ഐടിആർ ഫയലിംഗിനുള്ള അവസാന തീയതി ജനുവരി 10 വരെ നീട്ടി

2019-20 സാമ്പത്തിക വർഷത്തിൽ നേടിയ വരുമാനത്തിന് 2020-21 (എ.വൈ 21) അസസ്മെന്റ് ഇയർ ആദായനികുതി റിട്ടേൺ (ഐടിആർ) നൽകാനുള്ള നിശ്ചിത തീയതി കേന്ദ്ര ഡയറക്റ്റ് ടാക്സ് ബോർഡ് (സിബിഡിടി) ബുധനാഴ്ച നീട്ടി. ആദായനികുതി റിട്ടേൺ സമർപ്പിക്കുന്നതിനുള്ള പുതിയ സമയപരിധി 2021 ജനുവരി 10 ആണ്.

ഇത് മൂന്നാം തവണയാണ് ഐടിആർ നൽകാനുള്ള അവസാന തീയതി നീട്ടുന്നത്. സാധാരണയായി എല്ലാ വർഷവും ജൂലൈ 31 ന് വരുന്ന സമയപരിധി ആദ്യം നവംബർ 31 വരെയും പിന്നീട് ഡിസംബർ 31 വരെയും പിന്നീട് ഇപ്പോൾ ജനുവരി 10 വരെയുമാണ് നീട്ടിയിരിക്കുന്നത്. ഐടിആർ -1, ഐടിആർ -4 വിഭാഗങ്ങൾക്ക് കീഴിലുള്ളവർക്കാണ് സമയം നീട്ടി നൽകിയിരിക്കുന്നത്.

ഐടിആർ ഫയലിംഗിനുള്ള അവസാന തീയതി ജനുവരി 10 വരെ നീട്ടി

ഐടിആർ -1, ഐടിആർ -4 എന്നീ ഫോമുകൾ പ്രധാനമായും ശമ്പളം ലഭിക്കുന്ന വ്യക്തികളുമായി ബന്ധപ്പെട്ടതാണ്. എന്നാൽ ഐടിആർ ഫയൽ ചെയ്യുന്നതിനുള്ള ഈ കാലതാമസത്തിന് പിഴയോ അല്ലെങ്കിൽ വൈകിയതിനുള്ള റിട്ടേൺ ഫയലിംഗ് ഫീസോ നൽകേണ്ടി വരും. ഇത് നികുതിദായകന്റെ മൊത്തം വരുമാനം 5 ലക്ഷം രൂപ കവിയുമെങ്കിൽ മാത്രമേ ബാധകമാകൂ.

ആദായനികുതി റിട്ടേൺസ് (ഐടിആർ) ഫയലിംഗ് പ്രക്രിയ പൂർത്തിയാക്കുന്നതിന്, ഒരു വ്യക്തി അത് പരിശോധിക്കേണ്ടതുണ്ട്. ഫയൽ ചെയ്ത 120 ദിവസത്തിനുള്ളിൽ റിട്ടേൺ പരിശോധിക്കേണ്ടതാണ്.