ജൂൺ ആദ്യവാരം തന്നെ നേട്ടം കൊയ്യാം, ഐപിഒയ്ക്ക് തയ്യാറായി 3 കമ്പനികൾ, ഓഹരി വില അറിയാം

പൊതുതിരഞ്ഞെടുപ്പിന്‍റെ ചാഞ്ചാട്ടമുണ്ടെങ്കിലും പ്രൈമറി മാർക്കറ്റ് ഇപ്പോഴും സജീവമാണ്. ഈ വർഷം ഇതുവരെ നടന്ന ഇനീഷ്യൽ പബ്ലിക് ഓഫറുകൾ (ഐപിഒകൾ)ക്ക് മികച്ച പ്രതികരണമാണ് നിക്ഷേപകരുടെ ഭാഗത്ത് നിന്നും ലഭിച്ചത്. മെയ് മാസത്തിൽ, മെയിൻബോർഡ് വിഭാഗത്തിന് 30 ഐപിഒകളാണ് നടന്നത്. ഏകദേശം 100 എസ്എംഇ ഐപിഒകൾ മെയ് മാസം വരെ ലിസ്റ്റ് ചെയ്യുകയും ചെയ്തിട്ടുണ്ട്.

ഇന്ത്യയുടെ ശക്തമായ സാമ്പത്തിക വളർച്ച, സ്റ്റോക്ക് വിലയിലെ വർദ്ധനവ്, കോർപ്പറേഷനുകളുടെ ലാഭം, എസ്റ്റിമേറ്റുകളുടെ നിരന്തരമായ മികവ് എന്നിവ കാരണം ഐപിഒ വിപണി കൂടുതൽ സജീവമാകുമെന്ന് തന്നെയാണ് വിദഗ്ധരുടെ അഭിപ്രായം. ടാറ്റ ക്യാപിറ്റൽ, ഹെക്‌സാവെയർ, ഒല ഇലക്ട്രിക്, സ്വിഗ്ഗി തുടങ്ങിയ അത്യാധുനിക ബിസിനസുകൾ 2024-ലും 2025-ലും പൊതു വിപണിയിൽ അരങ്ങേറ്റം കുറിക്കാൻ തയ്യാറെടുക്കുകയാണ്.

ജൂൺ മാസത്തെ ഐപിഒ

മൂന്ന് ഐപിഒകൾ ജൂൺ ആദ്യവാരം സബ്‌സ്‌ക്രിപ്‌ഷനായി തുറക്കും. ക്രോനോക്‌സ് ലാബ് സയൻസിന്‍റെ 130 കോടിയുടെ ഓഫർ മെയിൻബോർഡ് സെഗ്‌മെൻ്റിൽ തുറക്കും, സാട്രിക്സ് ഇൻഫർമേഷൻ സെക്യൂരിറ്റിയും മജന്ത ലൈഫ്‌കെയർ ഐപിഒയും എസ്എംഇ വിഭാഗത്തിൽ അടുത്തയാഴ്ച തുറക്കും.

1. ക്രോനോക്സ് ലാബ് സയൻസസ്

ക്രോനോക്‌സ് ലാബ് സയൻസസ് ഐപിഒ ജൂൺ 3 ന് ആരംഭിച്ച് 5ന് അവസാനിക്കും. 10 രൂപ മുഖവിലയുള്ള ഒരു ഇക്വിറ്റി ഷെയറിന് 129 രൂപ മുതൽ 136 രൂപ വരെയാണ് പ്രൈസ് ബാൻഡ് നിശ്ചയിച്ചിരിക്കുന്നത്. മെയ് 31 വെള്ളിയാഴ്ച, ആങ്കർ നിക്ഷേപകർ ഐപിഒയിലേക്ക് 39.04 കോടി സംഭാവന നൽകി.

ഐപിഒ ജൂൺ 6 വ്യാഴാഴ്ച അന്തിമമാക്കുമെന്ന് പ്രതീക്ഷിക്കുന്നു. തുടർന്ന് ജൂൺ 7 വെള്ളിയാഴ്ച കമ്പനി റീഫണ്ടുകൾ പ്രോസസ്സ് ചെയ്യാൻ തുടങ്ങും. റീഫണ്ടിൻ്റെ അതേ ദിവസം തന്നെ ഷെയറുകൾ അലോട്ടികളുടെ ഡീമാറ്റ് അക്കൗണ്ടിലേക്ക് നിക്ഷേപിക്കും. ജൂൺ 10 തിങ്കളാഴ്ച ബിഎസ്ഇയിലും എൻഎസ്ഇയിലും ലിസ്റ്റ് ചെയ്യാൻ സാധ്യതയുണ്ട്.

ഐപിഒയുടെ ബുക്ക് റണ്ണിംഗ് ലീഡ് മാനേജർ പാൻ്റോമത്ത് ക്യാപിറ്റൽ അഡ്വൈസേഴ്സ് പ്രൈവറ്റ് ലിമിറ്റഡും രജിസ്ട്രാർ കെഫിൻ ടെക്നോളജീസ് ലിമിറ്റഡുമാണ്.

2. സാട്രിക്സ് ഇൻഫർമേഷൻ സെക്യൂരിറ്റി

ഐപിഒ സബ്‌സ്‌ക്രിപ്‌ഷൻ ജൂൺ 5 ബുധനാഴ്ച മുതൽ ജൂൺ 7 വെള്ളി വരെയാണ്. പ്രൈസ് ബാൻഡ് 121 രൂപയായി നിശ്ചയിച്ചിരിക്കുന്നു. കമ്പനിയുടെ നിലവിലെ വിപണി മൂല്യം 82.28 കോടി രൂപയും ഐപിഒയുടെ മൊത്തം ഇഷ്യൂ വലുപ്പം 21.78 കോടി രൂപയുമാണ്.

റീട്ടെയിൽ നിക്ഷേപകർക്ക് 1,000 ഓഹരികൾ ഒന്നിന് 121 രൂപ നിരക്കിൽ വാങ്ങി പരമാവധി 1,21,000 രൂപ നിക്ഷേപിക്കാം. സാട്രിക്സ് ഐപിഒയുടെ രജിസ്ട്രാർ ബിഗ്‌ഷെയർ സർവീസസ് പ്രൈവറ്റ് ലിമിറ്റഡാണ്, അതേസമയം ബുക്ക് റണ്ണിംഗ് ലീഡ് മാനേജർ ഐസ്കെ അഡ്വൈസേഴ്‌സ് പ്രൈവറ്റ് ലിമിറ്റഡാണ്. സൺഫ്ലവർ ബ്രോക്കിംഗ് ആണ് സാട്രിക്‌സിൻ്റെ പ്രാരംഭ പബ്ലിക് ഓഫറിൻ്റെ മാർക്കറ്റ് മേക്കർ.

3. മജന്ത ലൈഫ്കെയർ

മജന്ത ലൈഫ്കെയർ ഐപിഒ ജൂൺ 5 ബുധനാഴ്ച സബ്‌സ്‌ക്രിപ്‌ഷനായി തുറക്കും. ജൂൺ 7 വെള്ളിയാഴ്ച അവസാനിക്കും. ഇഷ്യുവിൻ്റെ പ്രൈസ് ബാൻഡ് ഒരു ഷെയറിന് 35 രൂപയാണ്. ലോട്ട് സൈസ് 4,000 ഷെയറുകളാണ്.

ഐപിഒയുടെ ബുക്ക് റണ്ണിംഗ് ലീഡ് മാനേജർ ഫെഡെക്‌സ് സെക്യൂരിറ്റീസ് പ്രൈവറ്റ് ലിമിറ്റഡാണ്. ഇഷ്യൂവിൻ്റെ രജിസ്ട്രാർ കാമിയോ കോർപ്പറേറ്റ് സർവീസസ് ലിമിറ്റഡ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.