Click it and Unblock the Notifications
കോട്ടയം: ഹിന്ദുസ്ഥാന് ന്യൂസ് പ്രിന്റ് ലിമിറ്റഡിന്റെ വെള്ളൂരിലെ ഫാക്ടറി കേരള സര്ക്കാര് ഏറ്റെടുക്കാന് സാധ്യത. ഇതുമായി ബന്ധപ്പെട്ട് 142 കോടി രൂപയുടെ പദ്ധതി സമര്പ്പിക്കാന് കേരള സര്ക്കാര് കിന്ഫ്രയ്ക്ക് അനുമതി നല്കി. ഹിന്ദുസ്ഥാന് ന്യൂസ് പ്രിന്റ് ലിമിറ്റഡിന്റെ വില്പ്പനയ്ക്കായി കോടതി നേരത്തെ നിയോഗിച്ച റസല്യൂഷന് പ്രൊഫഷണല് കുമാര് രാജന് പുതുക്കിയ ഏറ്റെടുക്കല് കിന്ഫ്ര തിങ്കളാഴ്ച സമര്പ്പിക്കുമെന്നാണ് റിപ്പോര്ട്ടാണ് മനോരമയാണ് ഇക്കാര്യം റിപ്പോര്ട്ട് ചെയ്യുന്നത്.
നഷ്ടത്തിലായ എച്ച്എന്എല് നേരത്തെ പ്രവര്ത്തിച്ചുകൊണ്ടിരുന്നത്. ഇതിന്റെ വില്പന നടത്തുന്നതിന് നാഷനല് കമ്പനി ലോ ട്രൈബ്യൂണലാണ് റസല്യൂഷന് പ്രഫഷനലിനെ നിയോഗിച്ചത്. ഈ റസല്യൂഷന് പ്രഫഷനലുമായി ചര്ച്ച നടത്തുന്നതിന് സംസ്ഥാന സര്ക്കാര് കിന്ഫ്രയെയാണ് ചുമതലപ്പെടുത്തിയിരിക്കുന്നത്. സര്ക്കാര് ഏറ്റെടുക്കുമ്പോള് കമ്പനിയുടെ കടങ്ങള് തീര്ക്കേണ്ടതുണ്ട്. ഇതിനായി 260 കോടി രൂപയാണ് ആവശ്യപ്പെട്ടത്. 133 കോടി രൂപ കിന്ഫ്ര ആദ്യം വാഗ്ദാനം ചെയ്തിരുന്നു. എന്നാല് തുക കൂട്ടിത്തരണമെന്നായിരുന്നു റസല്യൂഷന് പ്രഫഷനലിന്റെ മറുപടി. അതോടെ 5% തുക കൂട്ടി നല്കാന് കഴിഞ്ഞ ദിവസം സര്ക്കാര് അനുമതി നല്കി.
കിന്ഫ്രയുടെ പുതിയ വാഗ്ദാനം എച്ച്എന്എല്ലിന് വായ്പ നല്കിയ ധനകാര്യ സ്ഥാപനങ്ങളെ അറിയിക്കും. ഇത് അംഗീകരിച്ച് കഴിഞ്ഞാല് എച്ച്എന്എല് കേരളത്തിന് കൈമാറാന് കമ്പനി ലോ ട്രിബ്യൂണല് ഉത്തരവ് ഇറക്കും. കിന്ഫ്രയെ കൂടാതെ ഒരു സ്വകാര്യ കമ്പനിയായ സണ് പേപ്പേഴ്സും ഏറ്റെടുക്കാന് രംഗത്തെത്തിയിരുന്നു. എന്നാല് കിന്ഫ്ര പറഞ്ഞതിലും കുറഞ്ഞ തുകയാണ് സണ് പേപ്പേഴ്സ് വാഗ്ദാനം ചെയ്തത്.
Sign in with Google