ഐടി രംഗത്തെ പ്രമുഖ കമ്പനികൾ, ക്യു4 ഫലങ്ങൾ എങ്ങനെ, തിങ്കളാഴ്ച ഏത് ഓഹരി വാങ്ങുന്നതാണ് നല്ലത്..?

ഇന്ത്യൻ ഐടി രംഗത്തെ ഏറ്റവും പ്രമുഖമായ നാല് കമ്പനികളാണ് ടാറ്റ കൺസൾട്ടൻസി സർവീസസ് (ടിസിഎസ്), ഇൻഫോസിസ്, വിപ്രോ , എച്ച്സിഎൽ ടെക്നോളജീസ് എന്നിവ. കഴിഞ്ഞ ദിവസങ്ങളിൽ നാല് കമ്പനികളുടേയും 2024ലെ ക്യു4 ഫലങ്ങൾ പുറത്ത് വന്നിരുന്നു. അതോടെ ഏത് ഓഹരി വാങ്ങണമെന്നും ഏത് ഓഹരി ഹോൾഡ് ചെയ്യണമെന്നുമുള്ള ആശയക്കുഴപ്പത്തിലാണ് നിക്ഷേപകർ. വിപ്രോ, ഇൻഫോസിസ്, എച്ച്സിഎൽ ടെക് ഫലങ്ങളെ മറികടന്ന് ടിസിഎസ് ക്യു 4 ഫലങ്ങൾ മികച്ച പ്രകടനം കാഴ്ചവച്ചതായി സ്റ്റോക്ക് മാർക്കറ്റ് വിദഗ്ധർ പറയുന്നു . എന്നിരുന്നാലും, എച്ച്‌സിഎൽ ടെക് എഐ സാങ്കേതിക വിദ്യ സ്വീകരിക്കുന്നതോടെ ഭാവിയിൽ വലിയ മുന്നേറ്റമുണ്ടാകുമെന്നാണ് കരുതുന്നത്.

മികച്ച ക്യു4 ഫലം നേടിയ കമ്പനി ഏത്..?

ഏകദേശം 9 ശതമാനം വർധനവോടെ ടിസിഎസ് നാലാം പാദത്തിൽ 12,434 കോടി രൂപയുടെ ഏകീകൃത അറ്റാദായം റിപ്പോർട്ട് ചെയ്തു. മുൻവർഷത്തിൽ ഇത് 11,392 കോടിയായിരുന്നു. പ്രവർത്തനങ്ങളിൽ നിന്നുള്ള വരുമാനം 3.5% ഉയർന്ന് 61,237 കോടി രൂപയിലെത്തി.

വിപ്രോ 2,835 കോടി രൂപയുടെ ഏകീകൃത അറ്റാദായം രേഖപ്പെടുത്തി. മുൻ വർഷത്തെ അപേക്ഷിച്ച് ഏകദേശം 8 ശതമാനത്തിന്‍റെ ഇടിവ്. പ്രവർത്തനങ്ങളിൽ നിന്നുള്ള വരുമാനം 4 ശതമാനം കുറഞ്ഞ് 22,208 കോടി രൂപയാണ്. കഴിഞ്ഞ വർഷം ഇതേ കാലയളവിലെ 23,190 കോടി രൂപയായിരുന്നു.

ഇൻഫോസിസ് ക്യു 4 ഫലങ്ങളിൽ മാർച്ച് പാദത്തിൽ 7,975 കോടി രൂപ അറ്റാദായം റിപ്പോർട്ട് ചെയ്തു. അതേസമയം മൊത്തം വരുമാനം 37,923 കോടി രൂപയായി.

എച്ച്സിഎൽ ടെക്‌നോളജീസ് 2024 സാമ്പത്തിക വർഷത്തിൽ 3,986 കോടി രൂപയുടെ അറ്റാദായം റിപ്പോർട്ട് ചെയ്തു , കഴിഞ്ഞ വർഷം ഇതേ കാലയളവിൽ റിപ്പോർട്ട് ചെയ്ത 3,983 കോടി രൂപയിൽ നിന്ന് 7 ശതമാനത്തിന്‍റെ വർധനവ്. പ്രവർത്തനങ്ങളിൽ നിന്നുള്ള വരുമാനം 28499 കോടിയാണ്.

ക്യു4 ഫലങ്ങളുടെ താരതമ്യം

എച്ച്സിഎൽ ടെക്, ടിസിഎസ്, വിപ്രോ, ഇൻഫോസിസ് എന്നിവയുടെ ക്യു 4 ഫലങ്ങൾ താരതമ്യം ചെയ്യുമ്പോൾ ടിസിഎസ് ആണ് മികച്ച നേട്ടമുണ്ടാക്കിയതെന്ന് കാണാം. ഡീലുകൾ സമയബന്ധിതമായി വർദ്ധിപ്പിക്കുന്നത് ഉറപ്പാക്കാൻ കമ്പനികൾക്ക് കഴിയാതെ വന്നതിനാൽ ഇൻഫോസിസിൻ്റെയും വിപ്രോയുടെയും സാമ്പത്തികം ദുർബലമായിരുന്നു. എന്നിരുന്നാലും, ആരോഗ്യകരമായ ബില്ലിംഗിനായി മെഗാഡീലുകളിൽ ബാങ്കിംഗ് തുടരാൻ ടിസിഎസിന് കഴിഞ്ഞു, കൂടാതെ അവരുടെ പുതിയ ഡീൽ പൈപ്പ്‌ലൈൻ ഒന്നിലധികം വർഷത്തെ ഏറ്റവും ഉയർന്ന നിലയിലേക്ക് വളരുന്നത് ഉറപ്പാക്കാനും അവർക്ക് കഴിഞ്ഞു.

തിങ്കളാഴ്ച വാങ്ങേണ്ട ഐടി സ്റ്റോക്ക് ഏതാണ്?

വെൽത്ത് സ്ട്രീറ്റിൻ്റെ സ്ഥാപകയായ സുഗന്ധ സച്ദേവ വിലയിരുത്തുന്നത് ഇൻഫോസിസ് ഓഹരി വാങ്ങുന്നതാണ് ദീർഘകാലാടിസ്ഥാനത്തിൽ നേട്ടമുണ്ടാക്കാൻ സഹായിക്കുക എന്നാണ്. കഴിഞ്ഞ ഒരു വർഷത്തിനിടെ 46 ശതമാനം വളർച്ച കൈവരിക്കാനും ഓഹരിക്ക് സാധിച്ചു. അതുകൊണ്ടു തന്നെ ഓഹരി വില ദീർഘകാലാടിസ്ഥാനത്തിൽ 1900 രൂപയ്ക്ക് മുകളിലേക്ക് ഉയരാനുള്ള സാധ്യതയുണ്ടെന്നും അദ്ദേഹം വിലയിരുത്തുന്നു. അതുകൊണ്ടു തന്നെ ദീർഘകാലാടിസ്ഥാനത്തിൽ ഓഹരി വാങ്ങുന്നവർക്ക് വിപ്രോ തിരഞ്ഞെടുക്കുന്നതാണ് നല്ലത്.

ഇടത്തരം കാലയളവിൽ നേട്ടമുണ്ടാക്കാനാഗ്രഹിക്കുന്ന നിക്ഷേപകർക്ക് വിപ്രോ ഓഹരിയിൽ നിക്ഷേപിക്കുകന്നതാണ് നല്ലത്. ഇടത്തരം കാലയളവിൽ ഏകദേശം 34 ശതമാനത്തോളം നേട്ടം നൽകാൻ സാധിക്കുമെന്നാണ് സുഗന്ധ സച്ദേവ വിലയിരുത്തുന്നത്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.