ഓഹരി വില 40 രൂപയിൽ താഴെ, ഇപ്പോൾ വാങ്ങിയാൽ കുറഞ്ഞ സമയത്തിൽ മികച്ച ലാഭം നേടാം, പരീക്ഷിക്കുന്നോ..?

വിപണിയിൽ ചില കുഞ്ഞൻ ഓഹരികളുണ്ട്. വില കുറഞ്ഞ, പതുക്കെ മികച്ച വളർച്ച കൈവരിക്കുന്ന ഓഹരികൾ. അവയെ കണ്ടെത്തുക എന്നത് അത്ര എളുപ്പമല്ല. കഴിഞ്ഞ കുറച്ച് ദിവസങ്ങളായി മികച്ച വളർച്ച നേടിക്കൊണ്ടിരിക്കുന്ന ഒരു കുഞ്ഞൻ ഓഹരിയെ പരിചയപ്പെട്ടാലോ. വില 50 രൂപയിൽ താഴെയുള്ള ഈ ഓഹരി വരും ദിവസങ്ങളിലും മുന്നേറ്റം തുടരുമെന്നാണ് ബ്രോക്കറേജ് സ്ഥാപനമായ ആനന്ദ് രതി പറയുന്നത്. ഏതാണ് ആ സ്മോൾ ക്യാപ് ഓഹരി എന്നാണോ..? മറ്റാരുമല്ല, നിക്ഷേപകരുടെ പ്രിയപ്പെട്ട സിന്ധു ട്രേഡ് ലിങ്ക്സ് .

സിന്ധു ട്രേഡ് ലിങ്ക്സ്

ഗതാഗത ലോജിസ്റ്റിക്സ് രംഗത്തുൾപ്പെടെ പ്രവർത്തിക്കുന്ന കമ്പനിയാണ് സിന്ധു ട്രേഡ് ലിങ്ക്സ് ലിമിറ്റഡ്. കമ്പനിയുടെ അനുബന്ധ സ്ഥാപനങ്ങൾ മാധ്യമ മേഖല, കൽക്കരി ഖനനം, ബയോമാസ് അധിഷ്ഠിത വൈദ്യുതി ഉൽപാദനം തുടങ്ങി വിവിധ മേഖലകളിലുമുണ്ട്. മറ്റ് മേഖലകളിലേക്കും പ്രവർത്തനങ്ങൾ വ്യാപിപ്പിക്കാൻ ഒരുങ്ങുകയാണ് കമ്പനി.

കമ്പനിയുടെ പ്രധാന ബിസിനസ് ഗതാഗത മേഖലയിലാണ്. 200-ലധികം ടിപ്പറുകളും 100 ലോഡറുകളും കൽക്കരി ഗതാഗതത്തിനായുണ്ട്. ഒരു പെട്രോൾ പമ്പും കമ്പനി പ്രവർത്തിപ്പിക്കുന്നുണ്ട്. വായ്പാ പ്രവർത്തനങ്ങളിലും കമ്പനി ഏർപ്പെട്ടിരിക്കുന്നു. ഹരിയാന, ഛത്തീസ്ഗഢ്, ഡൽഹി എന്നിവിടങ്ങളിലെ റിയൽ എസ്റ്റേറ്റ് ആസ്തികളിൽ നിന്ന് കമ്പനിക്ക് വാടകയും ലഭിക്കുന്നുണ്ട്.

ഓഹരി വിപണിയിലെ പ്രകടനം

എൻഎസ്ഇയിൽ 32.86 രൂപ എന്ന നിലയിലാണ് തിങ്കളാഴ്ച സിന്ധു ട്രേഡ് ലിങ്ക്സ് ഓഹരി വ്യാപാരം അവസാനിപ്പിച്ചത്. കഴിഞ്ഞ ഒരുമാസത്തിനിടെ 21.5 ശതമാനം വളർച്ച നേടാൻ ഓഹരിക്ക് സാധിച്ചു. 52.13 ശതമാനം മുന്നേറ്റമാണ് ആറ് മാസത്തിനിടെ ഓഹരി നേടിയത്. 2025-ൽ ഇതുവരെ 47.6 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. 39.29 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില.

മുന്നേറ്റം തുടരും

ആനന്ദ് രതിയുടെ അഭിപ്രായത്തിൽ, ഓഹരി അതിന്‍റെ വാർഷിക കാമറില്ല പിവറ്റ് ലെവലായ 29.80 നെ മറികടന്നു. നിലവിൽ അതിനു മുകളിൽ സ്ഥിരത പുലർത്തുന്നു. റെസിസ്റ്റൻസിന് മുകളിലുള്ള ഒരു ബ്രേക്ക്ഔട്ടിന്റെയും ഉയരുന്ന VWAP ബാൻഡിന്റെയും സംഗമം ബുള്ളിഷ് ആക്കം ത്വരിതപ്പെടുത്തുന്നതിനെ സൂചിപ്പിക്കുന്നു. ഒരു ഹ്രസ്വകാല റാലിയെ മാർക്കറ്റ് ഘടന നന്നായി പിന്തുണയ്ക്കുന്നു എന്നതിന്റെ സൂചനയായി മാർക്കറ്റ് വിദഗ്ധർ ഇതിനെ വിലയിരുത്തുന്നുണ്ട്.

ടാർഗെറ്റ് വില

ആനന്ദ് രതി ഇൻവെസ്റ്റ്‌മെന്റ് സർവീസസിലെ വിശകലന വിദഗ്ദ്ധനായ ജിഗർ ശാന്തിലാൽ പട്ടേൽ, സിന്ധു ട്രേഡ് ലിങ്ക്സ് ഓഹരിക്ക് 36 എന്ന ടാർഗെറ്റ് നിശ്ചയിച്ചിട്ടുണ്ട്. ബ്രോക്കറേജിന്‍റെ അഭിപ്രായത്തിൽ സാങ്കേതിക സജ്ജീകരണം സിന്ധു ട്രേഡ് ലിങ്ക്സ് ഓഹരി വിലയ്ക്ക് ഒരു ബുള്ളിഷ് അവസരത്തെ സൂചിപ്പിക്കുന്നു.

2025 മാർച്ചിൽ, വിദേശ നിക്ഷേപ സ്ഥാപനങ്ങൾ പുതിയതായി 6,77,765 ഓഹരികൾ വാങ്ങി അവരുടെ ഓഹരി നിക്ഷേപം 0.04 ശതമാനമായി ഉയർത്തി. കമ്പനിയുടെ വിപണി മൂല്യം 3,900 കോടി രൂപയിലധികമാണ്.

അപകടസാധ്യതകൾ

1. ഉയർന്ന അസ്ഥിരത: സിന്ധു ട്രേഡ് ലിങ്ക്സ് പോലുള്ള സ്മോൾ-ക്യാപ്, പെന്നി സ്റ്റോക്കുകൾക്ക് വലിയ വില വ്യതിയാനങ്ങൾ അനുഭവപ്പെടാം

2. ലിക്വിഡിറ്റി റിസ്ക്: നിലവിൽ വോള്യങ്ങൾ ഉയർന്നതാണെങ്കിലും, വികാരത്തിലുണ്ടാകുന്ന ഏതൊരു വിപരീതാവസ്ഥയും കുത്തനെയുള്ള ഇടിവിലേക്ക് നയിച്ചേക്കാം.

3. വിപണി വികാരത്തെ ആശ്രയിച്ചിരിക്കുന്നു: വിശാലമായ വിപണി മാന്ദ്യമോ നെഗറ്റീവ് വാർത്തകളോ ഹ്രസ്വകാല ബുള്ളിഷ് ആക്കം എളുപ്പത്തിൽ തടസ്സപ്പെടുത്തിയേക്കാം.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.