ഓഹരി വിപണിയിൽ ഇന്ന് നേട്ടത്തിൽ തുടക്കം, മെറ്റൽ ഓഹരികൾക്ക് തിളക്കം

ഓഹരി വിപണിയിൽ ഇന്ന് എല്ലാ മേഖലാ സൂചികകളും നേട്ടത്തിൽ വ്യാപാരം ആരംഭിച്ചു. മെറ്റൽ സൂചിക ഒരു ശതമാനം ഉയർന്നു. ശ്രീ സിമൻറ്സ്, ഗെയിൽ, അൾട്രാടെക് സിമൻറ്, ഇൻഫോസിസ്, ഗ്രാസിം എന്നിവയാണ് നിഫ്റ്റിയിൽ കൂടുതൽ നേട്ടമുണ്ടാക്കുന്നത്. രാവില 09:16ന് സെൻസെക്സ് 49.92 പോയിൻറ് അഥവാ 0.11% ഉയർന്ന് 44199.64 ൽ എത്തി.

നിഫ്റ്റി 17.10 പോയിൻറ് അഥവാ 0.13% ഉയർന്ന് 12986.10 ൽ എത്തി. ഏകദേശം 981 ഓഹരികൾ ഇന്ന് മുന്നേറി. 376 ഓഹരികൾ ഇടിഞ്ഞു, 74 ഓഹരികൾ മാറ്റമില്ലാതെ തുടർന്നു. അൾട്രാടെക് സിമന്റ്, ഇൻഫോസിസ്, ബജാജ് ഓട്ടോ, എൽ ആൻഡി ടി, പവർഗ്രിഡ്, സൺ ഫാർമ എന്നിവയാണ് ബിഎസ്ഇ സെൻസെക്സിൽ ഇന്ന് ഏറ്റവും മികച്ച പ്രകടനം കാഴ്ച്ച വയ്ക്കുന്ന ഓഹരികൾ.

ഓഹരി വിപണിയിൽ ഇന്ന് നേട്ടത്തിൽ തുടക്കം, മെറ്റൽ ഓഹരികൾക്ക് തിളക്കം

ഒൻജിസി, എച്ച്ഡിഎഫ്സി, എം ആൻഡ് എം, കൊട്ടക് ബാങ്ക്, എച്ച്ഡിഎഫ്സി ബാങ്ക്, ആക്സിസ് ബാങ്ക് എന്നിവയ്ക്കാണ് സെൻസെക്സിൽ ഏറ്റവും കൂടുതൽ നഷ്ടം. രത്‌മണി മെറ്റൽസ്, നാൽകോ, ജെ‌എസ്‌ഡബ്ല്യു സ്റ്റീൽ എന്നിവരുടെ നേതൃത്വത്തിൽ നിഫ്റ്റി മെറ്റൽ സൂചിക ഇന്ന് ഒരു ശതമാനം ഉയർന്നു.

ആഭ്യന്തര ഇക്വിറ്റി വിപണിയിൽ വാങ്ങലുകൾക്കിടയിൽ ഇന്ത്യൻ രൂപ 10 പൈസ ഉയർന്ന് 73.95 രൂപയിലെത്തി. വെള്ളിയാഴ്ച 74.05 ൽ ആണ് ക്ലോസ് ചെയ്തത്. നവംബർ 27 ന് രൂപ 17 പൈസ കുറഞ്ഞ് ഡോളറിന് എതിരെ 74.05 എന്ന നിലയിൽ എത്തിയിരുന്നു. വ്യാഴാഴ്ച നിരക്ക് 73.88 രൂപയായിരുന്നു.