സെൻസെക്സിലും നിഫ്റ്റിയിലും ഇന്ന് തുടക്കം മോശം, വ്യാപാരം ആരംഭിച്ചത് നഷ്ടത്തിൽ

ആഗോള സൂചകങ്ങളെ തുട‍ർന്ന് ഇന്ത്യൻ ഇക്വിറ്റി ബെഞ്ച്മാർക്കുകൾ ബുധനാഴ്ച നഷ്ടത്തിൽ വ്യാപാരം ആരംഭിച്ചു. ഫെഡറൽ റിസർവ് രണ്ട് ദിവസത്തെ പോളിസി മീറ്റിംഗ് ആരംഭിച്ചതോടെ യുഎസ് നിയമനിർമ്മാതാക്കൾ പുതിയ ഉത്തേജക പദ്ധതിയെക്കുറിച്ച് ചർച്ച ചെയ്യുന്നത് തുടരുന്നതിനാൽ ആഗോള ഓഹരികൾ ചൊവ്വാഴ്ച റെക്കോർഡ് നിലവാരത്തിൽ നിന്ന് ഇടിഞ്ഞിരുന്നു.

stock market

ഇതിനെ തുട‍ർന്ന് സെൻസെക്സ് രാവിലെ 304 പോയിന്റും നിഫ്റ്റി 50 സൂചിക 14,200നും താഴെയായി. രാവിലെ 9:20 വരെ സെൻസെക്സ് 275 പോയിന്റ് കുറഞ്ഞ് 48,106 ലും നിഫ്റ്റി 50 സൂചിക 79 പോയിന്റ് ഇടിഞ്ഞ് 14,160 ലും എത്തി. ഏകദേശം 526 ഓഹരികൾ രാവിലെ മുന്നേറി, 586 ഓഹരികൾ ഇടിഞ്ഞു. 88 ഓഹരികൾ മാറ്റമില്ലാതെ തുടരുന്നു.

അൾട്രാ ടെക് സിമന്റ്, ടെക്ക് മഹീന്ദ്ര, എച്ച്സിഎൽ ടെക്, എൽ ആൻഡ് ടി, ബജാജ് ഫിനാൻസ്, ഐടിസി എന്നിവയാണ് സെൻസെക്സ് ഓഹരികളിലെ ഏറ്റവും മികച്ച നേട്ടക്കാ‍ർ. റിലയൻസ്, സൺ ഫാ‍‍ർമ, ഡോ. റെഡ്ഡീസ്, ഇൻ‍സിൻസ് ബാങ്ക്, ഏഷ്യൻ പെയിന്റ്, ബജാജ് ഓട്ടോ എന്നിവയാണ് സെൻസെക്സിൽ ഏറ്റവും കൂടുതൽ നഷ്ടം രേഖപ്പെടുത്തുന്ന ഓഹരികൾ.