തിരുമ്പി വന്തിട്ടേന്ന് സൊല്ല്, 52 ആഴ്ചയിലെ താഴ്ന്ന വിലയിൽ നിന്നും കത്തിക്കയറിയ ഓഹരികൾ, പട്ടികയിൽ ടാറ്റയും

ഓഹരി വിപണി എന്നത് കുതിപ്പും കിതപ്പും ചേർന്നതാണ്. ചില സമയങ്ങളിൽ മുകളിലേക്ക് വലിയ രീതിയിൽ ഓഹരി സൂചികകൾ കുതിക്കും. ചിലസമയങ്ങളിൽ ഉയർന്നത് പോലെ താഴേക്ക് പതിക്കും. 2020-ലെ കോവിഡ് മഹാമാരിയുടെ സമയത്താണ് ഓഹരി വിപണി താഴേക്ക് വീണത്. എന്നാൽ 2024 സെപ്റ്റംബറിൽ ചരിത്രത്തിലെ ഏറ്റവും ഉയർന്ന നേട്ടം കൈവരിക്കാൻ ഓഹരി വിപണിക്ക് സാധിച്ചു. എന്നാൽ 2024 പാദത്തിന്‍റെ നാലാം പാദത്തിൽ ലാഭ-ബുക്കിംഗ് ഉയർന്നതോടെ സൂചിക വീണ്ടും താഴേക്ക് വീണു. ഈ തിരുത്തൽ 2025 മാർച്ച്, എപ്രിൽ മാസം വരെ നീണ്ടു നിന്നു എന്നത് ശ്രദ്ധേയമാണ്.

ഈ തിരുത്തൽ പല ഓഹരികളേയും 52 ആഴ്ചയിലെ ഏറ്റവും താഴ്ന്ന നിലയിലെത്തിച്ചു. എന്നാൽ ചില ഓഹരികൾ നിശബ്ദമായി ആ തിരിച്ചടിയെ പ്രതിരോധിച്ച് മുകളിലേക്ക് ഉയരാൻ തുടങ്ങിയിട്ടുണ്ട്. ഓഹരി വില ഉയരുന്നതിനൊപ്പം വോള്യങ്ങളും ഉയർന്നു. അതുകൊണ്ടു തന്നെ അത്തരത്തിലുള്ള മൂന്ന് ഓഹരികളുടെ വിശദാംശങ്ങൾ നമുക്ക് പരിശോധിക്കാം.

1. ടാറ്റ എൽക്സി

ഐ.ടി-സോഫ്റ്റ് വെയർ മേഖലയിൽ ബിസിനസ് ചെയ്യുന്ന, മിഡ്ക്യാപ് വിഭാ​ഗത്തിൽ ഉൾപ്പെട്ടിരിക്കുന്ന ഒരു കമ്പനിയാണിത്. 1989ൽ സ്ഥാപിതമായ കമ്പനി വിവിധ തരം ഇൻഡസ്ട്രികൾക്ക് ആവശ്യമായ സേവനങ്ങൾ നൽകുന്നു. ടെക്നോളജി കൺസൾട്ടിങ്, പ്രൊഡക്ട് ഡിസൈൻ, ഡെവലപ്മെന്റ്, ടെസ്റ്റിങ് സേവനങ്ങൾ നൽകുന്നു. ഐ.ഒ.ടി, ക്ലൗഡ്, മൊബിലിറ്റി, വി.ആർ & എ.ഐ എന്നിങ്ങനെ ഡിജിറ്റൽ ടെക്നോളജിയുമായി ബന്ധപ്പെട്ട് വിവിധ തരം സൊല്യൂഷനുകളാണ് നൽകുന്നത്.

ഓഹരി വില ട്രെൻഡ്

എൻഎസ്ഇയിൽ 5,773 രൂപ നിലവാരത്തിലാണ് ടാറ്റ ഓഹരിയുടെ വ്യാപാരം. 4700 രൂപയായിരുന്നു ഓഹരിയുടെ 52 ആഴ്ചയിലെ ഏറ്റവും താഴ്ന്ന ഓഹരി വില. എന്നാൽ അതിന് ശേഷം ടാറ്റ എൽക്സി താഴ്ന്ന നിലയിൽ നിന്ന് കുത്തനെയുള്ള ബുള്ളിഷ് റിവേഴ്‌സൽ അനുഭവിച്ചു. കഴിഞ്ഞ ഒരു മാസത്തിനിടെ 14 ശതമാനം വളർച്ചയാണ് ഓഹരിക്ക് നേടാനായത്.

കഴിഞ്ഞ പത്ത് മാസത്തെ ശരാശരിയേക്കാൾ ഇരട്ടിയായി വർദ്ധിച്ചുവരുന്ന വോള്യങ്ങൾ ഓഹരിയുടെ ബുള്ളിഷ് വികാരത്തിന്‍റെ സൂചനയാണ്. ഏറ്റവും മോശം അവസ്ഥ അവസാനിച്ചേക്കാമെന്നും പുതിയൊരു ഉയർച്ചയ്ക്ക് സാധ്യതയുണ്ടെന്നും ഓഹരികളുടെ പെരുമാറ്റം സൂചിപ്പിക്കുന്നു.

2. ഡൽഹിവെറി

ഇന്ത്യയിലെ ഏറ്റവും വലിയ സമ്പൂർണ്ണ സംയോജിത ലോജിസ്റ്റിക്സ് ദാതാവാണ് ഡൽഹിവെറി. 2011 ല്‍ സാഹില്‍ ബറുവ, മോഹിത് ടണ്ടന്‍, ഭവേഷ് മംഗ്ലാനി, കപില്‍ ഭാരതി എന്നീ 4 സുഹൃത്തുക്കള്‍ ചേര്‍ന്നാണ് ഡല്‍ഹിവെറി ആരംഭിക്കുന്നത്. 2022 മേയിലാണ് കമ്പനി പ്രാരംഭ ഓഹരി വില്പന നടത്തിയത്. ഒരു ഓഹരിക്ക് 462-487 രൂപ നിരക്കാണ് കമ്പനി നിശ്ചയിച്ചത്. 493 രൂപയ്ക്കാണ് കമ്പനിയുടെ ഓഹരികള്‍ ബോംബേ സ്‌റ്റോക്ക് എക്സ്ചേഞ്ചിൽ ലിസ്റ്റ് ചെയ്തത്. നാഷണല്‍ സ്‌റ്റോക്ക് എക്‌സ്‌ചേഞ്ചില്‍ 495 രൂപയ്ക്കാണ് ഓഹരികൾ ലിസ്റ്റ് ചെയ്തത്.

ഓഹരി വില ട്രെൻഡ്

എൻഎസ്ഇയിൽ 307 രൂപ നിലവാരത്തിലാണ് ഡൽഹിവെറി ഓഹരിയുടെ വ്യാപാരം പുരോഗമിക്കുന്നത്. 2025 മാർച്ചിൽ ഡൽഹിവെറിയുടെ ഓഹരി വില 236 രൂപ എന്ന എക്കാലത്തെയും താഴ്ന്ന നിലയിലെത്തി. എന്നാൽ ഏപ്രിലിൽ വിപണി തിരിച്ചുവന്നപ്പോൾ ഡൽഹിവെറി ഓഹരിയും ശക്തിയോടെ തിരിച്ചുവന്നു.

കഴിഞ്ഞ കുറച്ച് വർഷങ്ങളായി കണ്ടിട്ടുള്ള ഏറ്റവും ഉയർന്ന പ്രതിമാസ ട്രേഡിംഗ് വോള്യങ്ങളുടെ പിന്തുണയോടെ ഓഹരി 300 ന് മുകളിൽ ഉയർന്നു. വർദ്ധിച്ചുവരുന്ന വോളിയം സാഹചര്യത്തോടുകൂടിയ ഈ വിലയിലെ വർദ്ധനവ് പലപ്പോഴും ഒരു പുതിയ ബുള്ളിഷ് പ്രവണതയുടെ പ്രാരംഭ ഘട്ടങ്ങളെ അടയാളപ്പെടുത്തുന്നു. ദീർഘകാല നിക്ഷേപകർക്ക് ഓഹരിയിലെ നിക്ഷേപം പരിഗണിക്കാം.

3. വർധമാൻ ടെക്സ്റ്റൈൽസ് ലിമിറ്റഡ്

നൂൽ, തുണി, തയ്യൽ നൂലുകൾ, അക്രിലിക് ഫൈബർ, വസ്ത്രങ്ങൾ എന്നിവയിൽ ശക്തമായ സാന്നിധ്യമുള്ള ഇന്ത്യയിലെ ഒരു പ്രമുഖ ടെക്സ്റ്റൈൽ കമ്പനിയാണ് വർധമാൻ ടെക്സ്റ്റൈൽസ് . ഗുണനിലവാരത്തിനും നൂതനത്വത്തിനും പേരുകേട്ട കമ്പനി, ഫാഷൻ, വസ്ത്ര മേഖലയിൽ ആഗോള സാന്നിധ്യം അറിയിച്ചിട്ടുണ്ട്.

ഓഹരി വില ട്രെൻഡ്

എൻഎസ്ഇയിൽ 465 രൂപ നിലവാരത്തിലാണ് വർധമാൻ ടെക്സ്റ്റൈൽസ് ലിമിറ്റഡ് ഓഹരി വ്യാപാരം പുരോഗമിക്കുന്നത്. ഓഹരി പ്രതിമാസ ചാർട്ടുകളിൽ അതിന്‍റെ ഉയർന്ന-ഉയർന്ന താഴ്ന്ന ഘടന പുനരാരംഭിച്ചു. ഇത് ശക്തമായ പ്രൈമറി ബുള്ളിഷ് പ്രവണതയെ സൂചിപ്പിക്കുന്നു.ദീർഘകാല ഏകീകരണത്തിനുശേഷം, മൂന്ന് വർഷത്തെ ഉയർന്ന വോള്യങ്ങളുമായി ഓഹരികൾ കുതിച്ചുയർന്നു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.