വിലയിൽ വീണ്ടും അർധസെഞ്ച്വറി കടന്ന് സുസ്ലോൺ, ഓഹരി ഉടൻ വാങ്ങിയാൽ ലാഭം കീശയിലാക്കാം, തയ്യാറല്ലേ...

2030 ഓടെ 500 ജിഗാവാട്ട് പുനരുപയോഗ ഊർജ ഉൽപ്പാദനം കൈവരിക്കുകയെന്നതാണ് കേന്ദ്ര സർക്കാർ ലക്ഷ്യം. ഇന്ത്യയുടെ പുനരുപയോഗ ഊർജ മേഖല 20.8 ലക്ഷം കോടി രൂപയുടെ നിക്ഷേപം ആകർഷിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. അതുകൊണ്ടു തന്നെ ഈ മേഖലയുമായി ബന്ധപ്പെട്ട ഓഹരികളിലെല്ലാം കുതിപ്പ് കാണാൻ സാധിക്കും.

കാറ്റ് ടർബൈൻ നിർമ്മാതാക്കളായ സുസ്ലോൺ എനർജി ലിമിറ്റഡിൻ്റെ ഓഹരികൾ വ്യാഴാഴ്ച വിപണിയുടെ ആദ്യ സെഷനിൽ തന്നെ മികച്ച നേട്ടമാണ് ഉണ്ടാക്കിയത്. ഏകദേശം 5 ശതമാനത്തോളം ഓഹരി ഉയർന്നു. അതോടെ ഓഹരിയുടെ വില വീണ്ടും 50 രൂപയ്ക്ക് മുകളിലേക്ക് ഉയർന്നു. എന്താണ് കുതിപ്പിന് കാരണമെന്നും ഓഹരിയുടെ നിലവിലെ പ്രവർത്തനം എങ്ങനെയാണെന്നും നോക്കാം.

കുതിപ്പിന് കാരണം

ഓഹരിയിൽ നടന്ന ഒരു ബ്ലോക്ക് ഡീലിനെ തുടർന്നാണ് ഓഹരിയുടെ മുന്നേറ്റം. എക്സ്ചേഞ്ചുകളിൽ ലഭ്യമായ കണക്കുകൾ പ്രകാരം വ്യാഴാഴ്ച നടന്ന ബ്ലോക്ക് ഇടപാടിൽ സുസ്ലോൺ എനർജിയുടെ 3.7 കോടി ഓഹരികൾ കൈ മാറി. കമ്പനിയുടെ മൊത്തം ഇക്വിറ്റിയുടെ 0.3% ആണ് ട്രേഡ് ചെയ്ത ഷെയറുകളുടെ എണ്ണം.

സുസ്ലോണിൻ്റെ ബ്ലോക്ക് ഇടപാടിൻ്റെ മൊത്തം ഇടപാട് മൂല്യം 179 കോടി രൂപയായിരുന്നു. ഇടപാടിലെ വാങ്ങുന്നവരെയും വിൽക്കുന്നവരെയും സംബന്ധിച്ച കൂടുതൽ വിവരങ്ങൾ പുറത്ത് വന്നിട്ടില്ല.

ഓഹരി വിപണിയിലെ പ്രകടനം

നിലവിൽ എൻഎസ്ഇയിൽ 50.70 രൂപ എന്നതാണ് സുസ്ലോൺ എനർജി ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 1.91 ശതമാനവും ഒരു മാസത്തിനിടെ 15.10 ശതമാനവും നേട്ടമുണ്ടാക്കാൻ ഓഹരിക്ക് സാധിച്ചു. സുസ്ലോണിൻ്റെ ഓഹരികൾ തുടർച്ചയായി മൂന്ന് മാസം നേട്ടമുണ്ടാക്കി. മെയ് മാസത്തിൽ 15 ശതമാനവും ഏപ്രിലിൽ 3 ശതമാനവും നേട്ടമുണ്ടാക്കിയ സ്റ്റോക്ക് ജൂണിൽ 6.5 ശതമാനം ഉയർന്നു.

2024-ൽ ഇതുവരെ സ്റ്റോക്ക് 33% ഉയർന്നു. 255.79 ശതമാനം വളർച്ചയാണ് കഴിഞ്ഞ ഒരു വർഷത്തിനിടെ ഓഹരി നേടിയത്. 52.10 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 13.25 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

സുസ്ലോണിൽ കവറേജ് ഉള്ള അഞ്ച് അനലിസ്റ്റുകൾക്കും സ്റ്റോക്കിൽ "വാങ്ങൽ" റേറ്റിംഗ് ഉണ്ട്. ഐസിഐസിഐ സെക്യൂരിറ്റീസ് സ്റ്റോക്കിൻ്റെ ഏറ്റവും ഉയർന്ന വില ലക്ഷ്യം 60 രൂപയായി കണക്കാക്കുന്നു. അതേസമയം ജെഎം ഫിനാൻഷ്യൽ, നുവാമ ഇൻസ്റ്റിറ്റ്യൂഷണൽ ഇക്വിറ്റീസ് എന്നിവയ്ക്കും യഥാക്രമം 54 രൂപയും 53 രൂപയും ടാർഗെറ്റ് വിലയുള്ള ഓഹരിയിൽ 'വാങ്ങുക' ശുപാർശയുണ്ട്.

സുസ്ലോൺ എനർജി ലിമിറ്റഡ്

ഹരിതോർജ്ജ മേഖലയിൽ പ്രവർത്തിക്കുന്ന കമ്പനി, വിവിധ ശേഷികളിലുള്ള വിൻഡ് ടർബൈൻ ജനറേറ്ററുകൾ, അനുബന്ധ ഘടകങ്ങൾ എന്നിവയുടെ നിർമാണം നടത്തുന്നു. ഈ മേഖലയിൽ 27% വിപണി വിഹിതമുള്ള കമ്പനിയാണിത്. ഏഷ്യ, ആഫ്രിക്ക, ആസ്ട്രേലിയ,യൂറോപ്പ്, അമേരിക്ക എന്നീ ഭൂഖണ്ഡങ്ങളിലെ ഏകദേശം 17 രാജ്യങ്ങളിൽ കമ്പനിക്ക് ബിസിനസ് സാന്നിദ്ധ്യമുണ്ട്.

ഈ മാസമാദ്യം സ്വതന്ത്ര ഡയറക്ടർമാരിൽ ഒരാളായ മാർക്ക് ദെസാഡെലീർ രാജിവച്ചതിനെത്തുടർന്ന് കമ്പനിയുടെ കോർപ്പറേറ്റ് ഭരണരീതികൾ വിലയിരുത്താൻ ഇന്ത്യയിലെ ഒരു പ്രമുഖ നിയമ സ്ഥാപനമായ ഖൈതാൻ ആൻഡ് കോയെ നിയമിക്കുമെന്ന് സുസ്ലോൺ എനർജി കഴിഞ്ഞ ആഴ്ച പ്രഖ്യാപിച്ചിരുന്നു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.