ഓഹരി വിപണി ഇന്ന് ഉയർന്നു; ഐഷർ മോട്ടോഴ്‌സിന് 7 ശതമാനത്തിലധികം നേട്ടം

ഇന്ത്യൻ ഇക്വിറ്റി ബെഞ്ച്മാർക്ക് സൂചികകളായ സെൻസെക്സും നിഫ്റ്റിയും തുടർച്ചയായ രണ്ടാം ആഴ്ച്ചയിലും നേട്ടത്തിൽ വ്യാപാരം അവസാനിപ്പിച്ചു. രാവിലെ നഷ്ടത്തിലാണ് ഇന്ന് വ്യാപാരം ആരംഭിച്ചതെങ്കിലും പിന്നീട് സൂചികകൾ ഉയർന്നു. റിലയന്സ് ഇൻഡസ്ട്രീസ്, ബജാജ് ഫിനാൻസ്, ഐഷർ മോട്ടോഴ്സ് എന്നിവയാണ് ഇന്ന് നിഫ്റ്റി 50 ഇൻഡക്സിൽ ഏറ്റവും മികച്ച നേട്ടം കൈവരിച്ചത്. മാധ്യമങ്ങളും എഫ്എം‌സിജിയും ഒഴികെ എല്ലാ മേഖലാ സൂചികകളും നേട്ടത്തിൽ ക്ലോസ് ചെയ്തു.

ഓഹരി വിപണി ഇന്ന് ഉയർന്നു; ഐഷർ മോട്ടോഴ്‌സിന് 7 ശതമാനത്തിലധികം നേട്ടം

ഫാർമ, ഫിനാൻഷ്യൽ, റിയൽറ്റി ഓഹരികളാണ് ഇന്ന് ഏറ്റവും മികച്ച നേട്ടമുണ്ടാക്കിയത്. സെൻസെക്സ് 85.81 പോയിൻറ് അഥവാ 0.20 ശതമാനം ഉയർന്ന് 43,443.00 ൽ എത്തി. നിഫ്റ്റി 29.15 പോയിൻറ് അഥവാ 0.23 ശതമാനം ഉയർന്ന് 12,719.95 ലെത്തി. നിഫ്റ്റി സ്‌മോൾകാപ്പ് 100, നിഫ്റ്റി മിഡ്‌കാപ്പ് 100 സൂചികകൾ യഥാക്രമം 0.8%, 0.9 ശതമാനം നേട്ടമുണ്ടാക്കി.

ബജാജ് ഫിൻ‌സെർവ്, ടാറ്റാ സ്റ്റീൽ, ഐ‌സി‌ഐ‌സി‌ഐ ബാങ്ക്, ആക്സിസ് ബാങ്ക്, ബജാജ് ഫിനാൻസ്, എസ്‌ബി‌ഐ എന്നിവയാണ് സെൻ‌സെക്സ് 30 ഓഹരികളിൽ 1 മുതൽ 4 ശതമാനം ഉയർച്ച രേഖപ്പെടുത്തിയത്. അതേസമയം, എൽ ആൻഡ് ടി, എച്ച്ഡിഎഫ്സി, എച്ച്ഡിഎഫ്സി ബാങ്ക്, ഭാരതി എയർടെൽ, ടെക് മഹീന്ദ്ര, എം ആന്റ് എം എന്നിവയാണ് ഏറ്റവും കൂടുതൽ നഷ്ടം നേരിട്ട ഓഹരികൾ. ഇവ അര ശതമാനം മുതൽ രണ്ട് ശതമാനം വരെ ഇടിഞ്ഞു.