ബജാജ് ഓഹരി ഇനിയും വാങ്ങിയില്ലേ, ഇപ്പോൾ വാങ്ങാമെന്ന് ബ്രോക്കറേജ്, ലാഭം 15 ശതമാനം വരെ

ബജാജ് ഗ്രൂപ്പിന്‍റെ ഓഹരികളെ നിക്ഷേപകർക്ക് പ്രത്യേകിച്ച് പരിജയപ്പെടുത്തേണ്ട ആവശ്യമില്ല. എല്ലാം നിക്ഷേപകരുടെ പ്രിയപ്പെട്ട ഓഹരികളാണ്. ബജാജ് ഗ്രൂപ്പിൻ്റെ ഭാഗമായ ബജാജ് ഇലക്‌ട്രിക്കൽസ് ഓഹരി കഴിഞ്ഞ നാല് വർഷമായി ക്രമാനുഗതമായി വളർച്ച കൈവരിച്ചിട്ടുണ്ട്. ഓഹരിക കൂടുതൽ ഉയരങ്ങളിലേക്ക് പോകാനുള്ള സാധ്യത ഏറെയാണെന്നാണ് ബ്രോക്കറേജുകളുടെ വിലയിരുത്തൽ. അതുകൊണ്ടു തന്നെ ബജാജ് ഇലക്‌ട്രിക്കൽസ് ഓഹരിയെക്കിറിച്ച് നമുക്ക് കൂടുതൽ അറിയാം.

229 രൂപയിൽ നിന്നും1050 രൂപയിലേക്ക്

എൻഎസ്ഇയിൽ 1050.65 രൂപ എന്നതാണ് നിലവിൽ ബജാജ് ഇലക്‌ട്രിക്കൽസ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 5.86 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 12.08 ശതമാനമാണ് ഒരു മാസത്തെ വളർച്ച. 2024-ൽ ഇതുവരെ ഏകദേശം 5 ശതമാനം നേട്ടമുണ്ടാക്കാനും ഓഹരിക്കായി.

അതേസമയം കഴിഞ്ഞ ഒരു വർഷത്തിനിടെ 14.5 ശതമാനം ഇടിവ് ഓഹരിക്ക് സംഭവിച്ചിട്ടുണ്ട്. 112.31 ശതമാനം നേട്ടമാണ് കഴിഞ്ഞ അഞ്ച് വർഷത്തിനിടെ ഓഹരി നേടിയത്. കഴിഞ്ഞ എട്ട് വർഷത്തിനിടയിൽ 430 ശതമാനം വർദ്ധനയോടെ നിക്ഷേപകർക്ക് സ്റ്റോക്ക് കൂടുതൽ ശക്തമായ വരുമാനം നൽകി. 1,148 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില. 820.15 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ടാർഗെറ്റ് വില

ആഭ്യന്തര ബ്രോക്കറേജ് സ്ഥാപനമായ എച്ച്‌ഡിഎഫ്‌സി സെക്യൂരിറ്റീസ്, ഡിമാൻഡിലെ പ്രതീക്ഷിക്കുന്ന മെച്ചപ്പെടുത്തലുകൾ മുതലെടുക്കാൻ കമ്പനിക്ക് നല്ല സ്ഥാനമുണ്ടെന്ന് പ്രതീക്ഷിക്കുന്നു. ഇത് ഓഹരിയുടെ കുതിപ്പിന് കൂടുതൽ കരുത്ത് പകരും. അതുകൊണ്ടു തന്നെ 1200 രൂപ ടാർഗെറ്റ് വിലയോടെ ബജാജ് ഇലക്‌ട്രിക്കൽസ് ഓഹരി വാങ്ങാമെന്നാണ് ബ്രോക്കറേജ് ശുപാർശ. നിലവിലെ ഓഹരി വിലയുമായി താരതമ്യപ്പെടുത്തുമ്പോൾ 14-15 ശതമാനം വളർച്ച സൂചിപ്പിക്കുന്നു.

പ്രൊഫഷണലായി കൈകാര്യം ചെയ്യപ്പെടുന്ന സ്ഥാപനത്തിലേക്കുള്ള മാറ്റം, ഇപിസി ബിസിനസിൻ്റെ വിഭജനം, കോർപ്പറേറ്റ് ഘടന ലളിതമാക്കൽ, നാല് പതിറ്റാണ്ടിനിപ്പുറം ആദ്യമായി കടരഹിത പദവി കൈവരിക്കൽ എന്നിവ ഉൾപ്പെടെ, സമീപ വർഷങ്ങളിലെ കമ്പനിയുടെ ശ്രദ്ധേയമായ പരിവർത്തന യാത്രയെ ബ്രോക്കറേജ് എടുത്തുകാണിക്കുന്നു.

ഭാവി സുശക്തം

ഇന്ത്യയിലെ അതിവേഗം ചലിക്കുന്ന ഇലക്ട്രിക്കൽ ഗുഡ്‌സ് (എഫ്എംഇജി) വിഭാഗത്തിൽ കമ്പനിക്ക് ഒരു പ്രമുഖ സ്ഥാനമുണ്ട്. അതിൻ്റെ വൈവിധ്യമാർന്ന ഉൽപ്പന്ന പോർട്ട്‌ഫോളിയോയിൽ ഉപഭോക്തൃ ഉൽപ്പന്നങ്ങളായ വീട്ടുപകരണങ്ങൾ, ഫാനുകൾ, വൈദ്യുത ഇതര അടുക്കള സഹായങ്ങൾ എന്നിവയും ഉപഭോക്താവിനെയും പ്രൊഫഷണൽ ലൈറ്റിംഗിനെയും ഉൾക്കൊള്ളുന്ന ലൈറ്റിംഗ് സൊല്യൂഷനുകളും ഉൾപ്പെടുന്നു.

ചെറുകിട പ്രതിദിന ഉപയോഗ ഇനങ്ങൾ, ഉപഭോക്തൃ മൂല്യ ശൃംഖലയുടെ സമഗ്രമായ കവറേജ്, വിപുലമായ വിതരണ ശൃംഖല, ഗ്രാമീണ വിപണികളിലെ ഗണ്യമായ സ്വാധീനം എന്നിവ ഉൾക്കൊള്ളുന്ന കമ്പനിയുടെ വൈവിധ്യമാർന്ന ഉൽപ്പന്ന പോർട്ട്‌ഫോളിയോയാണ് ബ്രോക്കറേജ് ഈ ശുഭാപ്തിവിശ്വാസത്തിന് കാരണമായത്.

ബജാജ് ഇലക്ട്രിക്കൽസ് ലിമിറ്റഡ്

ബജാജ് ഗ്രൂപ്പ് ഓഫ് കമ്പനികളുടെ ഭാഗമാണ് ബജാജ് ഇലക്ട്രിക്കൽസ് ലിമിറ്റഡ്. ഉപഭോക്തൃ ഉൽപ്പന്നങ്ങൾ, ഫാൻ, ലൈറ്റിംഗ് എന്നിവയുടെ ഉത്പാദനരംഗത്തും കയറ്റുമതി രംഗത്തുമുള്ള കമ്പനി ഇപിസി-ഇല്യൂമിനേഷൻ, ട്രാൻസ്മിഷൻ ടവറുകൾ, പവർ ഡിസ്ട്രിബ്യൂഷൻ എന്നീ മേഖലകളിലും വ്യാപിച്ചുകിടക്കുന്നു. ഈ രംഗത്തെ മുൻനിര കമ്പനിയാണ്. പ്രീമിയം ഹോം അപ്ലയൻസ്, കുക്ക് വെയർ വിഭാഗങ്ങളിലും കമ്പനിക്ക് സാന്നിധ്യമുണ്ട്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.