ഈ റെയിൽവേ ഓഹരികൾക്ക് എന്തു പറ്റി? വില ഇടിഞ്ഞ് 52 ആഴ്ചയിലെ ഏറ്റവും താഴ്ന്ന നിലയിലെത്തി

റെയിൽവേ ഓഹരികൾക്ക് ഇതെന്തു പറ്റി. ഇപ്പോഴത്തെ സാഹചര്യത്തിൽ ഈ ഓഹരികൾക്ക് കനത്ത നഷ്ടമാണ്. ഫെബ്രുവരി 13 ന് കമ്പനിയുടെ മൂന്നാം പാദത്തിലെ വരുമാനം പ്രഖ്യാപിച്ചതിനുശേഷം ടിറ്റാഗഡ് റെയിൽ സിസ്റ്റംസിന്റെ ഓഹരികൾ തകർന്നു. രണ്ട് സെഷനുകളിലായി ഈ മൾട്ടിബാഗർ സ്റ്റോക്ക് 7.24 ശതമാനമാണ് ഇടിഞ്ഞത്. നിലവിലെ സെഷനിൽ, ടിറ്റാഗഡ് റെയിൽ ഓഹരികൾ 4% ഇടിഞ്ഞ് 52 ആഴ്ചയിലെ ഏറ്റവും താഴ്ന്ന നിരക്കായ 771.35 രൂപയിലെത്തി. നിക്ഷേപകർക്കിടയിൽ ഇത് വലിയ നിരാശയുണർത്തുന്നു.

ഓഹരിയിലെ മാറ്റങ്ങൾ...

ടിറ്റാഗഡ് റെയിൽ സിസ്റ്റംസിന്റെ വിപണി മൂല്യം 10,531 കോടി രൂപയായി കുറഞ്ഞു. കമ്പനിയുടെ ആകെ 0.41 ലക്ഷം ഓഹരികൾ 3.24 കോടി രൂപയുടെ വിറ്റുവരവാണ് നേടിയത്. ഇത്രയും നഷ്ടങ്ങൾ കണക്കാക്കിയെങ്കിലും ടിറ്റാഗഡ് റെയിൽ സ്റ്റോക്ക് രണ്ട് വർഷത്തിനുള്ളിൽ 261% നേട്ടം, മൂന്ന് വർഷത്തിനുള്ളിൽ 705% നേട്ടം, അഞ്ച് വർഷത്തിനുള്ളിൽ 1,552% നേട്ടം എന്നിങ്ങനെ മൾട്ടിബാഗർ റിട്ടേണുകൾ നൽകിയിട്ടുണ്ട്. .

2024 ജൂൺ 27-ന് ഓഹരി വില 52 ആഴ്ചയിലെ ഏറ്റവും ഉയർന്ന നിരക്കായ 1896.50 രൂപയിലെത്തി. ടിറ്റാഗഡ് റെയിൽവേ സ്റ്റോക്കിന് ഒരു വർഷത്തെ ബീറ്റ 1.5 ആണ്, ഇത് ഈ കാലയളവിൽ ഉയർന്ന ചാഞ്ചാട്ടത്തെ സൂചിപ്പിക്കുന്നു.

ബ്രോക്കറേജ് അഭിപ്രായങ്ങൾ...

ബ്രോക്കറേജ് നുവാമ അതിന്റെ ടാർ​​ഗറ്റ് വില 1,197 രൂപയായി കുറച്ചു.

"സപ്പോർട്ട് 730 രൂപയും റെസിസ്റ്റൻസ് 800 രൂപയും ആയിരിക്കും. 800 രൂപയ്ക്ക് മുകളിലുള്ള നിർണായക നീക്കം 880 രൂപയുടെ കൂടുതൽ ഉയർച്ചയ്ക്ക് കാരണമായേക്കാം. ഹ്രസ്വകാലത്തേക്ക് പ്രതീക്ഷിക്കുന്ന ട്രേഡിങ്ങ് ശ്രേണി 700 രൂപയ്ക്കും 880 രൂപയ്ക്കും ഇടയിലായിരിക്കും." ആനന്ദ് രതിയിലെ മാനേജർ ജിഗർ എസ് പട്ടേൽ പറഞ്ഞു,

"ടിറ്റാഗഡ് റെയിൽ ഓഹരികൾ വില കുറഞ്ഞതാണെങ്കിലും ഡെയ്‌ലി ചാർട്ടുകളിൽ 758 രൂപക്കടുത്ത സപ്പോർട്ട് നിരക്കിൽ ഓവർസെയിൽഡ് ആണ്. ഡെയ്‌ലി ക്ലോസ് 828 രൂപയ്ക്ക് മുകളിലാണെങ്കിൽ മാത്രമേ നിക്ഷേപകർ ഡെയ്‌ലി ക്ലോസ് വാങ്ങാവൂ, സമീപകാലത്തെ ലക്ഷ്യം 969 രൂപയായിരുന്നു" സെബി രജിസ്റ്റേർഡ് സ്വതന്ത്ര അനലിസ്റ്റ് എ ആർ രാമചന്ദ്രൻ പറയുന്നു.

ടിറ്റാഗഡ് റെയിൽ സിസ്റ്റംസ്

1997-ൽ സ്ഥാപിതമായ ടിറ്റാഗഡ് റെയിൽ സിസ്റ്റംസ് ലിമിറ്റഡ് പ്രധാനമായും ചരക്ക് വാഗണുകൾ, പാസഞ്ചർ കോച്ചുകൾ, മെട്രോ ട്രെയിനുകൾ, ട്രെയിൻ ഇലക്ട്രിക്കലുകൾ, സ്റ്റീൽ കാസ്റ്റിംഗുകൾ, പ്രത്യേക ഉപകരണങ്ങൾ, പാലങ്ങൾ, കപ്പലുകൾ മുതലായവയുടെ നിർമ്മാണത്തിലും വിൽപ്പനയിലും കമ്പനി ഏർപ്പെട്ടിരിക്കുന്നു.

റെയിൽ ഓഹരികളുടെ വീഴ്ച...

കഴിഞ്ഞ സാമ്പത്തിക വർഷത്തെ മൂന്നാം പാദത്തിൽ ടിറ്റാഗഡ് റെയിലിന്റെ അറ്റാദായം 74.8 കോടി രൂപയായിരുന്നു. എന്നാൽ 2025 സാമ്പത്തിക വർഷത്തെ മൂന്നാം പാദത്തിൽ കമ്പനിയുടെ അറ്റാദായം വാർഷികാടിസ്ഥാനത്തിൽ 16% കുറഞ്ഞ് 62.8 കോടിയായി. പ്രവർത്തനങ്ങളിൽ നിന്നുള്ള വരുമാനം മൂന്നാം പാദത്തിൽ 954.7 കോടി രൂപയിൽ നിന്ന് 5.5 ശതമാനം ഇടിഞ്ഞ് 902.2 കോടി രൂപയായി.

മുൻ സാമ്പത്തിക വർഷത്തിലെ മൂന്നാം പാദത്തിൽ EBITDA 110.7 കോടി രൂപയിൽ നിന്ന് 9.6 ശതമാനം ഇടിഞ്ഞ് 100.1 കോടി രൂപയായി. റിപ്പോർട്ടിംഗ് പാദത്തിൽ EBITDA മാർജിൻ 11.1% ആയിരുന്നു, എന്നാൽ മുൻ സാമ്പത്തിക വർഷം ഇതേ കാലയളവിൽ EBITDA 11.6% ആയിരുന്നു.
പലിശ, നികുതി, മൂല്യത്തകർച്ച, അമോർട്ടൈസേഷൻ എന്നിവയ്ക്ക് മുമ്പുള്ള വരുമാനമാണ് EBITDA.