണ്ട് സമാഹരണ നിർദ്ദേശങ്ങൾ ചർച്ചചെയ്യപ്പെടും എന്ന റിപ്പോ‍‍ർട്ടിനെ തുട‍ർന്നാണിത്. ഇക്വിറ്റി ഷെയറുകൾ ഇഷ്യു ചെയ്യുന്നതിലൂടെ പൊതു ഇഷ്യു, പ്രിഫറൻഷ്യൽ അലോട്ട്മെന്റ്, യോഗ്യതയുള്ള സ്ഥാപനങ്ങളുടെ പ്ലേസ്മെന്റ് ഉൾപ്പെടെയുള്ള സ്വകാര്യ പ്ലേസ്മെന്റ് തുടങ്ങിയ മൂലധന സമാഹരണ നടപടികൾ ബോർഡ് വിലയിരുത്തുമെന്നാണ് വിവരം.

ഒൻജിസി, ടെക് മഹീന്ദ്ര, ടാറ്റാ സ്റ്റീൽ, എച്ച്സിഎൽ ടെക്, ഭാരതി എയ‍ർടെൽ, ഇൻഫോസിസ് എന്നിവയാണ് ഇന്ന് സെൻസെക്സിൽ മികച്ച പ്രകടനം കാഴ്ച്ച വയ്ക്കുന്നത്. കൊട്ടക് ബാങ്ക്, എസ്ബിഐ, ബജാജ് ഓട്ടോ, എച്ച്‍ഡിഎഫ്സി, ഏഷ്യൻ പെയിന്റ്, ബജാജ് ഫിനാൻസ് എന്നിവ രാവിലെ തന്നെ നഷ്ടത്തിലാണ്.