ഓഹരി വിപണിയിൽ ഇന്ന് റെക്കോർഡ് നേട്ടം, നിഫ്റ്റി 14000ന് മുകളിൽ തന്നെ

ബെഞ്ച്മാർക്ക് സൂചികകൾ ഇന്ന് റെക്കോർഡ് നേട്ടത്തിൽ ക്ലോസ് ചെയ്തു. നിഫ്റ്റി 14,100 ന് മുകളിലും സെൻസെക്സ് 48,000 ലെവലിനു മുകളിലുമാണ് ഇന്ന് ക്ലോസ് ചെയ്തത്. സെൻസെക്സ് 307.82 പോയിൻറ് അഥവാ 0.64 ശതമാനം ഉയർന്ന് 48,176.80 ൽ എത്തി. നിഫ്റ്റി 114.40 പോയിന്റ് അഥവാ 0.82 ശതമാനം ഉയർന്ന് 14,132.90 ൽ എത്തി.

ഏകദേശം 2061 ഓഹരികൾ ഇന്ന് മുന്നേറി, 973 ഓഹരികൾ ഇടിഞ്ഞു. 158 ഓഹരികൾ മാറ്റമില്ലാതെ തുടർന്നു. ടാറ്റാ സ്റ്റീൽ, ഹിൻഡാൽകോ, ഐഷർ മോട്ടോഴ്‌സ്, ഒ‌എൻ‌ജി‌സി, ടി‌സി‌എസ് എന്നിവ നിഫ്റ്റിയിൽ മികച്ച നേട്ടമുണ്ടാക്കിയപ്പോൾ ഹീറോ മോട്ടോകോർപ്പ്, കൊട്ടക് മഹീന്ദ്ര ബാങ്ക്, ബജാജ് ഫിനാൻസ്, അദാനി പോർട്സ്, ഏഷ്യൻ പെയിന്റ്സ് എന്നിവയ്ക്ക് നഷ്ടം നേരിട്ടു.

ഓഹരി വിപണിയിൽ ഇന്ന് റെക്കോർഡ് നേട്ടം, നിഫ്റ്റി 14000ന് മുകളിൽ തന്നെ

മെറ്റൽ, ഐടി, ഓട്ടോ, ഫാർമ എന്നിവയുടെ നേതൃത്വത്തിൽ ബാങ്ക് ഒഴികെ മറ്റെല്ലാ മേഖല സൂചികകളും ഇന്ന് നേട്ടത്തിൽ ക്ലോസ് ചെയ്തു. ബി‌എസ്‌ഇ മിഡ്‌ക്യാപ്, സ്‌മോൾ‌ക്യാപ് സൂചികകൾ‌ ഒരു ശതമാനത്തിന് മുകളിൽ ഉയർന്നു. ബി‌എസ്‌ഇ മിഡ്‌കാപ്പ് സൂചിക 1.4 ശതമാനവും സ്‌മോൾകാപ്പ് സൂചിക 1.3 ശതമാനവുമാണ് ഇന്ന് ഉയർന്നത്.

ഇന്ത്യൻ രൂപ 10 പൈസ ഉയർന്ന് 73.02 എന്ന നിലയിലെത്തി.