ആർകെ ഫോർജ് ഉൾപ്പെടെ 3 ഓഹരികൾ വാങ്ങാം, 20% നേട്ടമുണ്ടാക്കാമെന്ന് ബ്രോക്കറേജ്, ഇനിയും വൈകിക്കണോ..?

നിക്ഷേപകർക്ക് ആശ്വാസവും ആത്മവിശ്വാസവും പകർന്ന് കൂടുതൽ ഉയരങ്ങളിലേക്ക് മുന്നേറുകയാണ് ഓഹരി സൂചികകൾ. ജൂൺ 12 ബുധനാഴ്ച പച്ചയിലാണ് നിഫ്റ്റിയും സെൻസെക്സും അവസാനിച്ചത്. സെൻസെക്‌സ് 149.98 പോയിൻ്റ് അഥവാ 0.20 ശതമാനം ഉയർന്ന് 76,606.57ലും നിഫ്റ്റി 58.20 പോയിൻ്റ് അഥവാ 0.25 ശതമാനം ഉയർന്ന് 23,323ലുമാണ് വ്യാപാരം അവസാനിപ്പിച്ചത്. ഏകദേശം 2284 ഓഹരികൾ നേട്ടത്തിലെത്തി, 1159 ഓഹരികൾ ഇടിഞ്ഞു.

നിഫ്റ്റി 23,400 സോണിനടുത്ത് ചെറുത്തുനിൽക്കുന്നു. വരും ദിവസങ്ങളിൽ ഒരു പുതിയ മുകളിലേക്ക് നീങ്ങാൻ സൂചികയ്ക്ക് ഈ സോണിന് മുകളിൽ നിർണായകമായ ഒരു ലംഘനം ആവശ്യമാണെന്നാണ് ബ്രോക്കറേജ് സ്ഥാപനമായ പ്രഭുദാസ് ലില്ലാധർ പ്രൈവറ്റ് ലിമിറ്റഡിൻ്റെ ടെക്നിക്കൽ റിസർച്ച് വൈസ് പ്രസിഡൻ്റ് വൈശാലി പരേഖ് വിലയിരുത്തുന്നത്. വരും ദിവസങ്ങളിൽ മുന്നോട്ട് കുതിക്കുമെന്ന് കരുതുന്ന 3 ഓഹരികളും അദ്ദേഹം തിരഞ്ഞെടുത്തിട്ടുണ്ട്.അവ ഏതൊക്കെയാണെന്ന് പരിശോധിക്കാം.

1. എക്സ്ചേഞ്ചിംഗ് സൊല്യൂഷൻസ് ലിമിറ്റഡ്

എൻഎസ്ഇയിൽ 123 രൂപയാണ് നിലവിൽ എക്സ്ചേഞ്ചിംഗ് സൊല്യൂഷൻസ് ലിമിറ്റഡ് ഓഹരിയുടെ വില. കഴിഞ്ഞ അഞ്ച് ദിവസത്തിനിടെ 6.31 ശതമാനവും ഒരു മാസത്തിനിടെ 7.66 ശതമാനവും വളർച്ച ഓഹരി നേടി. 19 ശതമാനമാണ് ആറ് മാസത്തെ മുന്നേറ്റം.

ടാർഗെറ്റ് പ്രൈസ്: ₹ 145 | സ്റ്റോപ്പ് ലോസ്: ₹ 110

ഓഹരി നിലവിൽ ഏകീകരണത്തിലാണ്. 200 കാലയളവിലെ എംഎയിൽ നിന്ന് ഓഹരി ഗണ്യമായി വീണ്ടെടുത്തു. അതുകൊണ്ടു തന്നെ വരും ദിവസങ്ങളിൽ മുന്നേറ്റം പ്രതീക്ഷിക്കാം.

കമ്പനി

ബിസിനസ് പ്രോസസ് ഔട്ട്‌സോഴ്‌സിംഗ് (ബിപിഒ), ഇൻഫർമേഷൻ ടെക്‌നോളജി ഔട്ട്‌സോഴ്‌സിംഗ് (ഐടിഒ) സോഫ്‌റ്റ്‌വെയർ എന്നിവ വാഗ്ദാനം ചെയ്യുന്ന കമ്പനിയാണ് എക്സ്ചേഞ്ചിംഗ് സൊല്യൂഷൻസ് ലിമിറ്റഡ്.

2. ആർകെ ഫോർജ്

എൻഎസ്ഇയിൽ 750 രൂപയാണ് കമ്പനിയുടെ ഓഹരി വില. കഴിഞ്ഞ അഞ്ച് ദിവസത്തിനിടെ 8.72 ശതമാനം വളർച്ചയാണ് ഓഹരി നേടിയത്. 8.85 ശതമാനമാണ് ഒരു മാസത്തെ മുന്നേറ്റം. ആറ് മാസത്തിനിടെ 2 ശതമാനത്തോളം നേട്ടമുണ്ടാക്കാനും ഓഹരിക്ക് സാധിച്ചു.

ടാർഗെറ്റ് പ്രൈസ്: ₹ 850 | സ്റ്റോപ്പ് ലോസ്: ₹ 670

ഓഹരി ഡെയ്‌ലി ചാർട്ടിൽ ഏകദേശം 600 ലെവലിൽ ഡബിൾ ബോട്ടം ഫോർമേഷൻ ഉണ്ടാക്കി. അതിൽ നിന്ന് 200 ഡിഎംഎ ലെവൽ 711-ന് മുകളിൽ നിലനിർത്താൻ ശക്തമായി വീണ്ടെടുത്തു. ആർഎസ്ഐ ഉയരുകയാണ്, ഇത് കൂടുതൽ മുകളിലേക്ക് നീങ്ങാനുള്ള സാധ്യതയും ശക്തിയും സൂചിപ്പിക്കുന്നു. അതോടൊപ്പം മാന്യമായ വോളിയം പങ്കാളിത്തത്തിനും ഓഹരി സാക്ഷ്യം വഹിച്ചു.

കമ്പനി

ഇന്ത്യയിലും വിദേശ വിപണികളിലും ഓട്ടോമോട്ടീവ്, റെയിൽവേ, ഫാം എക്യുപ്‌മെൻ്റ്, ബെയറിംഗുകൾ, ഓയിൽ & ഗ്യാസ്, പവർ ആൻഡ് കൺസ്ട്രക്ഷൻ, എർത്ത് മൂവിംഗ് & മൈനിംഗ് തുടങ്ങിയ വിവിധ മേഖലകളിലേക്കുള്ള വിതരണക്കാരാണ് ഇവർ.

3. ഇൻഡസ്ഇൻഡ് ബാങ്ക്

എൻഎസ്ഇയിൽ 1,482.60 രൂപ എന്നതാണ് ബാങ്കിന്‍റെ ഓഹരി വില. 5 ദിവസത്തിനിടെ നേരിയ ഇടിവ് ഓഹരി നേരിട്ടിട്ടുണ്ട്. അതേസമയം 5.56 ശതമാനം വളർച്ച കഴിഞ്ഞ ഒരു മാസത്തിനിടെ ഓഹരിക്ക് നേടാനായി.

ടാർഗെറ്റ് പ്രൈസ്: ₹ 1,700 | സ്റ്റോപ്പ് ലോസ്: ₹ 1,380

1,400-1,500 ലെവലിൽ ഓഹരി കുറച്ച് കാലമായി ഏകീകരിക്കുകയും 1,400 ലെവലിൽ മികച്ച പിന്തുണ നിലനിർത്തുകയും ചെയ്തു. ആർഎസ്ഐ നിലവിൽ മികച്ച നിലയിലാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.