1 ഓഹരിയിൽ 450 രൂപ ലാഭം നേടാം, പതഞ്ജലി ഫുഡ്‌സ് കുതിച്ചുയരുമെന്ന് ബ്രോക്കറേജ്, നോക്കുന്നോ..?

യോഗ ഗുരു ബാബ രാംദേവും പതഞ്ജലി ഫുഡ്‌സും പലപ്പോഴും വാർത്തകളിൽ നിറഞ്ഞു നിൽക്കാറുണ്ട്. നിക്ഷേപകരെ സംബന്ധിച്ചിടത്തോളം വരും ദിവസങ്ങളിൽ പ്രത്യേക ശ്രദ്ധ നൽകേണ്ട ഓഹരികളിലൊന്നാണ് പതഞ്ജലി ഫുഡ്‌സ്. പതഞ്ജലി ഫുഡ്‌സ് ഓഹരി വരും ദിവസങ്ങളിൽ വലിയ കുതിപ്പ് നടത്താനുള്ള സാധ്യതയുണ്ടെന്നാണ് ബ്രോക്കറേജുകൾ വിലയിരുത്തുന്നത്. അതുകൊണ്ടു തന്നെ ഓഹരിയുടെ കൂടുതൽ വിശദാംശങ്ങൾ നമുക്ക് പരിശോധിക്കാം.

ഓഹരി വിപണിയിലെ പ്രകടനം

എൻഎസ്ഇയിൽ 1,815.50 രൂപ എന്നതാണ് നിലവിൽ പതഞ്ജലി ഫുഡ്‌സ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 0.36 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 13.87 ശതമാനമാണ് ഒരു മാസത്തെ മുന്നേറ്റം. ആറ് മാസത്തിനിടെ 9 ശതമാനം വളർച്ച കൈവരിക്കാനും ഓഹരിക്ക് സാധിച്ചു. 2024-ൽ ഇതുവരെ 15.83 ശതമാനം വളർച്ചയാണ് ഓഹരി നേടിയത്.

കഴിഞ്ഞ ഒരു വർഷത്തിനിടെ 39.23 ശതമാനം നേട്ടമുണ്ടാക്കാനും പതഞ്ജലി ഫുഡ്‌സ് ഓഹരിക്ക് സാധിച്ചു. 1,845 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 1,169.95 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

ഭക്ഷ്യ എണ്ണ ബിസിനസിൽ പാം ഓയിൽ പ്ലാൻ്റേഷൻ പദ്ധതികളിൽ നിന്ന് നേട്ടമുണ്ടാക്കാൻ കമ്പനി തയ്യാറാണെന്ന് കഴിഞ്ഞ ദിവസം വ്യക്തമാക്കിയിരുന്നു. ഇത് വലിയ നേട്ടമുണ്ടാക്കാൻ സഹായിക്കുമെന്നാണ് ബ്രോക്കറേജ് സ്ഥാപനമായ സിസ്റ്റംമാറ്റിക്സ് വിലയിരുത്തുന്നത്. ഫുഡ്സ് ബിസിനസ്സിലെ ശക്തമായ പ്രീമിയം ഡ്രൈവ് പ്രയോജനപ്പെടുത്താൻ പതഞ്ജലി നോക്കുന്നുണ്ടെന്നും അത് കൂട്ടിച്ചേർത്തു.

വലിയ വിതരണ വിപുലീകരണവും ഉപഭോക്താക്കളോടുള്ള വിശ്വാസ്യതയും പ്രതിബദ്ധതയും മെച്ചപ്പെടുത്തുന്നതിന് മാനേജ്‌മെൻ്റ് കൈക്കൊള്ളുന്ന നടപടികളും വളർച്ചയെ സഹായിക്കുമെന്നും ബ്രോക്കറേജ് വിലയിരുത്തുന്നു.

ടാർഗെറ്റ് വില

പതഞ്ജലി ഫുഡ്‌സിന് 2,259 രൂപയുടെ ഒരു വാങ്ങൽ റേറ്റിംഗ് സിസ്റ്റംമാറ്റിക്‌സ് ആരംഭിച്ചിട്ടുണ്ട്. അതായത് നിലവിലെ വിപണി വിലയായ 1,815.50 രൂപയിൽ നിന്ന് 450 രൂപ വർധനവ്.

ഡിവിഡൻ്റ് ചരിത്രം

പതഞ്ജലി ഫുഡ്‌സ് ഓഹരികൾക്ക് രണ്ട് രൂപ വീതം മുഖവിലയുണ്ട്. ഈ വർഷം മാർച്ചിൽ കമ്പനി ഓരോ ഓഹരിക്കും 300 ശതമാനം അല്ലെങ്കിൽ 6 രൂപ ലാഭവിഹിതം വിതരണം ചെയ്തിരുന്നു. 2023ലും എഫ്എംസിജി കമ്പനി നിക്ഷേപകർക്ക് 6 രൂപ ലാഭവിഹിതം നൽകിയിരുന്നു. 2022-ൽ പതഞ്ജലി ഫുഡ്‌സ് ഓരോ സ്റ്റോക്കിൻ്റെയും ഓഹരി ഉടമകൾക്ക് ലാഭവിഹിതമായി 5 രൂപ നൽകിയിരുന്നു.

വിപണി നേരിയ നേട്ടത്തിൽ

ആഭ്യന്തര വിപണി തിങ്കളാഴ്ച വ്യാപാരം അവസാനിപ്പിച്ചത് ഫ്ലാറ്റായാണ്. സെൻസെക്സ് 12.16 പോയിൻ്റ് അഥവാ 0.02 ശതമാനം ഇടിഞ്ഞ് 80,424.68 ലും നിഫ്റ്റി 31.50 പോയിൻ്റ് അഥവാ 0.13 ശതമാനം ഉയർന്ന് 24,572.65 ലും ക്ലോസ് ചെയ്തു.

സെൻസെക്സിൽ മഹീന്ദ്ര ആൻഡ് മഹീന്ദ്ര, ഇൻഡസ്ഇൻഡ് ബാങ്ക്, ഭാരതി എയർടെൽ, ആക്‌സിസ് ബാങ്ക്, ടാറ്റ മോട്ടോഴ്‌സ്, ഐസിഐസിഐ ബാങ്ക് ഓഹരികൾ ഇടിഞ്ഞു. ടാറ്റ സ്റ്റീൽ, ടാറ്റ കൺസൾട്ടൻസി സർവീസസ്, എൻടിപിസി, ജെഎസ്ഡബ്ല്യു സ്റ്റീൽ, ഏഷ്യൻ പെയിൻ്റ്‌സ്, റിലയൻസ് ഇൻഡസ്ട്രീസ് ഓഹരികൾ നേട്ടത്തിലാണ് ക്ലോസ് ചെയ്തത്.

സെക്ടറൽ സൂചികകളിൽ ഓട്ടോയും ബാങ്കും ഒഴികെയുള്ള മറ്റെല്ലാ സൂചികകളും നേട്ടത്തോടെയാണ് ക്ലോസ് ചെയ്തത്. നിഫ്റ്റി ഐടി, മെറ്റൽ, ഓയിൽ ആൻഡ് ഗ്യാസ്, പവർ, ടെലികോം, മീഡിയ സൂചികകൾ 0.5-2 ശതമാനം വരെ ഉയർന്നു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.