നിഫ്റ്റി ആദ്യമായി 13000 തൊട്ടു, സെൻസെക്സ് പുതിയ റെക്കോർഡ് ഉയരത്തിൽ

ആഗോള വിപണികളുടെ നേട്ടത്തെ തുട‍ർന്ന് ബെഞ്ച്മാർക്ക് സൂചികകൾ ഇന്ന് റെക്കോർഡ് നേട്ടത്തിൽ വ്യാപാരം ആരംഭിച്ചു. എല്ലാ മേഖലാ സൂചികകളിലും ഇന്ന് നേട്ടത്തിലാണ് വ്യാപാരം നടക്കുന്നത്. നിഫ്റ്റി ബാങ്ക് സൂചിക ഒരു ശതമാനം ചേർത്തു.

നിഫ്റ്റി ആദ്യമായാണ് 13000 എന്ന നിലയിലെത്തുന്നത്. രാവിലെ 09:18ന് സെൻസെക്സ് 274.67 പോയിൻറ് അഥവാ 0.62 ശതമാനം ഉയർന്ന് 44351.82 ൽ എത്തി. നിഫ്റ്റി 83.50 പോയിൻറ് അഥവാ 0.65 ശതമാനം ഉയർന്ന് 13010 ൽ എത്തി. ഏകദേശം 1032 ഓഹരികൾ രാവിലെ മുന്നേറിയപ്പോൾ 277 ഓഹരികൾ ഇടിഞ്ഞു. 53 ഓഹരികൾ മാറ്റമില്ലാതെ തുട‍ർന്നു.

നിഫ്റ്റി ആദ്യമായി 13000 തൊട്ടു, സെൻസെക്സ് പുതിയ റെക്കോർഡ് ഉയരത്തിൽ

മാരുതി, ഒൻജിസി, എച്ച്ഡിഎഫ്സി ബാങ്ക്, ആക്സിസ് ബാങ്ക്, ഐസിഐസിഐ ബാങ്ക്, പവ‍ർ​ഗ്രിഡ് എന്നിവയാണ് സെൻസെക്സിൽ ഏറ്റവും കൂടുതൽ നേട്ടം രേഖപ്പെടുത്തുന്ന ഓഹരികൾ. ബജാജ് ഓട്ടോ, നെസ്ലെ, എച്ച്ഡിഎഫ്സി, അൾട്രാ സിമന്റ്, സൺ ഫാ‍ർമ എന്നിവയ്ക്കാണ് ഏറ്റവും കൂടുതൽ നഷ്ടം.

നിഫ്റ്റി മിഡ്‌ക്യാപ്, നിഫ്റ്റി സ്‌മോൾക്യാപ്പ് എന്നിവ യഥാക്രമം 0.8 ശതമാനവും ഒരു ശതമാനവും ഉയർന്നു. നിഫ്റ്റി ഫിൻ സർവീസസ് 0.8 ശതമാനം ഉയർന്നു. മെറ്റൽ, ഫാർമ, ഓട്ടോ സൂചികകളും 0.5-0.7 ശതമാനം വരെ ഉയർന്നു.