എസ്ബിഐ അടക്കം 12 ഓഹരികൾ വാങ്ങാം, ലാഭം 29 ശതമാനം വരെ എന്ന് ബ്രോക്കറേജ്, കൂടെക്കൂട്ടുന്നോ..?

ഇന്ത്യൻ ഓഹരി വിപണി പുതിയ ഉയരങ്ങൾ തൊട്ട് മാസമാണ് സെപ്തംബർ മൂന്നാം വാരം. എന്നാൽ പിന്നീടുള്ള ദിവസങ്ങളിൽ സൂചികകൾ താഴേക്ക് വീണു. സെൻസെക്സും നിഫ്റ്റി 50 ഉം എക്കാലത്തെയും ഉയർന്ന നിരക്കിൽ നിന്ന് ഏകദേശം 2.0 ശതമാനത്തോളം താഴേക്ക് വീണു. അതുകൊണ്ടു തന്നെ നിക്ഷേപകർക്ക് ദീർഘകാലാടിസ്ഥാനത്തിൽ മികച്ച നേട്ടമുണ്ടാക്കാൻ സാധിക്കുന്ന അവസരമാണിപ്പോൾ. ലാർജ്‌ക്യാപ്, മിഡ്‌ക്യാപ്, സ്‌മോൾക്യാപ് സെഗ്‌മെൻ്റുകളിലായി നിരവധി ബ്രോക്കറേജുകളിലെ അനലിസ്റ്റുകൾ ശുപാർശ ചെയ്യുന്ന 12 ഓഹരികളുടെ വിശദാംശങ്ങൾ പരിശോധിക്കാം.

1. മാൻ ഇൻഫ്രാസ്ട്രക്ചർ

എൻഎസ്ഇയിൽ 191 രൂപ എന്നതാണ് നിലവിൽ മാൻ ഇൻഫ്രാസ്ട്രക്ചർ ഓഹരിയുടെ വില. കഴിഞ്ഞ ഒരു മാസത്തിനിടെ 1.7 ശതമാനം ഇടിവ് ഓഹരി നേരിട്ടു. 240 രൂപ ടാർഗെറ്റ് വിലയോടെ മാൻ ഇൻഫ്രാസ്ട്രക്ചറിന് ആക്സിസ് സെക്യൂരിറ്റീസ് ഒരു 'ബൈ' റേറ്റിംഗ് നൽകിയിട്ടുണ്ട്.

2. എയറോഫ്ലെക്സ് ഇൻഡസ്ട്രീസ്

എൻഎസ്ഇയിൽ 191.20 രൂപ എന്നതാണ് നിലവിൽ എയറോഫ്ലെക്സ് ഇൻഡസ്ട്രീസ് ഓഹരിയുടെ വില. കഴിഞ്ഞ ഒരു മാസത്തിനിടെ 8.17 ശതമാനം വളർച്ച നേടാൻ ഓഹരിക്ക് സാധിച്ചു. 41.63 ശതമാനമാണ് ആറ് മാസത്തെ മുന്നേറ്റം. ഒരു വർഷത്തിനിടെ 26.20 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. ഐസിഐസിഐ ഡയറക്‌ട് അനലിസ്റ്റുകൾ എയ്‌റോഫ്ലെക്‌സ് ഇൻഡസ്‌ട്രീസിൽ 'വാങ്ങൽ' റേറ്റിംഗും ടാർഗെറ്റ് വില 230 രൂപയുമായി പോസിറ്റീവ് ആണ്.

3. വെൽസ്‌പൺ ലിവിംഗ്

എൻഎസ്ഇയിൽ 175.30 രൂപ എന്നതാണ് ഓഹരി വില. ആറ് മാസത്തിനിടെ 15.25 ശതമാനവും 2024-ൽ ഇതുവരെ 20.36 ശതമാനവും വളർച്ച നേടാൻ ഓഹരിക്ക് സാധിച്ചു. 47 ശതമാനമാണ് ഒരു വർഷത്തെ മുന്നേറ്റം. ഹെം സെക്യൂരിറ്റീസിന് വെൽസ്‌പൺ ലിവിംഗിൽ 207 രൂപ ടാർഗെറ്റ് വിലയുള്ള 'ബൈ' കോൾ ഉണ്ട്.

4. എൽ ആൻഡ് ടി ഫിനാൻസ്

188.05 രൂപ എന്നതാണ് എൽ ആൻഡ് ടി ഫിനാൻസിന്‍റെ നിലവിലെ ഓഹരി വില. കഴിഞ്ഞ ഒരു മാസത്തിനിടെ 10.06 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 12.03 ശതമാനം മുന്നേറ്റമാണ് 2024-ൽ ഇതുവരെ ഓഹരി നേടിയത്. ഐസിഐസിഐ ഡയറക്‌റ്റിന് എൽ ആൻഡ് ടി ഫിനാൻസ് ഓഹരിക്ക് ബൈ കോൾ നൽകിയിട്ടുണ്ട്. 225 രൂപയാണ് ടാർഗെറ്റ് വില.

5. എസ്കോർട്ട്സ് കുബോട്ട

എൻഎസ്ഇയിൽ 4,215 രൂപയാണ് ഓഹരിയുടെ വില. കഴിഞ്ഞ ഒരു മാസത്തിനിടെ 11.39 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 2024-ൽ ഇതുവരെ 42 ശതമാനം നേട്ടമുണ്ടാക്കാനും ഓഹരിക്ക് സാധിച്ചു. എസ്കോർട്ട്സ് കുബോട്ടയിൽ ഹെം സെക്യൂരിറ്റീസിന് 4,974 രൂപ ടാർഗെറ്റ് വിലയുള്ള 'ബൈ' റേറ്റിംഗ് ഉണ്ട്.

6. ബാങ്ക് ഓഫ് ബറോഡ

ബാങ്ക് ഓഫ് ബറോഡ ഓഹരിയിൽ 275 രൂപ ടാർഗെറ്റ് വിലയോടെ ഒരു 'ബൈ' റേറ്റിംഗ് ആക്‌സിസ് ഡയറക്റ്റിനുണ്ട്. 248.30 രൂപയാണ് എൻഎസ്ഇയിൽ ബാങ്ക് ഓഫ് ബറോഡ ഓഹരിയുടെ നിലവിലെ വില.

7. ഒബ്‌റോയ് റിയൽറ്റി

ഒബ്‌റോയ് റിയൽറ്റി ഓഹരികളിൽ ഹെം സെക്യൂരിറ്റീസ് അനലിസ്റ്റുകൾ പോസിറ്റീവ് ആണ്. 2,197 രൂപയാണ് ടാർഗെറ്റ് വില. 1,892.90 നിലവിലെ ഓഹരി വില.

8. എസ്ബിഐ

1030 രൂപ ടാർഗെറ്റ് വിലയോടെ എസ്ബിഐ ഓഹരി വാങ്ങാമെന്നാണ് ആക്‌സിസ് സെക്യൂരിറ്റീസ് പറയുന്നത്. 795.50 രൂപയാണ് നിലവിലെ ഓഹരി വില. അതായത് 29 ശതമാനത്തിലധികം വർധനവാണ് ടാർഗെറ്റ് വില സൂചിപ്പിക്കുന്നത്.

9. ചോളമണ്ഡലം ഇൻവെസ്റ്റ്‌മെൻ്റ്

1,780 രൂപ ടാർഗെറ്റ് വിലയോടെ ചോളമണ്ഡലം ഇൻവെസ്റ്റ്‌മെൻ്റ് ഓഹരികളിൽ ആക്‌സിസ് സെക്യൂരിറ്റിസിന് ഒരു 'ബൈ' കോൾ ഉണ്ട്.

10. എച്ച്‌സിഎൽടെക്

1,975 രൂപ ടാർഗെറ്റ് വിലയോടെ എച്ച്‌സിഎൽടെക് ഓഹരികൾക്ക് ആക്‌സിസ് സെക്യൂരിറ്റീസ് ഒരു 'ബൈ' റേറ്റിംഗ് നൽകിയിട്ടുണ്ട്. ഒക്‌ടോബർ ഒന്നിലെ കണക്കനുസരിച്ച് സ്റ്റോക്കിൽ 8.8 ശതമാനം ഉയർച്ച സാധ്യമാണ് ലക്ഷ്യം.

11. ഭാരതി എയർടെൽ

ആക്‌സിസ് സെക്യൂരിറ്റീസ് ഭാരതി എയർടെൽ ഓഹരികളിൽ 1,900 രൂപ ടാർഗെറ്റ് വിലയുള്ള 'ബൈ' കോൾ ഉണ്ട്.

12. അരബിന്ദോ ഫാർമ

1,730 രൂപ ടാർഗെറ്റ് വിലയോടെ അരബിന്ദോ ഫാർമ ഓഹരികളിൽ ആക്‌സിസ് സെക്യൂരിറ്റീസിന് 'ബൈ' റേറ്റിംഗ് ഉണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.