ഒരു മാസത്തിനിടെ 6% ഇടിഞ്ഞ് ടാറ്റാ ഓഹരി, ഇന്നും ക്ലോസിംഗ് നഷ്ടത്തിൽ തന്നെ, ബ്രോക്കറേജ് വിലയിരുത്തൽ അറിയാം

ഏപ്രിൽ-ജൂൺ പാദഫലം പുറത്ത് വന്നതിന് പിന്നാലെ ടാറ്റാ ഓഹരി ഇടിഞ്ഞു. വ്യാഴാഴ്ച ആദ്യ സെഷനിൽ തന്നെ ഏകദേശം മൂന്ന് ശതമാനത്തോളം ഇടിവാണ് ഓഹരി നേരിട്ടത്. എന്നാൽ പിന്നീട് നില മെച്ചപ്പെടുത്തി. കമ്പനിയുടെ പ്രവർത്തനങ്ങളിൽ നിന്നുള്ള വരുമാനം 2025 സാമ്പത്തിക വർഷത്തിന്‍റെ ആദ്യ പാദത്തിൽ 8 ശതമാനം ഇടിഞ്ഞ് 54,771 കോടി രൂപയായി. ബ്രോക്കറേജ് സ്ഥാപനങ്ങൾ ഓഹരിയിൽ വ്യത്യസ്ത വിലയിരുത്തലുകളാണ് നടത്തുന്നത്. വിശദമായി അറിയാം.

ഓഹരി വില

എൻഎസ്ഇയിൽ 163.07 രൂപ എന്നതാണ് നിലവിൽ ടാറ്റാ സ്റ്റീൽ ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 1.98 ശതമാനം വളർച്ച മാത്രമാണ് ഓഹരിക്ക് നേടാനായത്. ഒരു മാസത്തിനിടെ 6.32 ശതമാനം ഇടിവും ഓഹരി നേരിട്ടു. ആറ് മാസത്തിനിടെ 20 ശതമാനം വളർച്ചയാണ് ഓഹരി നേടിയത്. 16.60 ശതമാനമാണ് 2024-ലെ വളർച്ച.

കഴിഞ്ഞ ഒരു വർഷത്തിനിടെ 32.36 ശതമാനം വളർച്ച നേടാൻ മാത്രമേ ടാറ്റാ സ്റ്റീൽ ഓഹരിക്ക് സാധിച്ചു. 184.60 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 114.60 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ബ്രോക്കറേജ് വിലയിരുത്തൽ

1. സിഎൽഎസ്എ

പാദഫലം പുറത്ത് വന്നതിന് പിന്നാലെ അന്താരാഷ്ട്ര ബ്രോക്കറേജായ സിഎൽഎസ്എ ഓഹരിയിൽ 'അണ്ടർ പെർഫോം' കോൾ നിലനിർത്തി, 135 രൂപയാണ് ടാർഗെറ്റ് വില. ധാതുക്കൾക്ക് അധിക നികുതി ചുമത്താൻ സംസ്ഥാനങ്ങളെ അനുവദിക്കുന്ന സുപ്രീം കോടതി വിധി സ്റ്റോക്കിനെ പ്രതികൂലമായി ബാധിക്കുമെന്ന് ബ്രോക്കറേജ് അഭിപ്രായപ്പെട്ടു.

2. ജെഫറീസ്

ഒരു ഷെയറിന് 195 രൂപ ടാർഗെറ്റ് വിലയിൽ ടാറ്റ സ്റ്റീലിൽ ജെഫറീസ് ഒരു 'ബൈ' കോൾ നൽകി. ജെഫറീസ് റിപ്പോർട്ട് അനുസരിച്ച്, ടാറ്റ സ്റ്റീലിൻ്റെ ക്യു1 ഇബിഐടിഡിഎ 2024-ൽ ഇതുവരെ 29% ഉം പാദത്തിൽ 1% ഉം വർദ്ധിച്ചു. ഇത് നേട്ടമാണ്. ടിഎസ്ഇ ഇതര സബ്സിഡിയറികളിൽ നിന്നുള്ള പ്രതീക്ഷിച്ചതിലും മികച്ച പ്രകടനമാണ് ഇബിഐടിഡിഎയുടെ വളർച്ചയ്ക്ക് കാരണമായത്.

3. ജെപി മോർഗൻ

ജെപി മോർഗൻ ടാറ്റ സ്റ്റീലിൽ അതിൻ്റെ 'ഓവർ വെയ്റ്റ്' റേറ്റിംഗ് നിലനിർത്തി. ഒരു ഷെയറിന് 190 രൂപ ടാർഗെറ്റ് വില നിശ്ചയിച്ചു. ടാറ്റ സ്റ്റീലിൻ്റെ ക്യു1 ഇബിഐടിഡിഎ പ്രകടനം പ്രതീക്ഷിച്ചതിലും മികച്ചതാണെന്ന് ബ്രോക്കറേജ് പറഞ്ഞു.

സാങ്കേതിക കാര്യങ്ങൾ

ടാറ്റ സ്റ്റീൽ സ്റ്റോക്കിന് ഒരു വർഷത്തെ ബീറ്റ 1.4 ഉണ്ട്, ഇത് ഈ കാലയളവിൽ ഉയർന്ന ചാഞ്ചാട്ടത്തെ സൂചിപ്പിക്കുന്നു. സാങ്കേതിക കാര്യങ്ങളുടെ കാര്യത്തിൽ, ടാറ്റ സ്റ്റീലിൻ്റെ ആപേക്ഷിക ശക്തി സൂചിക (ആർഎസ്ഐ) 46.8 ആണ്, ഇത് ഓവർബോട്ടിലോ ഓവർസോൾഡ് സോണിലോ വ്യാപാരം നടക്കുന്നില്ല.

ടാറ്റ സ്റ്റീല്‍

ഒരു നൂറ്റാണ്ടിലേറെ പ്രവര്‍ത്തന പാരമ്പര്യമുള്ള രാജ്യത്തെ മുന്‍നിര സ്റ്റീല്‍ നിര്‍മാണ കമ്പനിയാണ് ടാറ്റാ സ്റ്റീല്‍. ഭൂമിശാസ്ത്രപരമായി ഉത്പാദന ശൃംഖലാ വൈവിധ്യവത്കരണം നടത്തിയിട്ടുള്ള ലോകത്തെ വന്‍കിട സ്റ്റീല്‍ കമ്പനിയെന്ന വിശേഷണവും ടാറ്റ സ്റ്റീലിന് സ്വന്തം. ബ്രിട്ടണും നെതര്‍ലാന്‍ഡും അടക്കമുള്ള യൂറോപ്യന്‍ രാജ്യങ്ങളിലും ദക്ഷിണ പൂര്‍വ്വേഷ്യയിലും ഉള്‍പ്പെടെ 26 രാജ്യങ്ങളില്‍ ഉത്പാദന കേന്ദ്രങ്ങളുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.