നിക്ഷേപത്തിലൂടെ തിളങ്ങാം, ഈ 3 ഓഹരികളെ ശ്രദ്ധിച്ചാൽ മതി, പട്ടികയിൽ കല്യാൺ ജ്വല്ലേഴ്‌സും

പിസി ജ്വല്ലർ , സെൻകോ ഗോൾഡ്, കല്യാൺ ജ്വല്ലേഴ്‌സ് തുടങ്ങിയ ലിസ്റ്റഡ് കമ്പനികളുടെ 2026 സാമ്പത്തിക വർഷത്തെ ഒന്നാം പാദത്തിലെ ഫലങ്ങൾക്കായി നിക്ഷേപകർ ആകാംക്ഷയോടെ കാത്തിരിക്കുകയാണ്. സ്വർണവിലയിൽ ചാഞ്ചാട്ടം പ്രകടമായിരുന്നിട്ടും അക്ഷയ തൃതീയ, മറ്റ് ഉത്സവകാലങ്ങൾ എന്നിവയിലെല്ലാം രാജ്യത്ത് റെക്കോർഡ് സ്വർണവിൽപ്പനയാണ് നടന്നത്. അതോടൊപ്പം കല്യാണ സീസണുകളിലെ വിൽപ്പനയും ഉയർന്നിട്ടുണ്ട്. അതുകൊണ്ടു തന്നെ ഏപ്രിൽ മുതൽ ജൂൺ വരെയുള്ള ബിസിനസ്സ് അപ്‌ഡേറ്റുകളിൽ മൂന്ന് കമ്പനികളും ശക്തമായ ഡിമാൻഡ് രേഖപ്പെടുത്തിയിട്ടുണ്ട്.

മുൻകാല പ്രകടനം

മൂന്ന് കമ്പനികളുടേയും മുൻകാല പ്രവർത്തനം മികച്ചതായിരുന്നു എന്നാണ് ഫിനോക്രാറ്റ് ടെക്നോളജീസിന്റെ സ്ഥാപകനും ഡയറക്ടറുമായ ഗൗരവ് ഗോയൽ പറയുന്നത്. എന്നാൽ റിസ്ക് എടുക്കാൻ വിമുഖതയുള്ള നിക്ഷേപകനെ സംബന്ധിച്ചിടത്തോളം, സെൻകോ ഗോൾഡ് കൂടുതൽ സന്തുലിതവും വിശ്വസനീയവുമായ തിരഞ്ഞെടുപ്പായി മാറും. കമ്പനി സ്ഥിരമായ വളർച്ചയും മെച്ചപ്പെട്ട മാർജിനുകളും കാണിക്കുകയും ബിസിനസ്സ് അപ്‌ഡേറ്റുകളിൽ സുതാര്യത പുലർത്തിക്കൊണ്ട് ബ്രാൻഡ് കെട്ടിപ്പടുക്കുന്നത് തുടരുകയും ചെയ്യുന്നുണ്ട് എന്നാണ് ഗൗരവ് ഗോയൽ വിലയിരുത്തുന്നത്.

സെൻകോ ഗോൾഡ് വരുമാനത്തിൽ 28 ശതമാനം വളർച്ച കൈവരിച്ചു. ഇതിൽ റീട്ടെയിൽ വരുമാനത്തിൽ 24 ശതമാനം വളർച്ചയും ഒരേ സ്റ്റോറിലെ വിൽപ്പനയിൽ 19 ശതമാനം വർധനവും ഉൾപ്പെടുന്നു. ഒമ്പത് പുതിയ ആഭരണശാലകൾ തുറക്കുകയും സെൻസ്, എവർലൈറ്റ് പോലുള്ള ഉപ ബ്രാൻഡുകളുടെ പോർട്ട്‌ഫോളിയോ വികസിപ്പിക്കുകയും ചെയ്തു.
വരുമാനത്തിൽ വളർച്ച

കല്യാൺ ജ്വല്ലേഴ്‌സ് മൊത്ത വരുമാനത്തിൽ 31 ശതമാനം വളർച്ച രേഖപ്പെടുത്തി. ഡിജിറ്റൽ രംഗത്ത് പ്രഥമ സ്ഥാനം വഹിക്കുന്ന കാൻഡെയറിന്‍റെ വളർച്ച കഴിഞ്ഞ വർഷത്തെ അപേക്ഷിച്ച് 67 ശതമാനം കൂടിയെന്നും കമ്പനി വ്യക്തമാക്കി. ഈ പാദത്തിൽ പുതിയ 19 ഷോറൂമുകളാണ് കല്യാൺ തുറന്നത്. കൂടാതെ ഈ വർഷം ഇന്ത്യയിലും അന്താരാഷ്ട്ര വിപണികളിലുമായി 170 പുതിയ ഷോറൂമുകൾ കൂടി തുറക്കാനുള്ള പദ്ധതിയുണ്ടെന്നും കമ്പനി വ്യക്തമാക്കി.

കഴിഞ്ഞ വർഷം ഇതേ കാലയളവിനെ അപേക്ഷിച്ച് ഏകദേശം 80 ശതമാനം വരുമാന വളർച്ചയാണ് പിസി ജ്വല്ലർ റിപ്പോർട്ട് ചെയ്തത്. വിവാഹത്തിനും ഉത്സവകാലത്തിനുമുള്ള ആവശ്യകതയാണ് ഈ വളർച്ചയ്ക്ക് കാരണമെന്ന് കമ്പനി പറഞ്ഞു. കുടിശ്ശികയുള്ള കടം കുറച്ചതായും 2026 സാമ്പത്തിക വർഷത്തിന്‍റെ അവസാനത്തോടെ കടബാധ്യതയിൽ നിന്ന് മുക്തമാകാനുള്ള പാതയിലാണെന്നും കമ്പനി അധികൃതർ വ്യക്തമാക്കി.

ഏത് ഓഹരി വാങ്ങണം..?

പാദഫലങ്ങൾ പുറത്ത് വരുന്നതിന് മുൻപ് നിക്ഷേപകർ ഏത് ഓഹരി വാങ്ങുന്നതാണ് നല്ലതെന്ന് നോക്കാം. ആനന്ദ് രതിയിലെ ടെക്നിക്കൽ റിസർച്ച് സീനിയർ മാനേജർ ഗണേഷ് ഡോംഗ്രെ മൂന്ന് ആഭരണ സ്റ്റോക്കുകളെയും വിലയിരുത്തുന്നു.

പി.സി. ജ്വല്ലർ

പിസി ജ്വല്ലർ ഓഹരി അടുത്തിടെ 12 രൂപ ലെവലിനു മുകളിൽ എത്തി. പ്രതിവാര ചാർട്ടിൽ 19 രൂപ എന്ന പുതിയ 52 ആഴ്ചയിലെ ഏറ്റവും ഉയർന്ന നിലയിലെത്തി . ഒരു ബുള്ളിഷ് എൻഗൾഫിംഗ് പാറ്റേണിന്‍റെ രൂപീകരണം ശക്തമായ ബുള്ളിഷ് ആക്കം വർദ്ധിപ്പിക്കുന്നതിനും തുടർച്ചയായ റാലിയുടെ സാധ്യതയ്ക്കും കൂടുതൽ ഉറപ്പ് നൽകുന്നു. എന്നിരുന്നാലും, ഓഹരി നിലവിൽ ഓവർബോട്ട് അവസ്ഥയിലാണ്. കൂടാതെ 20-22 രൂപ സോണിന് ചുറ്റും ഒരു കടുത്ത പ്രതിരോധം പ്രകടമാണ്. റാലിയുടെ അടുത്ത ഘട്ടത്തിന് ഈ പ്രതിരോധത്തിന് മുകളിലുള്ള ഒരു നിർണായക ബ്രേക്ക്ഔട്ട് ആവശ്യമാണ്.

സെൻകോ ഗോൾഡ്

വീക്കിലി ചാർട്ടിൽ സെൻകോ ഗോൾഡ് ഒരു ബുള്ളിഷ് എൻഗൾബിംഗ് പാറ്റേൺ രൂപപ്പെടുത്തിയിട്ടുണ്ട്. ഇത് കൂടുതൽ ഉയർച്ചയ്ക്കുള്ള സാധ്യതയെ സൂചിപ്പിക്കുന്ന ഒരു ക്ലാസിക് ബുള്ളിഷ് സിഗ്നലാണ്. പ്രധാന ഫിബൊനാച്ചി റീട്രേസ്‌മെന്റ് ലെവലുകളിൽ നിന്ന് ഓഹരി തിരിച്ചുവരുന്നതായി തോന്നുന്നു. ഇത് തുടർന്നും ഉയർച്ചയുടെ പാതയ്ക്കുള്ള സാധ്യതയെ പിന്തുണയ്ക്കുന്നു.

കല്യാൺ ജ്വല്ലേഴ്‌സ്

കല്യാൺ ജ്വല്ലേഴ്‌സ് പ്രതിമാസ ചാർട്ടിൽ 570 രൂപ മാർക്കിന് മുകളിൽ ഒരു പ്രധാന ട്രെൻഡ്‌ലൈൻ ബ്രേക്ക്ഔട്ട് കണ്ടു. ഇത് ശക്തമായ ഒരു മുന്നേറ്റത്തിനുള്ള സാധ്യതയെ സൂചിപ്പിക്കുന്നു. ഹ്രസ്വകാലത്തേക്ക് ആർഎസ്ഐ പോലുള്ള സാങ്കേതിക സൂചകങ്ങൾ ശക്തി കാണിക്കുന്നു. ഇത് ബുള്ളിഷ് വികാരത്തെ കൂടുതൽ പിന്തുണയ്ക്കുന്നു. മൊത്തത്തിലുള്ള ഘടന കണക്കിലെടുക്കുമ്പോൾ നിക്ഷേപകർക്ക് "ബൈ ഓൺ ഡിപ്സ്" തന്ത്രം സ്വീകരിക്കാം.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.