സ്റ്റോക്കിൽ സ്റ്റക്കാണോ? ഈ റെയിൽവേ ഓഹരികൾ 2% ഇടിയുന്നു; മോർഗൻ സ്റ്റാൻലി ടാർ​ഗറ്റ് വില വെട്ടിക്കുറച്ചു

റെയിൽവേ ഓഹരികൾ വലിയ നഷ്ടത്തിലേക്കാണ് വീഴുന്നത്. എറെ പ്രതീക്ഷകളോടെ നിരവധി നിക്ഷേപകരാണ് വിവിധ റെയിൽവേ ഓഹരികളിൽ നിക്ഷേപിച്ചത്. എന്നാൽ ഇന്ന് ഫെബ്രുവരി 27 ന് ടിറ്റാഗഡ് റെയിൽ സിസ്റ്റംസിന്റെ ഓഹരികൾ 2.5 ശതമാനം ഇടിഞ്ഞ് 741 രൂപയിലെത്തി. ഇന്നത്തെ ഇടിവും നിക്ഷേപകരെ നിരാശയിലാഴ്ത്തി.

പ്രമുഖ ബ്രോക്കറേജ് സ്ഥാപനമായ മോർഗൻ സ്റ്റാൻലി ടിറ്റാഗഡ് റെയിൽ ഓഹരിയെ കുറിച്ച് "ഓവർ വെയ്റ്റ്" എന്ന നിലപാട് ഉറപ്പിച്ചു. അതിനാൽ ഈ ഓഹരികളുടെ ടാർ​ഗറ്റ് വില 1,300 രൂപയിൽ നിന്ന് 1,090 രൂപയായി കുറച്ചു. ഓഹരി വിലയിലെ ഈ മാറ്റം മൂലം ഏകദേശം 40 ശതമാനം വർദ്ധനവ് ഉണ്ടാകാനുള്ള സാധ്യതയാണ് സൂചിപ്പിക്കുന്നത്.

ഇന്ത്യൻ റെയിൽവേയിൽ നിന്നുള്ള വീൽസെറ്റുകളുടെ വിതരണത്തിൽ കുറവുണ്ടാവുന്നത് വരുമാന വർദ്ധനവിന് തടസ്സമാകുമെന്ന് മോർഗൻ സ്റ്റാൻലി എടുത്തുപറഞ്ഞു. കൂടാതെ ചെയർ കാർ ഡിസൈൻ പ്ലാനിലെ മാറ്റങ്ങൾ കാരണം വന്ദേ ഭാരതിനായുള്ള യാത്രാ പദ്ധതികളുടെ നിർവ്വഹണം ഒമ്പത് മാസത്തോളം വൈകി. തൽഫലമായി ഇതെല്ലാം ടിറ്റഗഡിന്റെ വരുമാന വളർച്ചയെ ബാധിക്കുമെന്ന് വിദഗ്ധർ പ്രതീക്ഷിക്കുന്നു.

"2023 ഒക്ടോബർ മുതൽ പാസഞ്ചർ വിഭാഗത്തിന് പുതിയ ഓർഡറുകളൊന്നും ലഭിച്ചിട്ടില്ല, അതിനാൽ 25-26 സാമ്പത്തിക വർഷത്തിലെ ടിറ്റാഗഢിന്റെ വരുമാന കണക്കുകൾ യഥാക്രമം 14 ശതമാനവും 7 ശതമാനവും കുറയ്ക്കുകയാണ്. അഹമ്മദാബാദ് മെട്രോ പദ്ധതിയുടെ നിർവ്വഹണവും 2026-ലെ ആദ്യ പാദത്തിൽ ആരംഭിക്കുമെന്നും മോർഗൻ സ്റ്റാൻലി പറഞ്ഞു.

ടിറ്റാഗഡ് റെയിൽ സിസ്റ്റംസ് ലിമിറ്റഡ്

1997-ൽ സ്ഥാപിതമായ ടിറ്റാഗഡ് റെയിൽ സിസ്റ്റംസ് ലിമിറ്റഡ് പ്രധാനമായും ചരക്ക് വാഗണുകൾ, പാസഞ്ചർ കോച്ചുകൾ, മെട്രോ ട്രെയിനുകൾ, ട്രെയിൻ ഇലക്ട്രിക്കലുകൾ, സ്റ്റീൽ കാസ്റ്റിംഗുകൾ, പ്രത്യേക ഉപകരണങ്ങൾ, പാലങ്ങൾ, കപ്പലുകൾ മുതലായവയുടെ നിർമ്മാണത്തിലും വിൽപ്പനയിലും ഏർപ്പെട്ടിരിക്കുന്നു. മാത്രമല്ല ആഭ്യന്തര, കയറ്റുമതി വിപണികളെയും കമ്പനി ഒരുപോലെ പ്രാധാന്യം നൽകുന്നു. കഴിഞ്ഞ 5 വർഷത്തിനിടെ കമ്പനി 84.5% CAGR ഉയ‍ർന്ന ലാഭം കൈവരിച്ചിരുന്നു. കഴിഞ്ഞ 10 വർഷത്തെ ശരാശരി വിൽപ്പന വളർച്ച 22.0% ആണ്.

മൂന്നാം പാദത്തിലെ മാറ്റങ്ങൾ...

മൂന്നാം പാദത്തിൽ കമ്പനിയുടെ അറ്റാദായത്തിൽ വാർഷികാടിസ്ഥാനത്തിൽ (YoY) 16 ശതമാനം ഇടിവ് രേഖപ്പെടുത്തി 62.8 കോടി രൂപയായി. എന്നാൽ അതേസമയം പ്രവർത്തനങ്ങളിൽ നിന്നുള്ള വരുമാനം 5.5 ശതമാനം ഇടിഞ്ഞ് 902.2 കോടി രൂപയായി. പ്രവർത്തന മേഖലയിൽ, EBITDA 9.6 ശതമാനം ഇടിഞ്ഞ് 100.1 കോടി രൂപയായി. നിലവിലെ പാദത്തിൽ EBITDA മാർജിൻ 11.1 ശതമാനമായി.

മാത്രമല്ല, ടിറ്റഗഡ് ഫയർമ എഞ്ചിനീയറിംഗ് സർവീസസിന്റെ ഇക്വിറ്റി ഷെയറുകളുടെ ഓഹരികൾ വിൽക്കാൻ ടിറ്റഗഡ് റെയിൽ സിസ്റ്റംസിന്റെ ബോർഡ് അനുമതി നൽകി.

അടുത്തിടെ, BVCM വാഗണുകൾക്കൊപ്പം 16 BCFCM റേക്കുകൾ നിർമ്മിച്ച് വിതരണം ചെയ്യുന്നതിനായി അംബുജ സിമന്റ്‌സിൽ നിന്നും ACC ലിമിറ്റഡിൽ നിന്നും ടിറ്റാഗഡ് റെയിൽ സിസ്റ്റംസ് ഓർഡർ സ്വന്തമാക്കിയിരുന്നു. ഇത് 537.11 കോടി രൂപ വിലമതിക്കുന്ന ഓർഡറാണ്. നിലവിലെ കരാർ പ്രകാരം 2026 ജനുവരിക്കും 2027 മാർച്ചിനും ഇടയിൽ പൂർത്തിയാകുമെന്ന് പ്രതീക്ഷിക്കുന്നു. കഴിഞ്ഞ ആറ് മാസത്തിനിടെ, ടിറ്റാഗഡ് റെയിൽ സിസ്റ്റംസിന്റെ ഓഹരികൾ ഏകദേശം പകുതിയായി കുറഞ്ഞു, നിഫ്റ്റി 50 ന്റെ 10 ശതമാനം ഇടിവിന് വിപരീതമായി.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.