മുംബൈ: കോവിഡ് വ്യാപനത്തെ തുടര്ന്ന് ഓഹരി വിപണി കൂപ്പുകുത്തിയപ്പോഴും കാര്യമായ ഇടിവുണ്ടാകാതെ പിടിച്ചു നിന്നത് ഫാര്മ ഓഹരികളാണ്. വിപണി എക്കാലത്തേയും ഉയരംകുറിച്ചപ്പോഴും ഈ വിഭാഗങ്ങളിലെ ഓഹരികള് മികച്ച നേട്ടം കൊയ്തു.
ഫാര്മ സെക്ടറില് മികച്ച നേട്ടമുണ്ടാക്കിയ ഓഹരികളില് ലോറസ് ലാബ് മുന്നിലുണ്ട്. ഒരു വര്ഷം മുമ്പ് 70 രൂപയായിരുന്ന കമ്പനിയിടെ ഓഹരി വില 316 രൂപയിലേക്ക് ഉയര്ന്നിരിക്കുന്നു. നേട്ടമാകട്ടെ 347 ശതമാനവും.
ഒരു വര്ഷം മുമ്പ് ഈ ഓഹരിയില് ഒരു ലക്ഷം രൂപ നിക്ഷേപിച്ചിരുന്നുവെങ്കില് ഇപ്പോഴത് 4.51 ലക്ഷമായിട്ടുണ്ടാകുിമായിരുന്നു. ഈ കാലയളിവില് സെന്സെക്സ് ഉയര്ന്നത് 7.43ശതമാനമാണെന്നും ഓര്ക്കണം.
ഫാര്മ ഓഹരികളില് നേട്ടത്തിന്റെ കാര്യത്തില് ഡിവിസ് ലാബാണ് രണ്ടാമത്. 99 ശതമാനമാണ് ഈ ഓഹരി നിക്ഷേപകര്ക്ക് നല്കിയ ആദായം. ഡോ.റെഡ്ഡീസ് ലാബാകട്ടെ 62.57 ശതമാനവും ഉയര്ന്നു. സിപ്ല 59 ശതമാനവും നേട്ടമുണ്ടാക്കി. സണ്ഫാര്മയുടെ വിഹിതമാകട്ടെ 11.41 ശതമാനും ആണ്
ഒഹരി വില ഉയര്ന്നതോടെ ലോറസ് ലാബിന്റെ വിപണി മൂല്യം കുതിച്ചു. ബിഎസ്ഇയില് ഒരാഴ്ച്ചക്കിടെ 11.85 ശതമാനമാണ് മൂല്യം കൂടിയത്. ഇതോടെ 16,999കോടി രൂപയായി ഈ മിഡ് ക്യാപ് ഓഹരിയുടെ മൂല്യം.
്