ടാറ്റാ മോട്ടോഴ്‌സ് ആഭ്യന്തര വാഹന വിൽപ്പനയിൽ വീണ്ടും ഇടിവ്

ടാറ്റാ മോട്ടോഴ്‌സ് നവംബറിൽ ആഭ്യന്തര വിൽപ്പനയിൽ 25 ശതമാനം ഇടിവ് രേഖപ്പെടുത്തി. നവംബറിൽ 38,057 യൂണിറ്റ് വിൽപ്പന നടന്നതായാണ് ടാറ്റ മോട്ടോഴ്‌സ് ബി‌എസ്‌ഇ റെഗുലേറ്ററി ഫയലിംഗിൽ അറിയിച്ചിരിക്കുന്നത്. കഴിഞ്ഞ വർഷം നവംബറിൽ 50,470 യൂണിറ്റ് വിൽപ്പന നടന്നിരുന്നു. കയറ്റുമതി ഉൾപ്പെടെയുള്ള മൊത്തം വിൽപ്പന ഇത്തവണ 25 ശതമാനം ഇടിഞ്ഞ് 41,124 യൂണിറ്റായി.

അവലോകന കാലയളവിൽ കമ്പനി 27,657 വാണിജ്യ വാഹനങ്ങളാണ് വിറ്റഴിച്ചിരിക്കുന്നത്. ഒരു വർഷം മുമ്പ് 33,488 യൂണിറ്റ് വിൽപ്പന നടത്തിയതിൽ നിന്ന് 17 ശതമാനം ഇടിവാണ് ഇത്തവണ രേഖപ്പെടുത്തിയിരിക്കുന്നത്.. വാണിജ്യ വാഹനങ്ങളുടെ കയറ്റുമതി 34 ശതമാനം ഇടിഞ്ഞ് 2,931 യൂണിറ്റായി.

ടാറ്റാ മോട്ടോഴ്‌സ് ആഭ്യന്തര വാഹന വിൽപ്പനയിൽ വീണ്ടും ഇടിവ്

ബി‌എസ്-6 വാഹനങ്ങളിലേയ്ക്കുള്ള ക്രമാനുഗത മാറ്റത്തിനാണ് കമ്പനി ഇപ്പോൾ ശ്രദ്ധ കേന്ദ്രീകരിച്ചിരിക്കുന്നതെന്നും നവംബറിലെ ചില്ലറ വിൽപ്പന, മൊത്തവ്യാപാരത്തേക്കാൾ 10 ശതമാനത്തിലധികം വർദ്ധനവ് രേഖപ്പെടുത്തിയിട്ടുണ്ടെന്നും ടാറ്റാ മോട്ടോഴ്‌സിന്റെ കൊമേഴ്‌സ്യൽ വെഹിക്കിൾസ് ബിസിനസ് യൂണിറ്റ് പ്രസിഡന്റ് ഗിരീഷ് വാഗ് പറഞ്ഞു. കഴിഞ്ഞ മാസത്തെ അപേക്ഷിച്ച് ഇടത്തരം, വാണിജ്യ വാഹന വിൽപ്പനയിൽ 23.6 ശതമാനം വർധനയുണ്ടായിട്ടുണെന്നും അദ്ദേഹം പറഞ്ഞു.

പാസഞ്ചർ വാഹനങ്ങളുടെ വിൽപ്പനയിലും സാരമായ ഇടിവ് ഉണ്ടായിട്ടുണ്ട്. കഴിഞ്ഞ മാസം വിൽപ്പന 39 ശതമാനം ഇടിഞ്ഞ് 10,400 യൂണിറ്റായി കുറഞ്ഞു. പ്രോത്സാഹജനകമായ ഉത്സവ കാലയളവിനുശേഷമാണ് നവംബറിൽ വ്യവസായം കുത്തനെ ഇടിഞ്ഞതെന്നും ബിഎസ് 6 പരിവർത്തനത്തിന് കമ്പനി തയ്യാറെടുക്കുകയാണെന്നും വിൽപ്പന പ്രകടനത്തെക്കുറിച്ച് ടാറ്റാ മോട്ടോഴ്‌സ് പാസഞ്ചർ വെഹിക്കിൾസ് ബിസിനസ് യൂണിറ്റ് പ്രസിഡന്റ് മായങ്ക് പരീക്ക് പറഞ്ഞു. 

ടാറ്റാ മോട്ടോഴ്സും ഡീസൽ കാർ നിർമ്മാണം അവസാനിപ്പിക്കുന്നു