പുതുവ‍ർഷത്തിലെ ആദ്യ വ്യാപാര ദിനം, ഓഹരി വിപണിയിൽ ഇന്ന് നേട്ടത്തിൽ തുടക്കം

ഇന്ത്യൻ സൂചികകൾ 2021 ലെ ആദ്യ ദിവസം മികച്ച നേട്ടത്തിൽ വ്യാപാരം ആരംഭിച്ചു. നിഫ്റ്റി 14,000 ലെവലിനു മുകളിലാണ് ഇന്ന് വ്യാപാരം തുറന്നത്.
രാവിലെ 09:16ന് സെൻസെക്സ് 120.70 പോയിൻറ് അഥവാ 0.25 ശതമാനം ഉയർന്ന് 47,872.03 ൽ എത്തി. നിഫ്റ്റി 35.30 പോയിന്റ് അഥവാ 0.25 ശതമാനം ഉയർന്ന് 14,017.10 ൽ എത്തി. 903 ഓഹരികൾ ഇന്ന് മുന്നേറി, 249 ഓഹരികൾ ഇടിഞ്ഞു, 30 ഓഹരികൾ മാറ്റമില്ലാതെ തുട‍ർന്നു.

പുതുവ‍ർഷത്തിലെ ആദ്യ വ്യാപാര ദിനം, ഓഹരി വിപണിയിൽ ഇന്ന് നേട്ടത്തിൽ തുടക്കം

മഹാരാഷ്ട്ര ബാങ്ക്, പി‌എൻ‌ബി, ബാങ്ക് ഓഫ് ബറോഡ എന്നിവരുടെ നേതൃത്വത്തിൽ നിഫ്റ്റി പി‌എസ്‌യു ബാങ്ക് സൂചിക ഇന്ന് ഒരു ശതമാനം ഉയ‍ർന്നു. 2021 ൽ പ്രവേശിച്ചതോടെ വിപണി എക്കാലത്തെയും ഉയർന്ന നിലയിലാണ് വ്യാപാരം നടത്തുന്നത്. ആഭ്യന്തര ഇക്വിറ്റി വിപണിയിലെ വാങ്ങലുകൾക്കിടെ ഇന്ത്യൻ രൂപ ​ഡോളറിനെതിരെ 73.07 എന്ന നിലയിലെത്തി.

ഡിസംബർ 31 ന് രൂപ ഡോളറിന് എതിരെ രൂപ 73.07 എന്ന നിലയിൽ തന്നെയായിരുന്നു. മുൻ‌വർഷം ഇത് 73.30 ആയിരുന്നു. ആന്റണി വേസ്റ്റ് ഹാൻഡ്‌ലിംഗ് സെൽ ഷെയറുകൾ ജനുവരി 1 ന് നാഷണൽ സ്റ്റോക്ക് എക്സ്ചേഞ്ചിലെ ഇഷ്യു വിലയേക്കാൾ 38.44 ശതമാനം നേട്ടത്തിൽ ആദ്യ ദിവസ വ്യാപാരം ആരംഭിച്ചു.