3 രൂപയിൽ നിന്നും 96 രൂപയിലേക്ക് കുതിച്ച ടാറ്റ ഓഹരി, വളർച്ച 3800 ശതമാനം, കുതിപ്പ് തുടരുമോ..?

ഓഹരി വിപണിയിൽ നിരവധി ടാറ്റ ഓഹരികളെ കാണാം. പലതും മൾട്ടിബാഗർ റിട്ടേൽ നൽകിയവയാണ്. കഴിഞ്ഞ അഞ്ച് വർഷത്തിനിടെ 3800 ശതമാനത്തിന് മുകളിൽ വളർച്ച കൈവരിച്ച ടാറ്റ ഓഹരികളിലൊന്നാണ് ടാറ്റ ടെലിസർവീസസ് (മഹാരാഷ്ട്ര) ലിമിറ്റഡ് (ടിടിഎംഎൽ). 2020 ൽ 3 രൂപയായിരുന്നു ഓഹരിയുടെ വില ഇന്ന് 96 രൂപയ്ക്ക് മുകളിലാണ്. അതായത് 4 വർഷം കൊണ്ട് ഓഹരി വിലയിലുണ്ടായ വർദ്ധനവ 93 രൂപ. ഓഹരി വരും ദിവസങ്ങളിൽ കൂടുതൽ ഉയരങ്ങളിലേക്ക് കുതിക്കാനുള്ള സാധ്യതയുണ്ടോ... നമുക്ക് വിശദമായി പരിശോധിക്കാം.

ടാറ്റ ടെലിസർവീസസ്

ടാറ്റ ടെലിസർവീസസ് വയർഡ്, വയർലെസ് ടെലികമ്മ്യൂണിക്കേഷൻ പ്രവർത്തനങ്ങളിൽ ഏർപ്പെട്ടിരിക്കുന്നു, കൂടാതെ മഹാരാഷ്ട്രയിലും ഗോവയിലും ഇൻറർനെറ്റ് സേവനദാതാവിൻ്റെ വിഭാഗത്തിലും ആക്‌സസ് സർവീസ് ഓതറൈസേഷനോടുകൂടിയ ഏകീകൃത ലൈസൻസും ഉണ്ട്. വിവിധ വയർലൈൻ വോയ്‌സ്, ഡാറ്റ, നിയന്ത്രിത ടെലികോം സേവനങ്ങൾ എന്നിവ നൽകുന്നതിൽ കമ്പനി ശ്രദ്ധ കേന്ദ്രീകരിക്കുന്നു.

ഓഹരി വിപണിയിലെ പ്രകടനം

എൻഎസ്ഇയിൽ 96.19 രൂപ എന്ന നിരക്കിലാണ് വ്യാഴാഴ്ച ടാറ്റ ടെലിസർവീസസ് ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 0.92 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 10 ശതമാനം മുന്നേറ്റമാണ് ആറ് മാസത്തിനിടെ ഓഹരി നേടിയത്. 2024-ൽ ഇതുവരെ ആറ് ശതമാനം നേട്ടമുണ്ടാക്കാനും ടാറ്റ ഓഹരിക്ക് സാധിച്ചു. 10 ശതമാനം വളർച്ചയാണ് കഴിഞ്ഞ ഒരു വർഷത്തിനിടെ ഓഹരി നേടിയത്.

111.40 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 65.05 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില. കഴിഞ്ഞ മൂന്ന് വർഷത്തിനിടെ 160.03 ശതമാനം നേട്ടത്തോടെ ഈ സ്റ്റോക്ക് മൾട്ടിബാഗർ റിട്ടേണുകൾ നൽകി.

പാദഫലം

25 സാമ്പത്തിക വർഷത്തിലെ ഒന്നാം പാദത്തിൽ കമ്പനിക്ക് 323.40 കോടി രൂപയുടെ അറ്റനഷ്ടമുണ്ടായി. എന്നിരുന്നാലും, അവലോകന പാദത്തിൽ പ്രവർത്തനങ്ങളിൽ നിന്നുള്ള ടിടിഎംഎല്ലിൻ്റെ വരുമാനം പ്രതിവർഷം 13.31 ശതമാനം ഉയർന്ന് (YoY) 323.50 കോടി രൂപയായി. ഇതിനുപുറമെ, ഇബിഐടിഡിഎ ആദ്യ പാദത്തിൽ 8.91 ശതമാനം മെച്ചപ്പെട്ട് 138.53 കോടി രൂപയായി. മുൻ വർഷം ഇതേ കാലയളവിൽ രേഖപ്പെടുത്തിയത് 127.20 കോടി രൂപയായിരുന്നു.

ഭാവി പരിപാടികൾ എന്തെല്ലാം..?

സ്മാർട്ട് ഡിജിറ്റൽ സൊല്യൂഷൻസ് പോർട്ട്‌ഫോളിയോ ശക്തിപ്പെടുത്താൻ കമ്പനി പദ്ധതിയിടുന്നു. കൺവേർജ്ഡ് കമ്മ്യൂണിക്കേഷൻ സൊല്യൂഷനുകൾ, ക്ലൗഡ് ഇൻഫ്രാസ്ട്രക്ചർ, സൈബർ സുരക്ഷ, സഹകരണവും ഉൽപ്പാദനക്ഷമതയും, ഡിജിറ്റൽ കണക്റ്റിവിറ്റി എന്നിവയിലും അതിൻ്റെ ഓഫറുകൾ വിപുലീകരിക്കുന്നത് ഇതിൽ ഉൾപ്പെടുന്നു.

10% മുതൽ 25% വരെ ടെലികോം ഓപ്പറേറ്റർമാർ അടുത്തിടെ നടത്തിയ താരിഫ് വർദ്ധനയും വർദ്ധിച്ചുവരുന്ന ഡാറ്റ ഉപഭോഗവും ഇന്ത്യൻ ടെലികോം കമ്പനികളുടെ ശരാശരി വരുമാനം (ARPU) വർദ്ധിപ്പിക്കും. ഇത് കമ്പനിക്ക് നേട്ടമാകുമെന്നാണ് വിലയിരുത്തുന്നത്.

പ്രതിസന്ധികൾ

ടാറ്റ ടെലിസർവീസസ് കനത്ത നഷ്ടവും ഉയർന്ന കടവും അഭിമുഖീകരിക്കുന്നു എന്നത് എടുത്തുപറയേണ്ടതാണ്. ഭാവിയിലെ വളർച്ചയ്ക്കും സാമ്പത്തിക സ്ഥിരതയ്ക്കും ഇത് ഒരു പ്രധാന വെല്ലുവിളി ഉയർത്തുന്നു. എന്നാൽ ടാറ്റ ടെലിസർവീസസിൻ്റെ ഉയർന്ന കടബാധ്യതകൾ കൈകാര്യം ചെയ്യുന്നതിൽ ടാറ്റ സൺസ് പിന്തുണയ്ക്കുമെന്നാണ് പ്രതീക്ഷ. കഴിഞ്ഞ വർഷം, ടാറ്റ ടെലി സർവീസസിന് ടാറ്റ സൺസ് 20.6 ബില്യൺ രൂപ അധികമായി നൽകിയിരുന്നു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.