Just In
-
-
-
-
Don't Miss
-
യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഇന്ത്യന്‍ ഓഹരി വിപണി നേട്ടത്തോടെ വ്യാപാരം അവസാനിപ്പിച്ചു. തിങ്കളാഴ്ച്ച തുടര്‍ച്ചയായി മൂന്നു സെഷനിലും സെന്‍സെക്‌സ്, നിഫ്റ്റി സൂചികകള്‍ വളര്‍ച്ച രേഖപ്പെടുത്തി. ഓഹരി തിരിച്ചുവാങ്ങാന്‍ ടിസിഎസ് ഒരുങ്ങുകയാണെന്ന വാര്‍ത്ത വ്യാപാരത്തിന് രാവിലെത്തന്നെ ഉണര്‍വേകി. ഒക്ടോബര്‍ ഏഴിന് ചേരുന്ന ബോര്‍ഡ് യോഗത്തില്‍ ഓഹരി തിരിച്ചുവാങ്ങല്‍ സാധ്യത ടിസിഎസ് പരിശോധിക്കും. സെപ്തംബര്‍ പാദത്തിലെ സാമ്പത്തിക വളര്‍ച്ചയും ബുധനാഴ്ച്ച കമ്പനി പുറത്തുവിടും.
തിങ്കളാഴ്ച്ച ടിസിഎസ് ഓഹരികള്‍ കുതിച്ചുയര്‍ന്നതോടെ സെന്‍സെക്‌സ് സൂചിക 567 പോയിന്റ് വര്‍ധിച്ച് 39,000 മാര്‍ക്ക് പിന്നിട്ടു. നിഫ്റ്റി സൂചികയാകട്ടെ 11,500 മാര്‍ക്ക് തിരിച്ചുപിടിച്ചു. സെന്‍സെക്‌സ് സൂചികയില്‍ ടിസിഎസാണ് ഇന്ന് തിളങ്ങിയത്. ടിസിഎസില്‍ നിന്നുമാത്രം 184 പോയിന്റ് സെന്‍സെക്‌സിന് ലഭിച്ചു.
ഒടുവില്‍ വ്യാപാരം അവസാനിക്കുമ്പോള്‍ 277 പോയിന്റ് അഥവാ 0.71 ശതമാനം വര്‍ധിച്ച് 38,947 മാര്‍ക്ക് സെന്‍സെക്‌സ് സൂചിക തൊട്ടു. 86 പോയിന്റ് അഥവാ 0.76 ശതമാനം കൂടി 11,503 എന്ന നിലയ്ക്കാണ് നിഫ്റ്റി സൂചിക ദിവസത്തിന് തിരശ്ശീലയിട്ടത്. ടിസിഎസിന് പുറമെ ലോഹ, ഫാര്‍മ, സ്വകാര്യ ബാങ്ക് ഓഹരികളും നിക്ഷേപകരുടെ ശ്രദ്ധയാകര്‍ഷിച്ചു. ഇതേസമയം ഊര്‍ജ്ജ, വാഹന, പൊതുമേഖലാ ബാങ്ക് ഓഹരികള്‍ നഷ്ടം നേരിട്ടിട്ടുണ്ട്. സമ്മിശ്ര പ്രതികരണമാണ് മിഡ്, സ്‌മോള്‍ ക്യാപ് ഓഹരികള്‍ കയ്യടക്കിയത്. നിഫ്റ്റി മിഡ്ക്യാപ് 100 സൂചിക 0.1 ശതമാനം ഇടിഞ്ഞു. എന്നാല്‍ നിഫ്റ്റി സ്‌മോള്‍ക്യാപ് 100 സൂചിക 0.6 നേട്ടം കണ്ടെത്തി.
7.55 ശതമാനം ഉയര്‍ന്ന് 2,714 രൂപയിലെത്തിയ ടിസിഎസാണ് നിഫ്റ്റി സൂചികയിലും ശ്രദ്ധനേടിയത്. വിപ്രോ, ടാറ്റ സ്റ്റീല്‍, സണ്‍ ഫാര്‍മ, ജെഎസ്ഡബ്ല്യു സ്റ്റീല്‍, ഹിന്‍ഡാല്‍കോ, ഇന്‍ഫോസിസ്, ടെക് മഹീന്ദ്ര, ഡിവിസ് ലാബ്‌സ്, ഇന്ത്യന്‍ ഓയില്‍, ഇന്‍ഡസ് ഇന്‍ഡ് ബാങ്ക് തുടങ്ങിയ കമ്പനികളുടെ ഓഹരികള്‍ 2 മുതല്‍ 7 ശതമാനംവരെ നേട്ടം കൈവരിച്ചു. ബജാജ് ഫിന്‍സര്‍വ്, ശ്രീ സിമെന്റ്‌സ്, ഭാരതി എയര്‍ടെല്‍, ഗെയ്ല്‍ ഇന്ത്യാ, ബജാജ് ഓട്ടോ, പവര്‍ ഗ്രിഡ്, അദാനി പോര്‍ട്‌സ് എന്നിവര്‍ പിന്നില്‍പ്പോയി. മൊത്തം ചിത്രം നോക്കിയാല്‍ ബിഎസ്ഇ സൂചികയില്‍ 1,491 ഓഹരികള്‍ നേട്ടവും 1,229 ഓഹരികള്‍ നഷ്ടവും രേഖപ്പെടുത്തി.
