നഷ്ടത്തിന് ടാറ്റാ, മുന്നേറ്റത്തിന് തയ്യാറെടുത്ത് ടാറ്റാ ഗ്രൂപ്പ് ഓഹരി, ടാർഗെറ്റ് വില ഉയർത്തി ജെഫറീസ്

ഉരുക്ക് മനസുള്ളവർക്ക് മാത്രമേ ഓഹരി വിപണിയിൽ നിന്നും നേട്ടമുണ്ടാക്കാൻ സാധിക്കുകയുള്ളു എന്ന് പൊതുവിൽ പറയാറുണ്ട്. കാരണം വേറെ ഒന്നുമല്ല. ചിലപ്പോൾ പ്രതീക്ഷിച്ച ലാഭം ഓഹരി വിപണിയിൽ നിന്നും ലഭിച്ചേക്കില്ല. ചിലപ്പോൾ വലിയ നഷ്ടം സംഭവിക്കാം. അങ്ങനെ നഷ്ടം സംഭവിക്കുമ്പോഴോ പ്രതീക്ഷിച്ച ലാഭം ലഭിക്കാതിരിക്കുമ്പോഴോ മനസ് മടുക്കാതെ വീണ്ടും പൊരുതാൻ സാധിക്കണം. കൃത്യമായ നിരീക്ഷണം, പഠനം എന്നിവയാണ് വിപണിയിൽ നിന്നും ലാഭമുണ്ടാക്കാനുള്ള ഏക മാർഗം.

ബ്രോക്കറേജുകളുടെ നിർദ്ദേശങ്ങൾ പരിഗണിക്കുന്നതും നല്ലതാണ്. ഏത് ഓഹരി വാങ്ങിയാൽ ലാഭമുണ്ടാകുമെന്ന ബ്രോക്കറേജ് നിർദ്ദേശത്തോടൊപ്പം നമ്മുടെ നിരീക്ഷണവും ചേർത്ത് വിശകലനം ചെയ്ത് ഓഹരി വാങ്ങാം. ടാറ്റാ സ്റ്റീലിന്‍റെ ഓഹരി വരും നാളുകളിൽ ബുള്ളിഷ് വികാരത്തിലേക്കെത്താനുള്ള സാധ്യതയുണ്ടെന്നാണ് ബ്രോക്കറേജ് സ്ഥാപനമായ ജെഫറീസ് പറയുന്നത്. അത് എന്ത് കൊണ്ടാണെന്നും ടാറ്റാ സ്റ്റീലിന്‍റെ നിലവിലെ ഓഹരി വില എന്താണെന്നും നമുക്ക് പരിശോധിക്കാം.

അംഗുൽ എനർജിയുമായി ലയനം

അംഗുൽ എനർജിയെ ടാറ്റാ സ്റ്റീലുമായി ലയിപ്പിക്കാനുള്ള നടപടി ക്രമങ്ങൾ കമ്പനി നേരത്തെ ആരംഭിച്ചിരുന്നു. ലയനത്തിനുള്ള അനുമതി നാഷണൽ കമ്പനി ലോ ട്രൈബ്യൂണൽ (എൻസിഎൽടി) നൽകിയെന്നാണ് ഏപ്രിൽ 18-ന് ടാറ്റാ ഗ്രൂപ്പ് വ്യക്തമാക്കുന്നത്. 20230ഓടെ ഇന്ത്യയിലെ സ്റ്റീല്‍ ഉല്‍പ്പാദനം 40 മില്യണ്‍ ടണ്ണായി ഉയര്‍ത്താൻ നേരത്തെ ടാറ്റ തീരുമാനിച്ചിരുന്നു. എന്തായാലും ലയനത്തോടെ ടാറ്റാ സ്റ്റീലിന്‍റെ ഓഹരിയിലും വലിയ കുതിപ്പുണ്ടാകാനാണ് സാധ്യത.

23 ശതമാനം വളർച്ച പ്രവചിച്ച് ജെഫറീസ്

ടാറ്റാ സ്റ്റീലിന്‍റെ ഓഹരിയിൽ വരും ദിവസങ്ങളിൽ മുന്നേറ്റത്തിനുള്ള സാധ്യതയുണ്ടെന്നാണ് ബ്രോക്കറേജ് സ്ഥാപനമായ ജെഫറീസ് വ്യക്തമാക്കുന്നത്. അതുകൊണ്ടു തന്നെ ടാർഗെറ്റ് വില 200 രൂപയായി നിശ്ചയിച്ച് ടാറ്റാ സ്റ്റീൽ ഓഹരി വാങ്ങാമെന്നാണ് ബ്രോക്കറേജ് ശുപാർശ. നിലവിലെ വിലയുമായി താരതമ്യം ചെയ്യുമ്പോൾ ഏകദേശം 23 ശതമാനത്തിന്‍റെ വളർച്ച.

നിലവിലെ ഓഹരി വില

162.80 രൂപ എന്ന നിലയിലാണ് ടാറ്റാ സ്റ്റീൽ ഓഹരി വില. 1 മാസത്തിനിടെ 7.14 ശതമാനം ഉയരാൻ ഓഹരിക്ക് സാധിച്ചു. ആറ് മാസത്തിനിടെ കമ്പനിയുടെ ഓഹരികൾ 35 ശതമാനം ഉയർന്നു. 52.21 ശതമാനം ലാഭമാണ് കഴിഞ്ഞ ഒരു വർഷം കൊണ്ട് നിക്ഷേപകർക്ക് ടാറ്റാ സ്റ്റീൽ ഓഹരി നൽകിയത്.

169.75 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 104.10 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില. ബിഎസ്ഇ വെബ്‌സൈറ്റ് പ്രകാരം ഏപ്രിൽ 21 വരെ കമ്പനിയുടെ വിപണി മൂല്യം 2,02,356.61 കോടി രൂപയാണ്.

ഡിവിഡൻ്റ് ചരിത്രം

ടാറ്റ സ്റ്റീലിൻ്റെ ഓഹരിയുടെ നിലവിലെ മുഖവില ഒരു ഓഹരിക്ക് 1 രൂപയാണ്. കഴിഞ്ഞ അഞ്ച് വർഷമായി കമ്പനി തുടർച്ചയായി ലാഭവിഹിതം നൽകിവരുന്നു. 2023-ൽ കമ്പനി ജൂണിൽ ഒരു ഓഹരിക്ക് 3.6 രൂപ ലാഭവിഹിതം നൽകി. 2022-ൽ, ജൂണിൽ നൽകിയ ലാഭവിഹിതം 51 രൂപയാണ്. 201-ൽ 25 രൂപയും 2020-ൽ 10 രൂപയുമാണ് ടാറ്റാ സ്റ്റീൽ നൽകിയ ലാഭ വിഹിതം. 2019-ൽ ഒരു ഓഹരിക്ക് 13 രൂപ ലാഭവിഹിതവും ടാറ്റ സ്റ്റീൽ നൽകി.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.