ലാഭവിഹിതം നോക്കി നിക്ഷേപിക്കാം, ഉയർന്ന ലാഭവിഹിതമുള്ള ടാറ്റ ഗ്രൂപ്പ് ഓഹരികൾ ഇതാണ്, നോക്കുന്നോ

ഓഹരി നിക്ഷേപത്തിലെ ആകർഷക ഘടകങ്ങളിൽ ഒന്നാണ് ലാഭവിഹിതം അഥവാ ഡിവിഡന്‍റ്. ഇന്ത്യയിലെ പല കമ്പനികളും നിക്ഷേപകർക്ക് ലാഭവിഹിതം നൽകി വരുന്നു. കമ്പനിയുടെ വരുമാനത്തിൻ്റെ ഒരു ഭാഗം അതിൻ്റെ ഷെയർഹോൾഡർമാർക്ക് വിതരണം ചെയ്യുക എന്നതാണ് ഇതുകൊണ്ട് ഉദ്ദേശിക്കുന്നത്. സാധാരണയായി പണമായോ അധിക ഓഹരികളുടെ രൂപത്തിലോ ആണ് കമ്പനികൾ ലാഭവിഹിതം നൽകുക. ഓഹരി നിക്ഷേപത്തിലെ നേട്ടത്തിനൊപ്പം സ്ഥിരമായി വരുമാനം നേടാനും ഇത് നിക്ഷേപകരെ സഹായിക്കുന്നു.

കഴിഞ്ഞ ഒരു വർഷത്തിനിടെ ഉയർന്ന ലാഭവിഹിതം നൽകിയ ടാറ്റാ കമ്പനികളുടെ പട്ടിക പരിശോധിക്കാം.

1. ടാറ്റ സ്റ്റീൽ

ഇന്ത്യയിലെ മുൻനിര സ്റ്റീൽ നിർമ്മാണ കമ്പനികളിലൊന്നാണ് ടാറ്റ സ്റ്റീൽ. ടാറ്റ സ്റ്റീൽ നിക്ഷേപകർക്ക് ലാഭവിഹിതം നൽകുന്നതിൽ സ്ഥിരമായ ട്രാക്ക് റെക്കോർഡുള്ള കമ്പനിയാണ്. ആദ്യ ബോണസ് ഇഷ്യു വർഷം മുതൽ, നിക്ഷേപകർക്ക് ഒരു ഓഹരിക്ക് 299.35 രൂപ ലാഭവിഹിതമായി നൽകിയിട്ടുണ്ട്.

2023-ൽ കമ്പനി ഒരു ഓഹരിക്ക് 3.60 രൂപ ലാഭവിഹിതം നൽകി. ഏറ്റവും ഉയർന്ന ഡിവിഡൻ്റ് പേഔട്ട് 2022-ൽ ആയിരുന്നു.ഓഹരി വിഭജിക്കുന്ന സമയത്ത് ഒരു ഷെയറിന് 51 രൂപയാണ് ലാഭവിഹിതമായി നൽകിയത്.

2. ടാറ്റ കൺസൾട്ടൻസി സർവീസസ്

ഇന്ത്യയിലെ ഏറ്റവും വലിയ ഐടി കമ്പനിയാണ് ടാറ്റ കൺസൾട്ടൻസി സർവീസസ് ലിമിറ്റഡ് അഥവാ ടിസിഎസ്. കഴിഞ്ഞ 12 മാസത്തിനിടെ ഐടി ഭീമൻ ഓരോ ഓഹരിക്കും 64 രൂപ ലാഭവിഹിതം നൽകി. നിലവിൽ, ടിസിഎസ് 1.41 ശതമാനം ലാഭവിഹിതമാണ് നൽകുന്നത്.

3. ടാറ്റ കെമിക്കൽസ്

രാസവസ്തുക്കൾ, വിള സംരക്ഷണം, സ്പെഷ്യാലിറ്റി കെമിസ്ട്രി ഉൽപ്പന്നങ്ങൾ എന്നിവയിൽ താൽപ്പര്യമുള്ള ഒരു ബഹുരാഷ്ട്ര കോർപ്പറേഷനാണ് ടാറ്റ കെമിക്കൽസ്. മുംബൈ ആസ്ഥാനമായി പ്രവർത്തിക്കുന്ന കമ്പനി എസ് ആൻ്റ് പി ബിഎസ്ഇ 500 ൻ്റെ ഒരു ഘടകമാണ്.

കഴിഞ്ഞ 12 മാസങ്ങളിൽ കമ്പനി ഓരോ സ്റ്റോക്കിനും 15 രൂപ ലാഭവിഹിതം നൽകി. ടാറ്റ കെമിക്കൽസിൻ്റെ ഓഹരികൾക്ക് 1.36 ശതമാനം ലാഭവിഹിതമാണ് നൽകുന്നത്.

4. ടാറ്റ ഇൻവെസ്റ്റ്‌മെൻ്റ് കോർപ്പറേഷൻ

ടാറ്റ ഇൻവെസ്റ്റ്‌മെൻ്റ് കോർപ്പറേഷൻ എസ് ആൻ്റ് പി ബിഎസ്ഇ 500 ൻ്റെ ഒരു ഘടകമാണ്. കഴിഞ്ഞ 12 മാസങ്ങളിൽ ഓരോ സ്റ്റോക്കിനും 28 രൂപ ലാഭവിഹിതം നൽകി. കമ്പനിക്ക് 0.43 ശതമാനം ലാഭവിഹിതം ഉണ്ട്.

5. ടാറ്റ മോട്ടോഴ്‌സ്

രാജ്യത്തെ ഏറ്റവും വലിയ വാഹന നിർമാതാക്കളിലൊന്നാണ് ടാറ്റ മോട്ടോർസ് ലിമിറ്റഡ്. കഴിഞ്ഞ 12 മാസത്തിനുള്ളിൽ വാഹന നിർമ്മാതാവ് ഓരോ സ്റ്റോക്കിനും 6 രൂപ ലാഭവിഹിതം നൽകി. 0.30 ശതമാനമാണ് ലാഭവിഹിതം.

6. നെൽകോ

ടെലികോം രംഗത്ത് ആവശ്യമായ ഉപകരണങ്ങള്‍ നിര്‍മിക്കുന്ന കമ്പനിയാണ് നെല്‍കോ ലിമിറ്റഡ്. സുരക്ഷാ സംവിധാനം സജ്ജീകരിക്കാനും നിരീക്ഷണത്തിനുമുള്ള ഐടി അധിഷ്ടിത ശൃംഖല രൂപീകരിക്കാനുളള സാമഗ്രികളുടെ നിര്‍മാണത്തിലാണ് ശ്രദ്ധ കേന്ദ്രീകരിച്ചിരിക്കുന്നത്. കഴിഞ്ഞ 12 മാസങ്ങളിൽ കമ്പനി ഓരോ ഓഹരിക്കും 2.2 രൂപ ലാഭവിഹിതം നൽകി.

7. ഇന്ത്യൻ ഹോട്ടൽസ്

ഇന്ത്യൻ ഹോട്ടൽസ് കമ്പനി ലിമിറ്റഡ് ഹോട്ടലുകൾ, റിസോർട്ടുകൾ, ജംഗിൾ സഫാരികൾ, കൊട്ടാരങ്ങൾ, സ്പാകൾ, ഇൻ-ഫ്ലൈറ്റ് കാറ്ററിംഗ് സേവനങ്ങൾ എന്നിവയുടെ ഒരു പോർട്ട്ഫോളിയോ കൈകാര്യം ചെയ്യുന്നു. കഴിഞ്ഞ 12 മാസങ്ങളിൽ ഓരോ സ്റ്റോക്കിനും 1.75 രൂപ ലാഭവിഹിതം നൽകി.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.